Shkoi në shtetin Gjerman për të punuar… vetëm 4 muaj më pas i riu humbet kontaktet me familjen. Bëhet fjalë për Kastriot Basrin i cili u largua dhjetorin e kaluar për të filluar një jetesë të re në Hannover, të Gjermanisë. Kastriot Basri jetonte i vetëm, kontaktet me familjen I kishte të rregullta dhe punonte në një servis makinash. Ishte mëngjesi i datës 5 Mars, hera e fundit kur 30 vjecari kontaktoi me familjarët e tij dhe që nga ajo ditë ata I humbën kontaktet me të. Nga kërkimet që Martini, vëllai I tij, ka bërë mori vesh se 30 vjecari para 2 javësh ka marr një pagesë prej 250 eurosh nga pronari i servisit dhe më pas është larguar nga puna. Që atehërë atë nuk e ka parë më askush… Dyshimet e familjarëve janë sei riu mund të ketë pasur një situatë stresuese dhe si pasojë është larguar, pasi para disa kohësh i ndodhi e njëjta gjë. Prej më shumë se 10 ditëve familjarët janë ende në kërkim, por fatkeqësisht ende nuk e din se cfarë ka ndodhur me fatin e tij. -Ndërkohë një tjetër rast u denoncua pasditen e sotme nga e motra si i humbur. Bëhet fjalë për Emrah Licon, 23-vjeçari i cili rezulton i zhdukur për familjen e tij që prej vitit 2023 ndërsa kontaktin e fundit e ka patur nga Zvicra. I riu ka emigruar drejt Zvicrës konkretisht në Gjeneva që prej vitit 2020 ku jetonte me një shok, por familjarët kurrë nuk mundën ta mësojnë identitetin e këtij të fundit. Kontaktet me familjen i kishte të rregullta, ndërsa kohët e fundit Emrah ishte shprehur se ndihej i mërzitur pasi ishte i papunë. Ishte muaji mars kur për herë të fundit 23 vjeçari i shkruajti të motrës me telefonin e një shokut të tij ndërsa i pohoi se do ta telefononte vetë pas disa ditësh pasi për momentin nuk kishte telefon. Pas këtij mesazhi familja Lico nga Berati nuk mësoi më asgjë në lidhje me fatin e të riut. Fatkeqësisht telefoni i të motrës, Kleas është prishur dhe numrin me të cilin Emrah ka shkruar herën e fundit ajo nuk e ruan më. Pas pak kohësh familjarët kanë bërë denoncim edhe në policinë e Berat, por pa rezultat derimë tani. Të shqetësuar familjarët janë në kërkim të të riut, fati i të cilit ka mbetur mister që prej momentit me të cilin kanë shkëputur çdolloj kontakti.