Një 48-vjecare nga Lapardhaja e Beratit vjen sot në studion e emisionit 'Pa Gjurmë' për të rrëfyer gjithë kalvarin e vuajtjeve të jetës së saj, dhe për të kërkuar një të vërtetë, atë se cka ndodhi me fatin e djalit që e bëri për herë të parë nënë. Suzana dhe Beqar Cani u martuan me dashuri në vitin 1993. Ishte një 22-vjecare asokohe kur më 26 janar të 1995 sjell në jetë fëmijën e parë në Maternitetin e e Beratit, një fëmijë i cili lindi para kohe dhe u quajt Alfred Cani. Cdo gjë dukej se po shkonte mirë, nëna shkonte e shikonte djalin cdo ditë i cili ishte vendosur në një inkubator. 3 ditë më pas kur nëna shkon për ta parë sic bënte gjithmonë, ajo e pa inkubatorin bosh, ndërsa bluzat e bardha i komunikojnë se djali kishte ndërruar jetë. Askujt prej familjes nuk iu lejua që ta shikonin apo ta merrnin trupin e tij. Atyre iu jepet vetëm një certifikatë vdekjeje, ku thuhej se foshnja kishte ndërruar jetë 10 ditë pasi kishte ardhur në jetë. Gjë e cila ngriti edhe më shumë dyshimet në familjen Cani. Cifti u bënë prindër të 3 vajzave por pengu i djalit, Alfredit i ka munduar prej vitesh. Ndërkohë një ngjarje e rëndë e ndodhur në shtator të viti 2008 ku pika e gazit në Lapardha të Beratit që familja Cani kishin në pronësi shpërthen. Një shpërthim i cili i merr jetën bashkëshortit Beqar Canit dhe vajzës së dytë Artenisa 37 dhe 9 vjec asokohe, ndërkohë Suzana mbeti e plagosur rëndë por fatmirësisht i shpëtoi vdekjes. Sot dëshira më e madhe e kësaj 48-vjecareje është të zbulojë të vërtetën e foshnjes që lindi në vitin 1995