Stina e pranverës është momenti, kur fytyra ka nevojë për një kujdes tejet të veçantë. Lëkura e fytyrës është shumë e ndjeshme ndaj ndryshimeve të temperaturave. Por si të kujdesemi  në kushte shtëpie për lëkurën tonë, dhe se si të përgatisim një maskë sa më ekonomike, të realizueshme edhe në kushte shtëpie, me përbërës që kujtdo mund t'i ndodhen në shtëpi, na vjen në ndihmë estetistja  Fjona Llanaj, me sugjerimin e saj për maskën rigjeneruese me përbërës natyralë: mjaltë, banane dhe limon. Për emisionin “Rreze Dielli” në Report Tv, Fjona ka treguar hap pas hapi se si mund të përgatisim vetë këto maska, sa herë duhet i aplikojmë ato dhe çfarë përfitimesh i japin lëkurës tone.