Shëndetlije me arra nga zonja Albana
Përbërësit:
- 2 fç miell
- 1 fç gjalpë
- 1 fç mjaltë
- 200 gr arra
- 5 vezë
- 1 gotë sheqer
- ½ lç pluhur pjekës
Sherbeti:
- 550 gr sheqer
- 450 ml ujë
- 1 limon
Përgatitja:
Fillimisht copëtojmë arrat jo shumë imët. Në një tas rrahim 4 vezë të plota dhe një të bardhë, shtojmë sheqerin, gjalpin e shkrirë dhe mjaltin. E rrahim mirë masën, më pas shtojmë arrat, pluhurin pjekës dhe pak lëkurë limoni. E trazojmë mirë dhe në fund shtojmë miellin. E përziejmë mirë derisa të bëhet si një brumë keku dhe e vendosim masën në një tavë. E nivelojmë mirë dhe e lyejmë sipërfaqen e ëmbëlsirës më një të verdhë veze të rrahur me pak qumësht. E vendosim shëndetlien të piqet në furrë të parangrohur në temperaturën 160 gradë Celsius për 45 minuta. E lemë të ftohet dhe më pas e sherbetosim.
