Arnold Shkozaj është një 31-vjeçar nga fshati Topojan i Përmetit, i cili rezulton i zhdukur për familjarët që prej datës 31 korrik të këtij viti. I riu jetonte me prindërit e tij, ndërsa atë mëngjes doli nga shtëpia rreth orës 08:00 pa i treguar askujt, për të shkuar më pas tek shtëpia e fqinjes së tij Valbona Tartarit. I dhene shume pas makinave, Arnoldi shkonte thuajse shpesh herë tek shtepia e fqinjës, djemtë e së cilës kishin një të tillë. Valbona Tartari jeton me me vjehrrën, dy femijët dhe me burrin 5 minuta larg shtëpisë së Arnoldit. Ndryshe nga herët e tjera ajo nuk i ka njoftuar familjarët e 31-vjeçarit se ky i fundit ndodhej në shtëpinë e saj. 7 ditë pas denoncimit të familjarëve policia e Përmetit ka marrë në pyetje Valbona Tartarin e cila ka dëshmuar se: 'Arnoldi ka qenë tek shtëpia ime.Ka qëndruar pak aty dhe më pas unë e kam përcjellë më pas deri tek ish-fusha e futbollit në Topojan. Ka qenë mëngjes, rreth orës 08:30. Nuk e kam parë më që nga ai moment, pasi unë u ktheva në shtëpi se kisha punë' Nga kërkimet e bëra nga uniformat blu Arnold Shkozaj rezulton të ketë qenë në shtëpinë e fqinjes së tij Valbonës, por në vendin ku kjo e fundit pohon se e ka lënë nuk kanë gjetur asnjë shenjë që e provon diçka të tillë. Dyshimi kryesor për prokurorinë është Valbona Tartari e cila është nën hetim. Një djalë i dashur me të gjithë, kjo është hera e parë për Arnoldin që largohet në këtë mënyrë. Si fizik ai është një djalë i gjatë dhe si karakteristikë dalluese e të riut është problemi në të folur.