Jetmir Shehu, i cili prej 20 vitesh jetonte në Amerikë humb gjurmët në Shqipëri. 32-vjeçari nga Fieri rezulton i humbur që prej 19 qershorit të vitit 2021. Babai i një vajze 3 vjeçe jetonte prej vitit 2000 në Cikago të Amerikës, bashkë me familjen e tij fitues të llotarisë Amerikane. Në vitin 2017 ai u njoh përmes rrjeteve sociale me Besianën, e cila kishte shkuar me vizë në Boston, tek e motra. Cifti kurorëzuar dashurinë e tyre në martesë, fryt i së cilës është dhe vajza e tyre 3-vjeçare. Ata u zhvendosën drejt Bostonit, në një shtëpi të marr me qira, ku Jetmiri ushtronte profesionin e tij si laborant në mjekësi dhe Besiana si inxhinieri ndërtimi. Por nuk zgjati shumë dhe në pak kohë nisën mosmarrëveshjet në çift, mormarrëceshje të cilat do të çonin drejt divorcit. Për shkak të pandemisë çështja mbeti pezull, ndërsa kjo ndarje, prej një viti edhe pse jo ende ligjërisht, u përjetua keq nga Jetmiri. Ai u kthye në shtëpinë e prindërve në Chikago nga ku kaloi një situatë të vështirë depresioni. Nga ky moment ai vendos të klthehet në Shqipëri, ku sistemi TIMS tregoi se ai kishte hyrë më datë 19 qershor 2021, nga aeroporti i Rinasit ku janë zbuluar gjurmët e tij të fundit. Prindërit e Jetmirit Gëzim dhe Mimoza Shehu mbërritën me urgjencë në Shqipëri, ndërsa bënë denoncimin në polici, si edhe një kërkesë pranë ambasadës amerikane në Tiranë, për humbjen e të birit. Për të është hera e parë që largohet në drejtim të paditur, dhe zanafilla është një debat i fortë mes tij dhe bashkëshortes, Besianës, debate që nisën para 1 viti mes tyre. Familjarët kanë bërë të pamundurën për verifikuar çdo të dhënë të marr në mënyra të ndryshme, por deri më tani nuk kanë mundur të arrijnë në një informacion zyrtar. Verifikimet e bëra në rrugë operative nga policia në të gjitha hyrje-daljeve, tregojën se pas hyrjes në Shqipëri në qershor të 2021 Jetmiri nuk rezulton të ketë kaluar kufirin përgjatë këtyre 5 muajve, cka dyshohet se ai ndodhet brenda territorit shqiptar.