Pasditen e datës 30 Prill në studion e emisionit ‘’Pa Gjurmë’’, një 17-vjeçare nga Tirana, Ina kërkoi ndihmën e programit për të dorëzuar djalin 2 vjeçar në jetimore. E braktisur nga partneri i saj dhe kushtet e vështira e detyruan nënën e re të marrë këtë vendim. E rritur nga gjyshërit, pasi prindërit e saj u divorcuan kur ajo ishte fëmijë, Ina nis një raport dashurie me një djalë 4 vite më të madh se ajo, Roberto Driza. Dhe pse familja e saj nuk ishte dakord për këtë marrdhënie, 17-vjeçarja nis bashkëjetesën në shtëpinë e prindërve të djalit pa dijeninë e tyre.