Emisioni investigativ ’Pa Gjurmë’ në Report TV e nisi puntatën e parë të këtij sezoni të ri me detaje mbi zhdukjen e këngëtarit Renato Hamza. Pas zhvarrosjes së një skeleti në fshatin Babje të Librazhdit, pak ditë më parë, për të cilin ka dyshime se i përket ‘Renit’ të Elbasani, nëna e 29-vjeçarit pranon se i përkasin të birit. Pas zhvarrosjes së eshtrave në fshatin Babje të Librazhdit, pak ditë më parë, për të cilën ka dyshime se i përkasin këngëtarit nga Elbasani Renato Hamza, nëna e tij flet për emisionin ’Pa Gjurmë’ në Report TV. Me lot në sy Silvana Hamza pranon se skeleti i përket të birit, zhdukur në vitin 2014. Pritja për të ka qenë e gjatë, që kur në vitin 2015, pak muaj pasi i biri rezultonte i humbur, në fshatin Babje të Librazhdit, nga banorët e zonës u gjet një kufomë e skeletizuar, ku me urdhër të Prokurosisë së Elbasanit u varros në varrezat e qytetit si varr pa emer. ’Ai trup është gjetur që në 2015 dhe unë kam dyshuar që në fillim, madje bëra dhe analizën e AND-së. Sot e kësaj dite shefi i krimeve dhe prokurorët thjeshtë e kanë varrosur pa e verifikuar. Unë nuk jam eksperte të verifikoj eshtrat, ata nuk më dhanë kurr përgjigje’ Nga burimet e ’Pa Gjurmë’ u mësua se Renato Hamza kishte bërë rolin e informatorit në ngjarjen e 25 gusht të vitit 2013, në një lokal lloto-sporti në Shijak. 10 minuta pas daljes nga lokali, u ekzekutua me breshëri plumbash 38-vjeçari Elvin Kërtalli dhe mbeti i plagosur miku i tij 32-vjeçar Dorian Zotaj. Kjo ngjarje pasoi me shumë vrasje të tjera si në Durrës, Tiranë, Hollandë, por autorët nuk u zbuluan kurrë. Nëna e Renatos Silvana Hamza tregon për ’Pa Gjurmë’ në Report TV bisedën me të birin, pas vrasjes që ndodhi në Shijak. ’’ Renato ishte në atë lokal që ndodhej në Shijak kur ndodhi vrasja, pasi kishte hyrë për të blerë një lloto. Ai më pati pohuar me gojën e vet se: Mami atë ditë bleva një lloto në lokal në Shijak dhe më pas u bë një vrasje’’.Ku i morën informacionet që Renato ishte informatori ? Pse nuk ma thërritën djalin në atë kohë në polici? Pse?’- rrëfehet mes lotëve nëna Pak para se 29-vjeçari të zhdukej për herë të fundit është parë nën shoqërinë e 45-vjeçarit Denis Xhija me pseudonimin Gucci nga Shijaku, i cili u arrestua 1 muaj më parë në Kolumbi si trafikant, dhe që dyshohet se ka gisht në zhdukjen e këngëtarit nga Elbasani, rreth 8 vite më parë. Ndërsa personi I dytë, Indrit Shaqja, është sënuar me burgim të përjetshëm për një tjetër krim të ndodhur në 2014 në Durrës. Pas zhdukjes së të riut, daja brahim Cërriku thotë se disa mesazhe koduese mbërritën në familje, ku tregonin një vendndodhje të mundshme të të riut në një zonë mes Librazhdit dhe Elbasanit. ’Pas zhdukjes së djalit ne na erdhën disa telefonata anonim të koduara. Aty thuhej se djalin e keni mes Librazhdit dhe Pogradecit. Më duket se po ndodh kështu dhe kam frikë se këto eshtra i përkasin djalit tonë Renatos. Kjo pasi skeleti është gjetur në dalje të Librazhdit, si edhe na udhëzonin mesazhet e koduara më parë’ Dyshimet janë se këngëtari mund të jetë ekzekutuar nga një grup kriminal por ende nuk ka asnjë detaj në lidhje me ketë. Me zhvarrosjen e skeletit më 2 nëntor zyrtarisht rihapen hetimet për ngjarjen në fjalë, teksa tetë vite nga zhdukja, askush nuk di për fatin e të riut. Familjarët do të mësojnë pas rezultatit të ADN-së, nësë eshtrat e zhvarrosura në Librazhd i përkasin apo jo Renato Hamzës.