Bazuar në një dokument ku jepen të dhëna lidhur me djalin me emrin Saimir Liçka, i cili sapo do të dorëzohej në shtëpinë e fëmijës Korcë shkruhet se ai kishte lindur në 11.06.1987 në maternitetin e Elbasanit. Pak ditë sapo kishte ardhur në jetë, në të njëjtin dokument shkruhet se më datë 29.06.1987 nëna që mban emrin Zana Liçka, lë foshnjën e lindur jashtë martese, me atësi imagjinare Agron, në përkujdesje të shtetit. Ajo lejon të adoptohet nga ndonjë familje tjetër. Kështu Saimiri rritet në këtë institucion deri në moshën 6-vjeçare kur më pas do të zhvendosej në shtëpinë e fëmijës Shkodër, ku qëndron për katër vite deri në moshën 10-vjecare. I rritur në instutucione ai nuk e pa më kurrë nënën, që ditën që ajo vendosi ta ’braktiste’ duke ia dorëzuar shtetit. Ngrohtësinë dhe mbështetjen më të madhe Saimiri e gjeti tek ’’Projekti "Shpresa", aty ku ai jeton që prej moshës 10-vjeçare. Punonjësit e këtëij projekti kujdesen për 34-vjecarin pasi ai është një person me aftësi të kufizuara. Por Saimiri është një djalë i talentuar përsa i përket arteve pamore dhe ai angazhohet shpeshherë në projekte duke u bërë pjesë e mjaft konkurseve.