Varësia nga droga është një luftë që kërkon mbështetje dhe një sistem të fortë rehabilitimi për të shpëtuar nga varesia ndaj saj. Në qytetin e Kavajës, historia e Muharem Çaçës, 66 vjeç, pasqyron betejën e një babai për ta shpëtuar te birin nga lëndët narkotike. Fatjoni, 27 vjeç, është një viktimë e shoqërisë dhe e zgjedhjeve të gabuara në jetë, i cili, që në moshën 15-vjeçare, nisi të ishte shpërndarës dhe të bëhej edhe përdorues i drogërave të ndryshme. Ky ishte fillimi i një kalvari vuajtjesh që vazhdon edhe sot në këtë familje… Që prej vitit 2019 i riu ka kaluar 11 herë në ovërdozë, ku dhe jeta i është vendosur në rrezik. Varësia e tij fatkeqësisht u shoqërua me vjedhje të parave në shtëpi, ku shpeshherë ka shkelur çdo kufi për të siguruar dozat që i ndjente të nevojshme. Gjendja e tij emocionale e paqëndrueshme bënte të ishte agresiv, duke shkatërruar dhe thyer çdo gjë në shtepi. Një ngjarje e rëndë ndodhi kur 27-vjecari, humb kontrollin dhe ngriti dorën mbi nënën e tij. Sot, Muharremi e sheh djalin e tij si një të ri me rrezikshmëri të lartë për familjen dhe komunitetin ku jetojnë. Cdo ditë e re për këtë baba është një betejë për të shpëtuar 27-vjecarin. Ai i pranon gabimet e tij në prindërim dhe kërkon ndihmë për ta futur djalin në një qendër rehabilitimi, shpresë e vetme për t’i dhënë një mundësi të dytë për jetën…