Tavë me patëllxhanë

Përbërësit:

• 1 kg patëllxhanë
• 500 gr mish i grirë
• 200 gr qepë
• 2 domate
• 2 lgj salcë domate
• 7-8 thelpinj hudhër
• 1 tufë majdanoz
• 1 lgj uthull
• Vaj ulliri
• Vaj për skuqje
• Kripë, piper, rigon

Përgatitja:

Pasi i lajmë dhe i thajmë mirë patëllxhanët, bëjmë një prerjë për së gjati dhe pastrojmë tulin e brendshëm. I kalojmë në yndyrë sa të marrin një ngjyrë kafe të lehtë. I marinojmë me kripë dhe piper në brendësi.

Kaurdisim qepët e prera në kubikë së bashku me tulin e brendshëm të patëllxhanëve. Pasi qepa është zbutur shtojmë mishin e grirë dhe vazhdojmë kaurdisjen për pak minuta. Më pas shtojmë salcën e domates, hudhrat e qëruara, domatet e prera në kubikë të vegjël, uthullën, majdanozin dhe erëza sipas dëshirës. Me masën e përgatitur mbushim patëllxhanët. Pjesën e tepruar nga mbushja e hedhim në anësoret e tavës. E vendosim gatimin në furrë të parangrohur në temperaturën 200 gradë Celsius për 50 minuta.