Në një botë të mbushur me informacione, këshilla të shpejta në rrjet, trende ushqimore dhe “sekrete” shëndeti që përhapen me shpejtësinë e dritës, është gjithnjë e më e vështirë të dallosh faktin nga miti. A është e vërtetë që uji me limon djeg dhjamin? A na ndihmon çokollata e zezë gjithmonë të jemi më të shëndetshëm? A duhet të shqetësohemi për kafenë apo për kosin e paketuar? Shumë nga ato që dëgjojmë çdo ditë rreth ushqimit, stilit të jetesës apo suplementeve nuk janë gjithmonë të bazuara në shkencë, disa janë keqkuptime të përhapura, ndërsa të tjera janë mite të thella që vazhdojnë të qëndrojnë, edhe pse faktet i hedhin poshtë. Me nutricionistin Altin Joka, ekspert i mjekësisë holistike, do të zbërthejmë në “Rreze Dielli” disa nga besimet më të zakonshme për shëndetin e përgjithshëm dhe do të kuptojmë se cilat prej tyre qëndrojnë vërtet dhe cilat është koha t’i lëmë pas.