• VIDEO

    Ministrja e Turizmit: Do pastrojmë çdo cep të Shqipërisë! Më 1 qershor, ndalohet përdorimi i qeseve plastike

    Ministrja e Turizmit dhe Mjedisit, Mirela Kumbaro në fjalën e mbajtur në panelin e Kongresit të PS, foli për nismën e 1 qershorit për heqjen e qeseve plastike.

    Kumbaro tha se në 17 mars parlamenti miratoi ligjin për ndalimin e prodhimit dhe tregtimit të qeseve plastike, pasi ka rezultuar si ndotësi kryesor i mjedisit. Sipas saj, të gjithë shqiptarët nuk duhet të përdorin më qese plastike, po duhet t’i kthehen zakonit të torbave, por kjo nuk është një nismë që mund ta bëjë vetëm qeveria dhe bashkia, por kërkon që edhe të rinjtë e gjithë qytetarët ta ndjekin më përpikmëri.

    “Nga sondazhi i Këshillimit Kombëtar rezultoi se 77% e qytetarëve shqiptar kërkojnë rritjen e sanksioneve dhe gjobave për ndotësit në mjedis. Ne do t’i rrisim gjobat dhe është detyra jonë të mos lemë asnjë cep të territorit të Shqipërisë pa e pastruar. Duhet ta kemi të pastër siç kemi shtëpinë tonë, sepse Shqipëria është shtëpia jonë.”

    Kumbaro tha se gjobat për shkelësit do të rriten sepse qeset plastike rezultojnë ndotësit më të mëdhenj të lumenjve.

    “Në 17 mars e miratuam ligjin që ndalon prodhimin tregtimin e import e qeseve plastike se na rezulton që është ndotësi kryesor i ujërave e lumenjve. Duhet t’i kthehemi patjetër e këtë e kemi shumë seriozisht se jemi të vendosur ti qepemi e mos i ndahemi t’i kthehemi zakonit të torbave prej cope, rrjetave me të cilat ishim mësuar kur nuk e dinim që kishte qese.

    Do e ndjekim me masa e sanksione, se nga sondazhi i fundit i këshillimit kombëtar 77% e të pyeturve kërkojnë rritjen e sanksioneve e ndëshkimeve e gjobave për ndotësit në mjedis. Ndotja nuk është thjesht gabim por krim mjedisor, do i rrisim gjobat por do jemi të qendrueshëm deri sa të mos lëmë asnjë cep të Shqipërisë për të cilën krenoheni e zihemi në FB ta kemi të pastër si kemi shtëpitë tona brenda derës sonë”.

  • VIDEO

    Ministrja e Infrastrukturës: Në të ardhmen të gjithë energjinë do e prodhojmë vetë dhe do bëhemi eksportuese e fuqishme

     “Në të ardhmen Shqipëria do të bëhet një vend që do të mbulojë të gjitha nevojat e tij për energji dhe madje do të behet edhe eksportues i kësaj energjie. Mirëpo kjo nuk mund të bëhet brenda disa muajve apo një viti, pasi është një projekt që kërkon kohë dhe investim.” u shpreh Balluku.

    •  
  • VIDEO

    Kongresi i PS-së, Ministri i Mbrojtjes: Çdo cm² i Shqipërisë është i sigurt nga parimi i mbrojtjes kolektive se NATO-s

    Ministri Niko Peleshi i pranishëm në një prej 5 paneleve të hapura për publikun në Kongresin e Partisë Socialiste ka deklaruar se çdo cm² i Shqipërisë është i sigurt dhe i mbrojtur nga parimi i mbrojtjes kolektive se NATO-s. Peleshi tha se projekte të mëdha ndërkombëtare si TAP përfaqësojnë një mundësi historike për Shqipërinë, ndërsa shtoi se TAP është i një rëndësie strategjike pasi është alternativë për të plotësuar nevojat për gaz jorus në Evropë.

     
  • VIDEO

    Ministrja e Ekonomisë: Paketa sociale, provë se mbrojmë më të dobëtit

    Ministrja e Financave dhe Ekonomisë Delina Ibrahimaj tha se vizioni i PS është ai për një Shqipëri më të sigurtë, më të fortë, më të zhvilluar.

    “Ne sot jetojmë në një epokë ku çdo qytetar mund të marrë çdo shërbim me një klik. Sot qytetet janë transformuar në drejtim të të gjithë hapësirave publike, në drejtim të hapësirave kulturore, por mbi të gjitha në drejtim të hapësirave ekonomike që ofrojnë. Ka shumë më shumë turistë dhe vizitorë, një numër gjithmonë e në rritje biznesesh të reja që hapen, vendase dhe të huaja. Vendet e punës janë në rritje dhe pagat janë në rritje. Nuk është mjaftueshëm. Ne duam një ekonomi më të zhvilluar dhe një Shqipëri më të sigurtë”, deklaroi ministrja e Financave.

    Duke iu referuar luftës në Ukrainë, ministrja e Financave sqaroi se atje njerëzit jetojnë në frikë për sigurinë e tyre fizike. Efektet e luftës, tha Ibrahimaj, kanë ardhur te ne ashtu si në të gjithë botën, përmes rritjes së çmimeve.

