Për t’i shpëtuar keqtrajtimit te njerkës, Fatjona Misiri ende pa mbushur 15 vjeç largohet nga shtepia me fqinjin e saj. Një dashuri që erdhi si nevojë jetike e të miturës nga Vlora, e cila kishte humbur nënën nga kjo jetë dhe babai ishte rimartuar. Jetesa për Fatjonën dhe vëllezërit e saj u bë më e veshtirë me nusen e re të babait. Bashkëjetesa me fqinjin solli pak gëzim dhe lumturi tek Fatjona, e cila në saj të kësaj marrëdhënie solli në jetë dy fëmijë, por që fatkeqësisht atësia nuk u njohë. Bashkëshorti i saj refuzonte të bënte martesë që fëmijët të merrnin mbiemrin e tij, duke e bërë Fatjonën të ndjehej e braktisur. Nga ana tjetër familjarët e saj, të shqetësuar pse ata nuk po celebroheshin e inkurajuan të ndahej nga burri. Pas disa kohësh, Fatjona njihet me një tjetër burrë dhe pse ishte më i vogel në moshë se ajo dhe i përkiste një tjetër komuniteti. Ndryshe nga hera e parë, Fatjona e zyrtarizoi dashurine e saj. Klajdi i kërkoi ditën e celebrimit që ai të merrte mbiemrin e saj, një veprim që si fillim nuk ngjalli shumë dyshime te 37 vjeçarja. Jeta e tyre e përbashkët dukej e lumtur, por pas 1 viti, nëna e dy fëmijëve filloi të kuptonte se realiteti ishte ndryshe nga sa kishte pritur. Personi që ishte martuar ishte përdorues i lëndëve narkotike dhe filloi të ushtronte dhunë ndaj Fatjonës dhe dy fëmijëve të saj. Përveç dhunës fizike, ajo përballej me përbuzjen e tij çdo ditë. Urrejtja e Klajdit ndaj Fatjonës për faktin se ajo i përkiste komunitetit egjiptian, e bëri situatën edhe më të rëndë.Dy muaj pasi debatet kishin filluar, Klajdi u largua duke i thënë se nuk e dashuronte me. Sot, e plagosur 37 vjeçarja ende nuk e di se ku ndodhet ai dhe dyshon se martesa u bë per interes, ku Klajdi të merrte mbiemrin e saj përshkak të problemeve që kishte në vendet e BE-së.
