Një histori e pazakontë është dënoncuar në emisionin ’Pa Gjurmë’ ajo e familjes Kola nga fshati Domë i Kavajës. Nusja e familjes, 39-vjeçarja Eleonora Kola ka akuzuar për ngacmim seksual vjehrrin dhe kunatin e saj, si dhe bashkëshortin dhe vjehrrën për dhunë në familje. Për këto arsye të katër pjesëtarët e familjes Kola janë gjykuar dhe dënuar, por aktualisht vetëm dy prej tyre ndodhen pas hekurave në burgun e Zaharisë. Vjehrra, Lule Kola sqaron për ’Pa Gjurmë’, se nusja e ka sajuar të gjithë këtë histori, për t’u marrë e më pas për t’i shitur tokat, me qëllim zhvendosjen në Tiranë bashkë me djalin e saj 13-vjeçar. Sipas vjehrrës, Eleonora nuk ka kursyer as babain e fëmijës Mustafa Kolën, i cili është dënuar mbi 5 vite burg. I pari që kreu 4 muaj burg ishte kryefamiljari 70-vjeçar Nazif Kola, pasi Eleonora e akuzoi për ngacmim seksual. Të njëjtës akuzë nuk i ka shpëtuar edhe kunati 34-vjeçari Blerind Kola, i cili aktualisht ndodhet pas hekurave.Dy vëllezërit, Mustafa dhe Blerind Kola, që ndodhen ende pas hekurave nuk kanë kontakte me familjarët e tyre, ndërsa e katërta që u denoncua nga nusja ishte edhe vetë vjehrra e saj. 61-vjecares Lule Kola iu dha masa e sigurisë “arrest shtëpie” për 8 muaj. Konflikti në familje vijon ende, ndërsa nusja e saj Eleonora nuk kursen sherrin as në prani të kamerave. Ajo vjen e revoltuar në momentin që sheh praninë e gazetarit jashtë banesës Të dyja ngrenë zërin ndaj njëra-tjetrës, ndërsa e reja hedh poshtë të gjitha pretendimet e ngritura