Një 53-vjeçar nga Fieri ka përfunduar në mëshirë të fatit. Harrilla Kalaja prej dy vitesh nuk ka kontakt me 3 fëmijët , nënën dhe vëllain e tij. Një vit që është skalitur në memorien e 53-vjeçarit pasi ishte viti pikërisht që ai humbi çdo kontakt me antarët e familjes së tij. Harrilla kujdesej për nënën dhe vëllain e tij, i cili vuan nga probleme të shëndetit mendor. Ai është kujdesur për ta vite me radhë, edhe pse vëllai ka ushtruar dhunë mbi ta. Konfliktet e vazhdueshme që 53-vjeçari kishte me dy motrat dhe bashkëshortët e tyre solli ndarjen me gruan e tij. Bashkëshortja e Harrillës, Rudina i drejtohet gjykatës për të zgjidhur martesën që tashme kishte shkuar drejt fundit. 3 fëmijët e çiftit gjykata vendos të qëndrojnë në kujdestarinë e nënës, ndërsa Harrila kishte të drejtat e takimit dhe pensionit ushqimor. Konfliktet me motrat e tij nisën për të një pronë të familjes. 53-vjeçari pretendon se motrat i kanë marrë pronësinë e tokave të trashëguar nga babai pa të drejtë. Harrilla tregon se është dhunuar nga kunetërit disa here dhe për këtë ka bërë edhe një denoncim në policinë e Fierit. Ai është pajisur edhe me me urdhër mbrotje. Dy motrat e tij kanë marrë në kujdestari nënën dhe vëllain. Që prej vitit 2022 ai nuk ka asnjë kontakt me nënën e tij dhe motrat nuk e lejojnë që të takohet me të.