Dhuna në familje është shndërruar në makth për vajzat dhe gratë në vendin tonë. Numri i rasteve që denoncohen çdo ditë në polici, por edhe në programin tonë ka marrë përmasa shqetësuese. E tillë është edhe historia e sotme që do të rrëfehet në studion e emisionit ‘’Pa Gjurmë’’ në këtë 8 Mars. E dhunuar prej 17 vitesh nga bashkëshorti i saj, 40-vjeçarja nga Berati Sonela Manaj ka mbetur rrugëve në mëshirë të fatit bashkë me 5 te vegjelit e saj. Ishte viti 2007 kur Sonela Malaj, vetëm 23-vjeç u dashurua me 27-vjeçarin nga Tepelena Njazim Manaj. Familja e saj nuk ishte dakord për këtë lidhje, pasi në fshat nuk kishin dëgjuar fjalë të mira për atë. Ajo i besoi ndjenjës dhe doli kundër deshires të prindërve dhe fillon bashkëjetesën me familjen e bashkëshortit. Nusja e shtëpisë nuk u mirëprit nga prindërit e Njazimit. Shpesh herë Sonila rrëfen se është odenduar nga babai i bashkëshortit. Najzimi ishte përdorues i alkoolit dhe kohën më të madhe e kalonte kafeneve. E ndodhur në këtë situatë 23-vjeçarja asokohe kërkon të arratiset nga shtëpia, por bashkëshorti i bën prit në mes të pyllit dhe e dhunon barabarisht duke e kthyer në shtëpinë e tij. Sonela i rrëfen familjes për dhunën nga Njazimi, por ky i fundit i premtoi se do të ndryshonte. Nje premtim genjeshtar per ta bere 40-vjecaren te qendronte me te… Ata vendosën të zhvendoseshin në qytetin e Beratit për një jetë më të mirë. Ata u bene prinder per here te pare dhe bashkëshorti i saj nuk i qëndroi në asnjë moment pranë. Sjellja e tij vazhdonte të ishte e njëjtë dhe atyre iu është dashur në lëvizin nga njëra shtëpi me qera në tjetrën. Kjo pasi Njazimi nuk punonte dhe ata nuk arrinin te paguanin qirane e shtepise. Kur në vitin 2011 i tregoi bashkëshortit se ishte në pritje të ëmbël, Njazimi kërkoi ta abortonte fëmijën. Por Sonela nuk pranoi dhe solli në jetë foshnjën. 40-vjeçarja e ka denoncuar disa herë në polici bashkëshortin. Ajo është penduar dhe e ka tërhequr denoncimin për hatër të fëmijëve.Edhe pse u bënë prindër të pesë fëmijëve dhuna ndaj Sonilës ka vazhduar. Ajo kujton mes lotëve kur bashkëshorti e ka dhunuar dhe ka tentuar të kryej mardhënie seksuale në sy të fëmijëve pa deshiren e saj. Nje kujtim mizor qe eshte rrenjosur ne memorien e saj… Ishte shtatori i vitit 2023 kur Sonela dhunohet nga bashkeshorti i saj ne zonen e Golemit. Ata pikasen nga patrullat e uniformave blu dhe Njazimi arrestohet. Sot e kesaj dite ai eshte mbrapa hekurave, nderkohe Sonela do t’i drejtohet gjykates per te zgjidhur martesen. Ajo u zhvendos në Tiranë së bashku me 5 fëmijët e saj. E vetme mundohet te rrise dhe te edukoj femijet qe kane nevoje me shume se kurre per dashurine dhe ngrohtesine e nenes.
