Ishte viti 2010 kur u martua me shkuesi, për të cilin nuk ishte në dijeni se ishte përdorues i lëndëve narkotike. Të dy sollën në jetë një vajzë ndërsa 3 vite pas, për shkak të gjëndjes së rënduar nga përdorimi i drogërave kryefamiljari vendosi t’i japë fund jetës. Një ngjarje që tronditi tepër nënën dhe vajzën e mitur asokohe 3-vjeçe. Nëna me të bijën u kthyen tek familja e saj, ku gjithashtu ndihej si një barrë për ta. Pas 5 vitesh 30-vjeçarja vendosi të martohet sërish me një djalë nga Kukësi me të cilin solli në jetë një djalë. Ai u bë gjithashtu baba edhe për vajzën nga martesa e parë e 30-vjeçares. Në fillim çdo gjë shkonte mire, por pas 1 viti kur emigruan drejt Francës për azil, kuksiani nisi të ndryshonte sjellje ndaj bashkëshortes së tij. Në vitin 2020 të ata kthehen sërish në Shqipëri pas refuzimit të azilit në shtetin francez ndërsa kuksiani ushtronte dhunë psikologjike me të shoqen dhe gjithashtu paratë i shpenzonte nëpër lojëra fati. Për shkak të vështirësive 30-vjeçarja u detyrua të marrë dy kredi me emrin e saj. E vetmja që punonte dhe siguronte bukën e gojës ishte e reja, e cila këtë situatë e duroi për 5 vite me rradhë, derisa vendosi t’i japë fund edhe pse familja saj ishte kundër këtij vendimi. 1 vit më parë 30-vjeçarja i dha fund kësaj martese duke u larguar bashkë me dy fëmijët, por gjyqin për divorc ajo e hapi në dhjetor të 2023 dhe është ende në proces. Pas ndarjes askush nuk e mbështeti, as familja e saj, as ish-bashkëshorti apo familja e tij nuk u interesua më për djalin 4-vjeçar. Sot ajo mbetur e vetme në mes të katër rrugëve me dy fëmijët e mitur 13 dhe 4 vjeç, gjithashtu edhe me peshën e borxheve në kurriz. E pafuqishme dhe e sfilitur nga jeta kjo nënë vjen të rrëfejë këtë kalvar vuajtjesh në studio.