'O xhaxhi Menti çdo gjë është me kohën e saj, mos u mundo t'ja kalosh kohës.' Kjo është letra që la mbi tavolinë dhe më pas u zhduk. Askush nuk di të thotë përse e paralajmëroi kështu ikjen e tij, duke i lënë këtë letër pronarit të tij shqiptar në Greqi. I njohur me pseudonimin Bushi, për herë të parë Hamit Memlika emigroi në vitin 2017 dhe u vendos në Spata të Greqisë ku nisi punë si çoban në stanet e Klement Sinës. Nuk kishte shfaqur asnjë shqetësim por as nuk kishte kërkuar të kthehej në atdhe. Kontaktet o kishte të rregullta me familjarët deri më 12 qershor të 2018 kur telefonoi për herë të fundit të vëllanë, Ervin Memlikën. Ky i fundit nga studio emisionit Pa Gjurmë, ngriti akuza të forta për pronarin shqiptar në Greqi pasi 4 ditë nga zhdukja e Hamitit Klementi i telefonoi duke i komunikuar se i vëllai ishte larguar papritur. Ai ngriti dyshime se diçka e keqe mund të kishte ndodhur. Nga ana tjetër Klement Sina u lidh me studion e “Pa Gjurmë” ku hodhi poshtë këto akuza ndërsa u shpreh se ai nuk kishte gisht në zhdukjen e të riut, por ky i fundit kishte shprehur dëshirën edhe më parë për t’u larguar. Telefoni i tij rezultoi i fikur ndërsa në rrjetin social Facebook edhe pasi kishte shkëputur kontaktet me familojen, ka qenë aktiv deri në fund të vitit 2018. Pas humbjes së të riut në familje fatkeqësitë pasuan njëra tjetrën. Babai ndërroi jetë ndërsa nëna pësoi paralizë. Nga shtrati… e sëmuërë…ajo bën apel për gjetjen e të birit
