Një baba prej 8 vitesh është në kërkim të vajzës së tij të mitur. Artan Gjonpapaj i drejtohet emisionit “Pa Gjurmë”, me shpresën se do të mund të rilidh kontaktet me Albjonën e vogël, të cilën për herë të fundit e pa në vitin 2014. Me trishtimin që i dallohet në sy, 34-vjeçari nga Tropoja tregon sesi në tentativë për të takuar të bijën jo vetëm e humbi atë, por përfundoi edhe pas hekurave. Nën akuzë për “dhunë në familje”, i penduar për veprimet e së shkuarës djali nga Tropoja pranon gabimin që i kushtoi shtrenjtë. Të martuar prej vitit 2007 marrëdhënia mes Adrianës dhe Artanit përfundoi shumë shpejt. Një jetë e ndarë mes Shqipërisë dhe Greqisë, bëri që çifti të kishte konflikte të vazhdueshme. Edhe pse në vitin 2009 ata u bënë prindër të një vajze, situata në familje sa vinte e përkeqësohej. 4 vite më pas Adriana vendos të kthehet në shtëpinë e prindërve, pas dhunës që bashkëshorti ushtronte mbi të. Artani shkoi atje për vajzën, por përfundoi duke dhunuar të gjithë familjen e bashkëshortes.Artani nuk ka reshtur së kërkuari vajzën, ndërsa tentativës së vazhdueshme ër të vënë kontakte me ish-bashkëhsorten kjo e fundit i është përgjigjur me bllok në rrjetet sociale. Secili prej ish-bashkëshortëve pa jetën e vet. Vajza 13-vjecare jeton më nënën, ndërsa Artani është bërë për herë të dytë babai i një vajzë 4 vjeçe. I ka folur shpesh për të motrën edhe pse ajo nuk e ka parë kurrë. Dëshira e tij është t’u mundësojë një takim mes tyre, ndaj i përcjell publikisht këtë mesazh.Artani nuk ka dijeni se ku jetojnë sot nënë e bij, por nuk e ka ndër mend të heq dorë nga kërkimët edhe pse i është mohuar e drejta për ta takuar.