Një pronë është bërë shkak i konfliktit mes fqinjëve të cilët kanë degjeneruar deri në dhunë fizike. Familja Tabaku nga fshati Orizaj i Beratit, kanë si pronësi një tokë prej 2200 m2, por kjo pronë është marrë me forcë në vitin 2015 nga fqinjët e tyre të cilët më pas kanë ndërtuar aty. Sipas tyre shkak i kësaj padrejtësie është bërë pamundësia fizike dhe ekonomike për të ndjekur këtë çështje pasi në familjen Tabaku varfëria është ulur këmbëkryq. Kryefamiljari, Abaz Tabaku prej 30 vitesh vuan nga epilepsia ndërsa është edhe i verbër. Të vetmen vajzë që kanë e kanë martuar në moshë të re për shkak të këtyre kushteve ekstreme.