Artenis Rethi është ky 28-vjeçar i cili ka humbur kontaket me familjen 3 muaj më parë nga Belgjika. Djali nga Berati u largua nga Shqipëria në vitin 2011 sëbashku me familjen, ndërsa jetonte në shtetin belg i vetëm prej disa muajsh në përpjekje për t’u larguar drejt Anglisë. Në telefonatën e fundit bërë më datë 27 shtator të vitit 2021 ai nuk i kishte shfaqur asnjë shqetësim nënës me të cilën pati një bisedë të zakonshme. Pas këtij momenti ai humb çdo kontakt me familjarët të cilët denoncojnë humbjen e tij në emisionin ’Pa Gjurmë’. Familja Rrethi kishte emigruar në Greqi 10 vite më parë, ndërsa djali i tyre Artenisi u zhvendos në Angli ku jetoi afro 3 vite, kohë në të cilën ai shfaqi dhe probleme psikologjike. Autoritetet vendase e depërtuan në Shqipëri, ndërsa në vitin 2019, I riu nga Berati kthehet tek prindërit në Greqi. Pak muaj më vonë udhëtoi sërish drejt Belgjikës, nga ku humbi çdo kontakt. Destinacioni i fundit i tij ishte Anglia ku jetonte edhe e motra të cilën nuk mundi ta takonte. Policia deklaron tre të humbur në Tiranë, ndërsa familjarët kërkojnë ndihmë tek emisioni “Pa Gjurmë” në Report Tv. Familja Markaj kontaktoi pranë redaksisë së programit për zhdukjen e 37-vjeçarit Edmond Markaj. Ilir Markaj, vëllai binjak i Edmondit, kërkon ndihmën e emisionit ’Pa Gjurmë’ për gjetjen e të vëllait ndërsa konfirmon se data 4 dhjetor shënoi kontaktin e fundit, ku deri në orën 12 të drekës konsumuan së bashku një kafe në banesë, e më pas ai u largua. Të shqetësuar për vonesën, familjarët nisën kërkimet, ku zbulojnë se mbrëmjen e vonë të po asaj date 37-vjeçari ishte parë në një lokal pak metra larg banesës, frekuentuar shpesh prej tij. Familjarët kanë bërë denoncim në polici, njoftim i cili u bë edhe publik, por deri tani nuk kanë mundur të kenë asnjë informacion. Edmondi apo Mondi siç njihej nga të afërmit ishte përdorues i alkoolit dhe merrte mjekime për probleme me depresionin. Ditën që u largua 37-vjecari ka patur të veshur një xhup të zi, ndërsa nuk dispononte një aparat celular, gjë e cila e ka bërë më të vështirë lokalizimin e tij. Edmondi ishte mjaft i lidhur me vëllain e tij binjak Ilirin, prandaj ky i fundit së bashku me bashkëshorten e tij Marien, shpresojnë që ai të gjendet sa më parë shëndoshë e mirë. Një fluks i madh telefonatash mbërritën gjatë transmetimit live, menjëherë sapo rasti u bë publik. Shumica prej dëshmive tregojnë një vendodhje të mundshme të 37-vjecarit në Tiranë. Tirana dhe pikërisht zona e Kamzës ishte lokacioni ku shumë qytetarë e kishin parë, mirëpo telefonata të tjera erdhën edhe nga Durrësi, gjithashtu edhe një zonjë telefonoi nga Përmeti, dëshmi që mbeten për t’u verifikuar nga stafi i “Pa Gjurmë”.