Braktis djalin e saj dhe për ironi të fatit rrit vajzën e tjetër kujt, kjo është historia shokuese që do të denoncohet pasditen e sotme nga 56-vjeçari Gjet Gjoka.Kjo histori e ka zanafillën në vitin 1988 kur një familje normale, Marte dhe Mark Gjoka jetonin në Rrëshen dhe ishin prindër të një djali, Gjetës. Një ditë nëna e tij duke u kthyer për në shtëpu rastësisht në rrugë ka takuar një grua të komunitetit egjiptian e cila në pamundësi për të rritur vajzën 11 muajshe asokohe, ia jep Martes. Kjo e fundit pa lajmëruar askënd kthehet në shtëpi me vajzën e vogël me qëllim për ta rritur si të ishte vajza e saj. Por kjo gjë nuk u pranua nga I shoqi, Marku i cili pas shumë debateve i kërkoi divorcin dhe kështu nëna braktisi edhe djalin duke u larguar me vajzën e birësuar. Sipas 56-vjeçarit, ishte viti 2006 kur pasi Marku shiti një pronë, zonja Marte bashkë me vajzën vendosi të kthehej sërish në familje duke u ribashkuar… por qëllimi i saj ishin paratë. Ajo arriti t’I merrte bashkëshortit paratë e tokës së shitur ndërsa bleu një shtëpi në Thumanë. Ishte dhjetori i 2021 kur kryefamiljari ndërroi jetë ndërsa sot në atë shtëpi jeton nëna dhe vajza e birësuar. I braktisur sot Gjet Gjoka ka përfunduar rrugëve ndërsa prej 3 vitesh ka shkëputur çdo kontakt me të ëmën.Ai i drejtohet emisionit “Pa Gjurmë” pasi ka një mesazh për të përcjellë ndërsa kërkon të rrëfejë këtë histori të tristë.