• VIDEO

    Gjiknuri apel drejtësisë: Jini të pavarur, godisni edhe në radhët e opozitës

    Sekretari i Përgjithshëm i PS Damian Gjiknuri u bëri thirrje organeve të drejtësisë të godasin edhe në radhët e opozitës. Gjatë fjalës së tij në Kuvend, Gjiknuri theksoi se janë krime që i dinë të gjithë dhe sot mbeten pa ndëshkim duke kërkuar nga prokurorët të mos tremben para presioneve. Gjiknuri theksoi se shqiptarët kanë nevojë për drejtësi nga të gjitha anët.

     
  • VIDEO

    Zv.kryeministri: Kemi gati paketën e energjisë për në vjeshtë! Komenti për Berishën: E ke humbur të drejtën të flasësh në parlament

    Zv.kryeministri Arben Ahmetaj foli në Kuvend për Sali Berishën duke thënë se shpik pa fund por në të vërtetë ka vrarë më shumë se pandemia. Për këtë solli në vëmendje vitin 1994 duke thënë se u thye embargo dhe Serbia u furnizua me naftë. Ndër të tjera tha se Berisha e ka humbur të drejtën që të jetë e të flasë në parlament.

     
  • VIDEO

    Tensione në Kuvend, Berisha s’lëshon foltoren, garda e rrethon! Spiropali: Gëzohu se do bashkohesh me Metën

    Mes debatesh është zhvilluar seanca plenare në Kuvend, kjo pasi Sali Berisha u bë sërish protagonist duke kërkuar më shumë kohë për të folur. Në mbrojtje të tij, dolën edhe besnikët Flamur Noka, Oerd Bylykbashi e Luçiano Boçi që kërkuan që Berisha të marrë fjalën, pasi deputetja Elda Hoti i kishte lënë radhën e saj.

  • VIDEO

    Balla: Berisha 'djalli' ngriti kokën sot, turp i madh që erdhi i bëri gjyqin drejtësisë në Kuvend! Ende nuk është thirrur për dosjet e tij

    Kreu i grupit parlamentar të PS, Taulant Balla komentoi fjalën e Sali Berishën në Kuvend duke thënë se guxoi të ngrinte kokën për të thënë se drejtësia nuk e bëri detyrën e vet ndërsa nuk është thirrur ende për të dhënë përgjigje për asnjë dosje.

     
  • VIDEO

    Bardhi: Rama ndryshoi ligjin për të legalizuar 5 kate të gradacelës së mikut të tij në Tiranë! PS: Prokuroria të hetojë

    Deputeti demokrat Gazmend Bardhi ka denoncuar në Kuvend ndërtimin e një gradacele në Tiranë. Bardhi tha se është marrë leje për ndërtimin e 37 kateve dhe 5 kateve nëntokë, por kësaj ndërtese i janë shtuar 5 kate pa leje.

    Sipas Bardhit, ndërtuesi i ka shtuar këto 5 kate shtesë pa leje, pra në total gradacela ka 45 kate nga 37 kate për të cilat ishte kërkuar leje.

    Deputeti shprehet se pasi ka ndërtuar pa leje 5 kate, ndërtuesi ka bërë kërkesë për shtim katesh, ndonëse tashmë i kishte ekzistonte. Bardhi shton se ka bërë kërkesë në Bashkinë e Tiranës për këtë rast dhe i kanë thënë se kërkesa për shtimin e kateve i është refuzuar ndërtuesit pasi bie ndesh me nenin 17 të VKM 408.

    Sipas Bardhit, Rama ka ndryshuar ligjin për interesa të këtij oligarku. Bardhi tha se me firmë të ministres Belinda Balluku dhe zv.kryeministrit Arben Ahmetaj, Rama ka ndryshuar nenin 17 të VKM. Demokrati thotë se institucionet ulin kokën përballë të pakrshëmve të cilët i mbron Edi Rama.

  • VIDEO

    Berisha flet jashtë Kuvendit: Rama kërkon të mbulojë megaaferën në Durrës me angazhimin e NATO-s

    Ish kryeministri Sali Berisha ka folur jashtë Kuvendit duke përmendur konferencën për shtyp të Edi Ramës me sekretarin e përgjithshëm të NATO-s në Bruksel. Berisha thotë se Rama kërkon të mbulojë përvetësimin e 1000 metrave katrorë në Durrës me angazhimin e NATO-s në Porto Romano.

  • VIDEO

    Berisha: SPAK pse nuk i heton 'sarajet' e Edi Ramës

    Sali Berisha tha në Kuvend përse SPAK nuk heton 'sarajet' e Edi Ramës.

