Senad Hasa është 30-vjeçari nga Shkodra, i cili këtë pasdite vjen me një apel të fortë për të birin e tij 6-vjeçar, Joelin. Prej shumë kohësh ky baba është përballur me pengesa të shumta, pasi ish-e dashura e tij, nuk e lejon të ketë kontakt me fëmijën,duke pretenduar se ai nuk është babai biologjik. Historia e tyre nisi 6 vite më parë në një dasmë në Shkodër, kur një palë e tretë i prezantoi me njëri-tjetrin. Pas disa takimeve, ata vendosën të jetojnë së bashku. Por lumturia e tyre u ndërpre shpejt sapo Joeli erdhi në jetë, konfliktet familjare “shpërthyen” dhe çifti u nda. Blerta, atëherë një adoleshente u kthye tek familja e saj në Shkodër, duke ndërprerë çdo lidhje mes Senadit.