Djali i madh i familjes Nikolli, Aleksanderi rezulton i humbur që prej vitit 1998. Aleksandër Nikolli në moshën 13-vjeçare u zhduk në rrethana misterioze 20 shtatorin e vitit 1998. Nëna e tij, Pashke Nikolli pas 26 vitesh është në kërkim të tij…Mëngjesin e 20 shtatorit Aleksandri doli nga shtëpia si gjihmonë për të luajtur me bashkëmoshatrët e tij në zonën e Linzës në kryeqytet. Largimi i tij nga shtëpia atë mëngjes shtatori dhe përshëndetja me familjen e tij do të ishte takimi i fundit me ta. 13-vjeçari asokohe atë mbrëmje nuk u kthye në shtëpi dhe prindërit e merakosur filluan ta kërkonin. Fillimisht nisën kërtkimet te të afërmit e tyre, fqinjët dhe përreth zonës së Linzës, por asnjë gjurmë prej 13-vjeçarit. Vitet kalonin dhe djali i madh i familjes nuk u bë i gjallë. Familjarët kanë mësuar vetëm që mund të ketë emigruar në shtetin fqinj në Greqi, por nuk e kanë verifikuar si informacion.Nëna e tij, Pashke Nikolli e kujton të birin me mall, një djalë të dashur, punëtor dhe shumë i dhënë pas familjes. Edhe pse ishte vetëm në klasën e gjashtë asokohe, Aleksandri mundohej të ndihmonte prindërit me aq sa mundej. Ende pas 26 vitesh familja nuk ka asnjë informacion se çfarë ka ndodhur me fatin e 13-vjeçarit asokohe.