    “Pyesni pak përfaqësuesit e SPAK, KLGJ-së, KLD-së e me radhë, t’ju thonë pse nuk hetojnë Sarajet e Edi Ramës me gjatësi themelesh 57 metra, me oborr 5 mijë m të deklaruar se e ka blerë me 2 euro në një kohë kur shitej me 20 euro apo 40 euro në atë zonë?  Pyesni pak pse nuk hetojnë 'pallatin pajë' të familjes Basha për të cilin s’kanë asnjë faturë tatimore, doganore, bankare, ndërtimore, por shpërblejne ndërtuesin, vetëm para 3 javësh me 11 milionë euro me 99% të fondit limit dhe i vetëm në garë? 
    Pyesni pak këtë drejtësi pse nuk hetojnë Edi Ramën, Arben Ahmetajn dhe Erion Veliajn për aferën e tmerrshme të djegësave 420 milionë euro të firmosur nga kryeministri si kontratë duke deklaruar se shkela ligjin, me një procedurë antiligjore që mund ta përdorin vetëm hajdutët e nivelit më të lartë. 

    Pyesni pak çfarë hetimi ka bërë kjo drejtësi për shfrytëzimin barbar të pasurive kombëtare? Janë kthyer në një mallkim të vërtetë për ju qytetarë. A pasuroheni ju, a mëkëmbeni ju nga viti në vit nga shfrytëzimi i këtyre pasurive? Jo dhe jo sepse oligarkët e qeverisë njëlloj si kolonizatorë, ju shfrytëzojnë deri në palcë. Çfarë bëri Edi Rama për pasuritë natyrore? Hoqi rentën o qytetarë. Hoqi rentën duke shkelur një marrëveshje ndërkombëtare të Shqipërisë. Ku shkoi renta? Në xhepat e qeverisë dhe të oligarkëve. Ajo ishte lënë për infrastrukturën lokale për ju. 

    Çfarë ndodh me këtë drejtësi? A e dini ju që në aferën e djegësve Erion Veliaj vazhdon sikur s’ka ndodhur gjë dhe çdo ditë disbursohen nga paratë tuaja 80 mijë euro për këta hajdutë? Çfarë bën kjo drejtësi? Cila drejtësi është kjo? A e dini ju se 7 km rrugë nga Iba në Farkë kanë kushtuar 210 milionë euro? Ka kushtuar 30 milionë euro km. Ka shkuar 40% më shtrenjtë se kilometri në tunelin e Kalimashit. 100% më shtrenjtë se km në tunelin e Krrabës. Hetojnë këta...Prandaj këta u thurin lavde këtu dhe i duartrokasin. 

    A e dini ju qytetarë që vëllezërit, motrat, nënat, baballarët vdisnin në Shqipëri nga COVID si në asnjë vend tjetër në Europë sepse Ministria vidhte dhe vetëm vidhte fonde të caktuara nga buxheti për ndihmën tuaj. E dini ju pse nuk hetojnë këta gjykatës dhe prokurorë në një kohë kur qeveria merr nga ju 340 milionë euro nga çmimet e larta. I merr dhe i ndan me oligarkët e vet dhe ju ua preu edhe atë fond minimal që ua dha para 3 muajsh. 

    Pyeteni pak këtë zonjën e KLGJ pse mban sekret ti Vettingun e Sokol Sadushit, Pupos dhe të gjykatësit tjetër të Gjykatës së Lartë. Çfarë sekreti është ai? Ua them unë. Sepse të tre ata e kanë vendin pas hekurave. Të tre ata kanë pasuri kriminale të fshehura. Ata janë ushtarë të partisë prandaj mbeten aty për të mbajtur peng. 

    Pyeteni pak qytetarë, a e dëgjuat ju ministrin e Brendshëm si recitonte? Sepse ai familjarisht ka marrë miliona në atë reformë. Ka marrë miliona! Pyeteni pak ç’është marrëveshja Llagami-Fico për dosjet tuaja? Se si Delina Fico, bashkëjetuesja e ministrit merr miliona për të shqyrtuar me anëtarët e Institutit East-West, dosjet tuaja sipas porosive të partisë", tha Berisha. 

  • VIDEO

    Kraja bën ‘bilancin’ e SPAK në Kuvend: Për një vit kemi sekuestruar 70 milionë euro pasuri

    Kreu i SPAK, Arben Kraja ka raportuar sot në Kuvend për punën e Prokurorisë së Posaçme për vitin 2021. Ai tha se gjatë viti që lamë pas, janë regjistruar 15 procedime penale dhe janë hetuar 25 persona, ku kanë përfunduar dhe kanë shkuar në gjykatë 3 procedime për 7 të pandehur.

