Një nënë është në kërkim të së bijës. Divorci i prindërve në vitin 1994 ndau nga njëri tjetri dy fëmijët e ciftit Ilir dhe Alma Meka. Gjykata vendosi që vajza 9-vjecare asokohe të kalonte nën kujdestarinë e babait ndërsa djali një vjec e gjysëm të jetonte me nënën. Cifti i ndarë jetonin ende në, në Tiranë kur ish-bashkëshorti në të njëjtën banesë erdhi të jetojë edhe partnerja e re e tij. Për një vit me radhë ish-gruaja dhe bashkëjetuesja e tij jetuan sëbashku, deri kur vendosi të marr djalin dhe të largohet në Librazhd tek e motra. Kjo ishte ndarja e parë me vajzën, për të cilën për vite me radhë ajo nuk mundi dot as t’i afrohej. Ish-bashkëshorti nuk e lejonte, ndërsa njerka e kërcënonte duke mos lënë të hapur asnjë rrugë komunikimi nënë e bij. Vitet kaluan dhe bashkë me djalin emigruan drejt Greqisë, vend i cili për koicidencë do të ishte i njëjti ku jetonte edhe vajza e saj, e cila tashmë ishte martuar dhe kishte një djalë. Ky takim pas shumë vitesh do të ishte mbreslënës dhe rilidhja e kontakteve qetësoi zemrat e të dyjave, pasi takimet u bënë edhe më të shpeshta. Motra u takua dhe me vëllanë e saj në Gjermani ku ai jetonte dhe punonte. Kur dukej se gjithcka po shkonte mirë, një tjetër krisje do të ndodhte në marrëdhëniet familjare. Ishte dhjetori i vitit viti 2019 kur vajza e uron nënën për ditëlindjen. Por në fillim të janarit të 2020 ajo do të bënte telefonatën e fundit ku i komunikonte ishte mirë dhe shumë shpejt do të kthehej në Shqipëri për ta takuar. Kjo gjë jo vetëm nuk ndodhi por ajo që e tronditi më shumë nënën është një lajm që ajo mësoi për të bijën. Për këtë, iu drejtua emisionit ’Pa Gjurmë’, jo vetëm për të rrëfyer këtë histori të jetës, por edhe për të mësuar për fatin e vajzës 34-vjecare.