Historia e dy të moshuar, Zef dhe Vitore Fati te moshes 87 dhe 71 vjecare ,e ka zanafillen më 23 nëntor 2020,kur ata po ktheheshin nga puna si zakonisht me mjetin e tyre bujqësor. Gjatë rrugës, ata u ndaluan nga policia, pasi mjeti ishte pa targa dhe drejtuesi, Zef Fati, nuk kishte të rinovuar patentën. Efektivi i policisë e gjobiti me 1000 lekë të vjetra, por më pas kontaktoi edhe me Komisariatin e Shkodrës, ku u urdhërua per sekuestrimin e mjetit dhe paraqitja e Zefit në komisariat. Pasi mbërritën atje, Zefi nisi të konfliktohej, duke argumentuar se nuk ishte i vetmi në zonë që kishte mjet pa targa. Megjithatë, shefi i komisariatit vendosi ta referonte çështjen në prokurori. Më 11 dhjetor 2020, Zefi u paraqit në prokurori, e cila vendosi që mjeti t’i kthehej. Pavarësisht këtij vendimi, komisariati mbajti mjetin e bllokuar për gjashtë muaj. Ne 24 maj 2021, Zefi arriti ta rimerrte mjetin, por u përball edhe me një gjobë të majme prej 1,200,000 lekësh, pasi mjeti kishte qëndruar i sekuestruar në komisariat. Cifti i moshuar Zef dhe Vitore Fati , ende kan shpres se drejtesia do shkoje ne vend per ta . Ndaj ata kan trokitur ne dyert e emisionit “Pa Gjurmë” qe zeri i tyre te degjohet tek organet perkates .