    Kraja tha se janë dënuar 13 persona dhe janë sekuestruar 70 milionë euro pasuri e luajtshme dhe e paluajtshme.

    “Prioritet i rëndësishëm i Prokurorisë së Posaçme ka qenë rritja e bashkëpuinimit me agjencitë e huaja, janë mbajtur kontakte të vazhdueshme me agjencitë amerikane, italiane, gjermane dhe blege. Në prokurorin ë e Posaçme kanë ushtruar fiunksionin 15 prokurorë dhe 13 oficerë të ish-prokurorisë së Krimeve të rënda. Në shtator të vitit 2021 kanë filluar funksionin 28 oficerët e Byrosë Kombëtare të Hetimit.

    Gjatë vitit 2021 janë regjistruar 15 procedime penale, ku përfshihet dhe hetimi i pastrimit të veprës penale, janë hetuar 25 persona, kanë përfunduar dhe dërguar për gjyjkim 3 procedime penale me 7 të pandehur, janë dënuar 13 persona si dhe janë sekuestruar pasuri të luiajtshme dhe të paluajtshme me vlerë 70 milionë euro. Gjatë vitit 2021 janë verifikuar 316 materiale pasurore si dhe janë paraqitur dhe miratuar nga gjykata 14 kërkesa për sekuestrim pasurish si dhe janë paraqitur 4 kërkesa për konfiskim pasurish. Në zbatim të aktit normative për të quajturën OFL, Prokuroria e Posaçme gjatë vitit 2021 ka paraqitur në gjykatë 25 kërkesa për sekuestrim pasurie dhe 75 kërkesa për konfiskim pasurie”, tha Kraja.

  • VIDEO

    Ministrja e Bujqësisë: Do të kisha pritur për kontratat në zyrë! Braçe 'nuk përmbahet': S'punoj në ministri unë, nuk do punoj kurrë

    Me ironi të njëanshme ka vijuar interpelanca e ministres së Bujqësisë dhe Braçes. Ministrja u shoreh se për kontratat të cilat diskutohen në Kuvend do ishte me eficente nëse do i adresosheshin nga deputeti në zyrë.

    Ky i fundit është shprehur se nuk punon në ministri, madje nuk do të punojë kurrë aty.

    'Për sa i takon kontratave e  përmenda që kontrata janë të lidhura nga viti 2019-2020. E dyta çdo kontratë është një marrëdhënie juridike. Unë do ju kisha mirëpritur që të gjitha këto kontrata të mi kishit adresuar në zyrën time dhe do kishte qenë me efikase për gjetjen e zgjidhjeve.'- tha Krifca.

     Shumë faleminderit për këtë ndërhyrjet fundit më duhet t'iu drejtoj që nuk punoj në ministri punoj në parlament. Ta dini që unë nuk do punoj kurrë në atë ministri. Çmimi i shalqirit është më i ulët se vjet po kjo tregon eksportuesin jo bujkun. Nuk flisni dot kurrë për tregtarët se i shihni bujqit si vartës. Jeni akoma në kushte primitive, nuk shitet me telefon. Shko ta sheshi shalqirin Erion Braçe se ai flet shumë.'- tha Braçe.

    •  
  • VIDEO

    Braçe akuzon me foton 'mat' të deputetit të PD: Si shkoi samiti i Fierit? Do e çojnë çmimin e shalqirit 4 lekë! Ja ku i keni ministre

    Nga Kuvendi në interpelancën me Krifcën, Braçë ka akuzuar me foto për abuzimet me çmimet. Nga foltorja ai nxori një foto të tre grumbulluesve në zonën e Divjakës të cilët sipas tij janë mbledhur ditën e djeshme në një kafe për të ulur çmimin e shalqirit duke përfituar në kurriz të bujqve.

    'Ku e kam atë deputetin e Fierit, atë të PD-së, ku ishe dje?  Si shkoi samiti i fierit dje me Donin, me Ramirin dhe me Tomato.al, do ta çojnë çmimin e shalqirit 4 lekë apo s’do ta çojnë këta janë ministre këta që ju mendoni se po bëjnë Bujqësisë në këtë vend dhe ndihmojnë bujqit, këta po ndjekin politikën. Ajo që ndodh me çmimin e shalqirit këtë vit është tërësisht politike. Ja ku i keni të tre shkojini dhe pyetini.

    Ku kanë ngrënë dhe ku kanë pirë dje. Jo i madhi fare i Donit se ai është duke ngrënë peshk në Lushnjë',- tha Braçe

    Ai ironizoi edhe ministren e Bujqësisë duke thënë se shalqiri në zonën e Lushnjës dhe Divjakës nuk shitet përmes inovacionit digjital. 

