Një histori në kufijtë e të pazakonshmes u denoncuan pasditen e datës 9 Prill në studion emisionit “Pa Gjurmë” në Report Tv. Një 54-vjeçare nga Fieri, Vjollca Rama prej pesë ditësh kujdesej për një foshnjë 11 muajshe të braktisur që nuk e dinte nëse ishte mbesa e saj. Ajo rrëfeu në "Pa Gjurmë" se foshnjën ia kishte dorëzuar një i panjohur pesë ditë më parë në mbrëmje bashkë me një valixhe në shtëpinë e saj. Foshnja rezultoi se ishte i një 18 vjeçareje të quajtur Xhesika, e cila dikur ka qenë në një lidhje me djalin e Vjollcës, Ardit Rama. 54-vjeçarja tregoi se nëna e foshnjës ishte përdoruese e lëndëve narkotike dhe jetonte në situate rruge pasi ishte dëbuar nga shtëpia e familjes së saj.E lënë në mëshirë të fatit nga policia dhe shërbimi social në Patos, Vjollca trokiti në ‘’Pa Gjurmë’’ për të kërkuar një strehë për fëmijën. Ajo bëri apel që ta dërgojë në jetimore në kushtet kur fëmija është braktisur nga nëna e cila sipas Vjollcës nuk është e aftë që të kujdeset për të voglën. Gjatë transmetimet live me moderatoren Odeta Dume kontaktoi me Kryetaren e Agjensisë për Mbrotjen e të Drejtave të Fëmijëve, Alma Tandelli. Për të çuar deti në fund misionin, zonja Vjollca paraprakisht bëri një denoncim para uniformave blu në Komisaritin nr 2 në kryeqytet. Pas denoncimit në polici, shërbimi social u paraqit në komisariat dhe mori foshnjën 11-muajshe nën kujdesje.