Blerina Heqimaj është një 33-vjeçare që ka humbur kontaktet me familjen nga shteti italian që prej qershorit të 2023. Telefonatën e fundit e ka pasur me motrën e saj, Njoftime Hoxha, ku i ka treguar se ndodhej në një qendër sociale me 2 fëmijët e saj. 2009 Blerina u njoh me shkuesi me Kastriotin, babain e dy fëmijëve të saj. Të dy emigruan drejt Italisë për një të ardhme më të mirë për familjen që po krijonin. Mrepo, jeta e Blerinës në tokë të huaj nuk ishte si ajo e kishte menduar. Kastrioti filloi të ushtronte dhunë ndaj saj. Kjo e fundit e denoncoi në policinë italiane, por që më vonë do ta tërhiqte denoncimin per bashkeshortin per hater te femijeve. Ajo vendos t’i drejtohet dyerve të gjykatës për të zgjidhur martesën. Në shtatorin e vitit 2023 divorci finalizohet dhe gjykata vendos që kujdestarinë e fëmijëve ta kishte Blerina. Pas divorcit me bashkëshortin, 33-vjecarja fillon një njohje me një shtatas Italian. Familjarët nuk dinë shumë për të, pasi Blerina ishte shume e rezervuar në këtë pjesë. Në qershor të vitit të kaluar ajo humbi kontaktet me familjarët dhe ata nuk kanë asnjë informacion per te. Blerina ka mbyllur të gjitha rrjetet sociale, por telefoni i saj ende rezulton i hapur. Motra e telefonon, zilja shkon, por askush nuk përgjigjet nga ana tjeter e telefonit. Ajo eshte ne merak per te motren, pasi te dyja kishin nje raport shume te afert me njera-tjetren.