Të divorcuar pas 29 viteve martesë, 58-vjecarja ka vendosur të rrëfejë dhunën që ish-bashkëshorti ushtroi mbi të dhe 3 fëmijët, arsye që e cuan në divorc ciftin nga Erseka. Nisur nga rastet e përsëritura dhe ngjarjet e rënda me bilanc tragjik të vrasjeve të grave nga burrat e tyre, 58-vjecarja merr guximin të tregojë historinë e jetës, për të mos heshur përball burrit dhunues, jo vetëm edhe për të rrëfyer mbi ece jaket në dyert e prokurorusë dhe gjykatës së apelit në Korcë, ku ende nuk ka gjetur zgjidhje. Të martuar që prej vitit 1986, cifti nga Erseka u divorcuan në prill të vitit 2015 dhe që nga ajo kohë e deri më sot nëna e tre fëmijëve ka qenë e pajisur 12 herë me urdhër mbrojtje. Që prej vitit 2014 kur konfliktet kulmuan me dhunë në familje, kërcënimet nga ish-burri 61-vjecar kanë qenë të vazhdueshme. Nën efektin e vazhdueshëm të alkoolit, ai dhunonte ish-bashkëshorten dhe fëmijët e tij. Me kacavida në xhep dhe thikë në dorë kërcënimi shumë herë mund të kishte marrë edhe përmasa tragjike. Madje në tentativë edhe për të vrarë të bijën duke i drejtuar thikën. Ish-bashkëhsortja ka bërë disa herë denoncimin në polici, ndërsa 61-vjeçari në katër herë i dënuar nga gjykata e rrethit Gjyqësor Korcë nuk ka bërë më shumë se 3 muaj burg. Sa herë është lënë i lirë më shumë ia ka drejtuar thikën në fyt ish-bashkëshortes, e cila edhe pse e pajisur disa herë më urdhër mbrojtje ka jetuar në të njëjtën banesë me dhunuesin e saj. 3 vite më parë ai e dëboi duke mos e lejuar të kthehet më në shtëpi. Ajo ende vazhdon të jetë e pajisur me një urdhër mbrojtje afati I të cilit përfundon në shkurt të 2022. Kërkesa e 58-vjecares është të kthehet në banesë, pasi e ka të pamundur të jetojë me qira, por pa mohuar kurrsesi frikën që ka nga ish-burri nga i cili shpëtoi gjallë pa u goditur nga tehu i një sëpate, që ai mbante në dorë. Me frikën se mund të jetë ajo viktimë radhës, ajo bën apel në emër të të gjitha grave që kanë fatin e saj. Familja e ish-burrit në mënyrë të vazhdueshme kanë qenë në dijeni për këtë dhunë që ai ushtronte mbi gruan, por ishte i përkrahur vecanërisht nga e motra, e cila bashkë me të vëllanë dhunuan ish-nusen para dyerve të Gjykatës, kur ajo kishte shkuar për të marr urdhrin e disatë të mbrojtjes.