U martua kur ishte ende një adoleshente dhe për 20 vite me radhë u dhunua nga bashkëshorti i saj. Pasditen e kesaj te hene vjen ne studion e emisionit ‘’Pa Gjurmë’’ , Lirie Shabani, e cila ka udhëtuar nga qyteti i Burrelit për të rrëfyer kalvarin e vuajtjeve dhe për të apeluar për ndihmë. Ishte vetëm 15-vjeç kur u njoh me mblesëri me bashkëshortin e saj, Isuf Tusha nga Mati. Babai fillimisht nuk ishte dakord për këtë lidhje, pasi kishte mësuar për dhëndrin se ishte përdorues i alkoolit dhe bënte një jetë të çrregullt. Liria vendos të ndjek zemrën e saj dhe fejohet me Isufin. Ende e vogël në moshë, ajo shkon te shtëpia e tij, e lumtur për jetën e re…. Me ardhjen në jetë në vajzës, në familjen e vogël filluan konflikte. Isufi nuk punonte, por kalonte kohën kafeneve të qytetit duke konsumuar alkool. Konfliktet që u përshkallëzuan në dhunë fizike ndaj nënës së re asokohe, Lirie Shabani. E gjendur e veteme dhe e pambrojtur me një fëmijë të vogël, Liria kërkon ndihmë të familja e saj, por këta të fundit për shkak të paragjykimeve dhe menatlitetit të kohës i thonë të mos ndahej… Edhe kur jeta në jetë erdhi djali, Isufi nuk ndryshoi sjellje. Ai vinte në shtëpi i dehur në mes të natës, shkatërronte mobiljet e shtëpisë, dhunonte Lirien dhe 2 fëmijët e vegjël… Lirie heshti edhe kur bashkëshorti i dehur e qëlloi me sëpate te këmba dhe përfundoi në urgjencën e spitalit. Nuk e denoncoi kurrë në polici bashkëshortin dhunes, por mori kurajon që para 10 viteve t’i drejtohej gjykatës për të kërkuar divorcin.