    “Karteli i grumbulluesve nga këtu deri në Kosovë po u bën gjëmën buqëve. Po mor po e kemi bërë ne por do të duhet të rregullojmë kontratat me ta. Me gjithë përmirësimet digjitale që ju promovuat nuk shitet shalqirin ministre me telefon”, tha Braçe.

  • VIDEO

    Braçe-Krifcës: Ministria e Bujqësisë, o është e mbushur me njerëz pa ambicie o dembel! Një i fortë, kryetari i PD, ka mbjellë plepa në tokë arë

    Deputeti socialist, Erjon Braçe, ka hedhur akuza të rënda ndaj ministres së Bujqësisë, Frida Krifca, gjatë interpelancës me të në Kuvend për situatën në bujqësi. Braçi solli në vëmendje disa kontrata, sipas së cilit janë ndryshe nga sa ministrja deklaron.

    “Ministre, po e citoj më ngadalë vendimin e Biden, meqë më parë e lexova shpejt. “Fermerët po shtrydhen”. Unë mendoj që është shumë mirë ta kapim nga këtej, ndërkohë që unë di nga ta kap. Do ta kap nga kontrata, por në dallim nga ju, do i referohem letrave qartësisht. Juve ju duket e habitur, por i kam dërguar një shkresë Ministrisë së Bujqësisë, ku kam marrë përgjigje nga Sekretari i Përgjithshëm dhe kam këtu përgjigjen, që ka diferencë nga ato që thoni ju. Do ua lexoj unë, se ka diferencë.

    Tani do rikthehem të bëj populistin prapë. E patë, u mundova shumë të rrija në realizëm, por nuk të lënë. Një ministër nuk mund të dijë çdo gjë përmendësh, pro një ministri po. Një ministri që nuk kontrollon territorin, kontratën, ose është e mbushur me njerëz të painteresuar për punën, pa ambicie, ose është e mbushur me dembelë. Unë dembelët nuk i kuptoj, nuk përshtatem dot me ta, madje nuk i duroj dot fare.

    Ministre, kontrata që iu referuat ju, nuk është në Lushnje siç thoni ju, por është në Divjakë. Nuk keni bërë asnjë takim, zero, për zgjidhjen e problematikave në Bashkinë Lushnjë. I keni marrë banorëve 40 mijë hektarë, por ajo tokë iu takon banorëve dhe pikë. Ja fotot e bëra dje, e nderuar ministre, kjo është toka, e papërdorshme për të paktën 3-4 vite. Një i fortë, kryetari i PD së zonës në Gradisht, ka mbjellur plepa, zonja ministre në një tokë buke. Të paktën, zv.ministrin tuaj e kam dërguar unë atje ta shikojë, kur isha zv.kryeministër. Ky është problemi në kontratën tuaj të Ministrisë së Bujqësisë. Kontrata me Agro fish hotin ka dështuar, jo prej Covidit, por prej kontraktuesit tuaj. Agro Fish Hoti nuk është më zonja ministre", tha Braçe. 

  • VIDEO

    Ministrja e Bujqësisë interpalancë me Braçen: Deklaratën e deputetit nuk di nga ta kap! Brenda vjeshtës do të bëjmë platformë të re digjitale

    Ministrja e Bujqësisë, Frida Krifca në interpelancë me deputetin Erion Braçe në fjalën e saj është shprehur se nuk di nga ta kapë deklaratën e deputetit. Krifca prezantoi edhe platformën e re për fermerët  online falas.

    'Po merrem me interpelancën se deklaratën e deputetit nuk di nga ta kap. Është pak e vështirë të flas për kontratat që është thirrur kjo interpelancë. Po i qëndroj atyre. Biem dakord që menaxhimi i mirë i tokës mund të bëhet ndërmjet një intervarizimi dhe duke dhënë sa më shumë transparencë te qytetarët.

    Për rritjen e efektivitet i tokës bujqësore kemi ngritur programin e menaxhimit të qendrën e tokës. Program që do ti japë fermerëve informacion online, falas për sipërmarrësit rreth kulturave të përshtatshme rreth kulturave të tyre.

    Brenda vjeshtës do të bëjmë publike një platformë të re me një informacion të parcelave të saktë të verifikuar në terren. Nuk do jenë më në exel por në nj hartë digjitale. Klikohet në nivelin e parcelës dhe merret i gjithë informacioni.

    Po  prezantoj punën që po bëjmë të përqafuar me teknologjinë.

    Që me marrjen e detyrës jam informuar me problematikat e qirave. Sa i përket tokave të dhëna me qira në Lushnjë  Divjakë, në total janë 10 kontrata.'- tha Krifca.

Për lajme të tjera kërkoni në arkiv