Pasditen e 14-Marsit një 33-vjeçare Ina, udhëtoi nga Gjermania për të denoncuar në studion e emisionit ‘’Pa Gjurmë’’ Bukurie Caushin. Kjo e fundit krijonte llogari false në rrjetin social TikTok dhe postonte fotot e familjes së Inës me përshkrime denigruese dhe fyese. Ina rrëfeu se e gjithë historia filloi Gushtin e vitit kaluar, kur Bukurie i kërkoi para bashkëshortit të motrës së saj në Itali për djalin 7-vjeçar. Ndër të tjera Ina rrëfeu se Bukurie ka sjell tension dhe përçarje në familjen e saj. 33-vjeçarja kishte bërë edhe një denoncim para uniformave blu në kryeqytet. Ajo kishte tentuar disa herë të krijonin ura komunikimi me Bukurien për të gjetur një zgjidhje, por Bukurie kishte vazhduar postimet me fjalor banal dhe denigrues. Teksa gjithashtu kishte shantazhuar familjen e saj me shuma të mëdha parash. Gjatë transmetimit, moderatorja e emisionit Odeta Dume kontaktoi me vetë Bukurie Caushin, e cila pranoi akuzat e bërë nga 33-vjeçarja. Ajo tregoi edhe versionin e saj të historise. Bukurie u shpreh se me kunatin e Inës kishin filluar një romancë nga rrjeti social Tik-Tok. Bukurie tregoi se të gjitha postimet dhe shantazhet i kishte bërë në emër të dashurisë, pasi ishte ndier e mashtruar nga kunati i Inës.