Receta e ditës - Kek i butë me tërshërë dhe fërgesë me speca e sallam / Pjesa e dytë

22 Mars, 09:51

Receta e dytë: Fërgesë me speca dhe sallam

Përbërësit:

400 gr sallam (suxhuk dhe llukanik)

1 qepë e vpgël e kuqe

3 thelpinj hudhër

3-4 speca me ngjyrë

1 fç pure domate

Kripë, piper i zi, dafinë

100 ml verë të bardhë

Majdanoz

150 gr djath të bardhë

Vaj ulliri

Përgatitja:

Fillimisht presim sallamin në feta. Ngrohim vajin dhe e skuqim atë sat ë zverdhet pak nga të dy anët. (Më pas e largojmë nga tigani).

Në po atë yndyrë kaurdisim qepën e grirë hollë në fije. Sapo qepa të zbutet shtojmë hudhrat e prera hollë dhe specat e prerë në copa mesatarë. I kaurdisim specat së bashku me qepën deri sa specat të zbuten pak. Shtojmë sallamin dhe i përziejmë së bashku duke i shuar me verë. Shtojmë edhe kripë, piper e dafinë.

Shtojmë purenë e domates dhe i lëmë të gatuhen së bashku për 8 minuta si dhe shtojmë majdanozin .

Mund të vendosim në një tavë në fund sipas preferencës mund të shtojmë edhe pak djath të prerë në kubikë dhe e vendosim në furrë në temperaturë 180ºC për 15 minuta.

Programe të tjera

Shiko të gjitha