Bashkëshortja e denoncoi për dhunë në familje, ndërsa ai pretendon se një gjë e tillë nuk ka ndodhur. Fran Gjoka është një 37-vjeçar me origjinë nga Mirdita, i cili vjen në studion e emisionit ’Pa Gjurmë’ për të sqaruar konfliktin që ka patur prej një vit me bashkëjetuesen e tij Elida Koxhaj nga Gramshi, me të cilën ka edhe një vajzë. Cifti nisën bashkëjetesën 3 vite më parë, ndërsa kanë jetuar në një shtëpi me qira në periferi të Tiranës. 1 vit më parë Elida e denoncon për dhunë në familje, madje duke u pajisur edhe me urdhër mbrojtje, pas denoncimit bërë në komisariatin nr: 1 në Tiranë, në tetor 2020. Për hir të vajzës 4 vjece Frani kërkon një komunikim me të shoqen, duke pretenduar se janë familjarët e saj që ndërhyjnë në marrëdhënien mes tyre. Cifti nuk kanë bërë celebrim dhe vajza është e regjistruar me mbiemrin e nënës, për të cilën Frani thotë se nuk ka patur dijeni. Ai pretendon se sa herë të dy i kanë dhënë shansin njëri-tjetrit për t’u ribashkuar, aq herë ka ardhur një tjetër denoncim nga bashkëjetuesja e tij. Tashmë ata nuk jetojnë më në të njëjtën banesë të marr me qira, tre vite më parë, ndërsa nëna nuk e ka ndalur kurrë të bijën për t’u takuar me të atin, një fakt që pohohet edhe nga vetë Frani. Në prag të vendimit nga Gjykata, ku pritet arrestimi i tij, 37-vjeçari bën publike këtë histori. Ai i konsideron të pavërteta akuzat për dhunë në familje, pavarësisht dokumentave, që sqarojnë qartë të zezën mbi të bardhë, ku gjykata çmon se ka prova të mjaftueshme, që provojnë se Fran Gjoka ka ushtruar dhunë psikologjike dhe fizike mbi ish-bashkëjetuesen, në mënyrë të përsëritur edhe në sy të vazjës. I penduar, ai i kërkon live Elidës ribashkimin me të ? Por a do mundet ajo ta falë ?