Receta e dytë: Sallatë me thjerrëza dhe panxhar
Përbërësit:
100 gr thjerrëza
2 gjethe dafine
2 degë trumëz
2 panxhar (të zier)
Djath i bardhë
Arra, fara luledielli etj
Salca (dresing)
1 lç mustardë
2 lugë mjalt
2 lgj uthull balsamike
3 lgj vaj ulliri
Një majë kumin
Kripë dhe piper i zi
Përgatitja:
Shpëlajmë dhe vendosim thjerrëzat për të zier 25 minuta në temperaturë mesatare duke vendosur brenda në tenxhere 1-2 gjethe dafine dhe trumzë. I lëmë të ziejnë aldente duke i zier në temperaturë mesatare. Pas zierjes i kalojmë në ujë të ftohtë. Bashkojmë të gjithë përbërësit e salcës, e rrahim fort deri sa ajo të marrë formë kremoze. Presim panxharin në feta ose kubikë dhe i përziejmë në thjerrëzat dhe salcën. I vendosim brenda në sallatë ose anash feta djathi të bardhë. E spërkatim sallatën me arra.