    ‘Ne vendosëm të amortizojmë kostot e rritjes së çmimit të karburanteve për të gjitha kategoritë e qytetarëve të cilët nuk kanë mundësi ta përballojnë rritjen, për të gjithë fermerët, për të gjithë shoqëritë e transportit publik urban dhe ndërurban, për ata qytetarë që përdorin transportin publik.’- tha Ibrahimaj.

  • VIDEO

    Ministrja e Jashtme në forum: Diplomacia shqiptare periudhë të paprecedentë suksesesh e arritjesh

    Ministrja e Jashtme, Olta Xhaçka ka mbajtur fjalën e saj në forumin “Rajoni, Europa dhe Siguria”, ku është ndalur të flasë për disa çështje të rëndësishme të politikës së jashtme.

    “Sot është e pakundërshtueshme që kjo filozofi i ka dhënë frytet e saj dhe diplomacia shqiptare është duke përjetuar një periudhë të paprecedentë suksesesh e arritjesh.

    Vetëm pak kohë pasi drejtoi me sukses Presidencën e OSBE, Shqipëria ulet sot në Këshillin e Sigurimit. Ne jemi sot, bashkë me Shtetet e Bashkuara e me ftesë të tyre bashkë-penëmbajtës të dosjes së Ukrainës, kapacitet në të cilin kemi luajtur një rol të rëndësishëm qoftë përmes kalimit të rezolutës në Asamblenë e Përgjithshme që i bënte thirrje Rusisë të ndalonte luftën, qoftë në vendimin për të përjashtuar Rusinë nga Këshilli i të Drejtave të Njeriut, qoftë në themelimin e Grupit të Miqve për Llogaridhënie në Ukrainë i cili po punon për evidentimin e krimeve të luftës të kryera nga Rusia gjatë agresionit të saj kriminal kundër Ukrainës. Performanca në Këshillin e Sigurimit, edhe pse padyshim pjesa më e rëndësishme, nuk është një histori e veçuar. Shqipëria është duke kontribuar me ide e qëndrime konkrete e parimore në çdo organizatë ku bën pjesë.

    Procesi i integrimit ka avancuar shumë duke arritur madje në një përmbysje të skemës, ku sot nuk bëhet më fjalë nëse Shqipëria – e padyshim edhe Maqedonia e Veriut – e meriton hapjen e negociatave, por nëse BE do të arrijë të mbajë fjalën e dhënë Shqipërisë duke hapur negociatat. Krahas reformave të thella të integrimit në çdo fushë, në politikën e jashtme, linjëzimi 100% me BE, puna aktive për të çuar përpara interest e përbashkëta dhe agjendat e përbashkëta me BE, që nga agjenda Gratë Paqja e Siguria e deri tek çështjet e radikalizmit të dhunshëm dhe e drejta ndërkombëtare, sot kanë bërë që edhe ato vende që dikur ishin më skeptiket për Shqipërinë të zgjerojnë marrëdhëniet dhe bashkëpunimin me ne”, tha Xhaçka.

  • VIDEO

    Varësia nga nafta? Veliaj për Report Tv: Koha të përdorim transport elektrik! Mënyrë e re pastrimi me kazanë nën tokë! Të rishikojmë kapacitete e ushtrisë

    Erion Veliaj, si kryebashkiak i Tiranës, në një intervistë për gazetarin Ermal Qori ka prezantuar të gjitha forumet që do të jenë pjesë e Kongresit të PS-së, ku u ndal në disa projekte që po diskutohen që të vihen në zbatim, parë edhe nga zhvillimet e fundit në rajon e në botë.

    Ai foli për një ndryshim të konceptit të transportit duke shkuar drejt asaj elektrike, që të mos kemi varësi nga nafta, teksa foli edhe për pastrimin e qytetit, ku tha se po punohet që kazanët të vendosen nën tokë. Gjithashtu, u ndal dhe te lufta në Ukrainë, ku tha se ka ardhur momenti për të rishikuar edhe kapacitetin e ushtrisë sonë, nëse duhen rezervistë.

    " Duhet të shohim eksperienca, nëse gjysma e taksive janë kthyer në elektrike,. Flota e Bashkisë po, mos është kjo e ardhmja, që të mos kemi pavarësi nga nafta? Sa të presim dhe të shohim me sytë nga lufta, a mos është momenti që në Tiranë ne ë përdorim një transport më të qëndrueshëm, a ka ardhur koha të riciklohemi pak më shumë, kjo historia e mjedisit nuk është më e urgjente? Do kemi disa risi me pastrimin në Tiranë, të gjithë kazanët do të shkojnë nën tokë, që të mos ketë vizualisht ajo dukja e kazanëve. Ne do bëjmë tonët, në momentin që ke shumëllojshmëri opsionesh. Më pas kemi industrinë digjitale, punët e të ardhmes, sot ky stadium ka vetëm 1 herë në javë ndeshje, një gjimnazisti I themi shko studio teknologji, kurse në shesh kemi një hapësirë për bujqësinë dhe zhvillimin rural, forumi I fundit është për marrëdhëniet me jashtë, për shqiptarët në rajon. Të shikojmë nevojat në Ushtri, nëse kemi nevojë për rezervistë", tha Veliaj. 

  • VIDEO

    PS mbledh sot Kongresin, Report Tv zbulon detaje nga punimet! Deputetët e ministra me tryeza në shesh! Mandati i 3, hapja e partisë, por edhe ‘prerje’ kokash

    Si asnjëherë më parë Kongresi i socialistëve nis me deputetët e ministrat të cilët do të dalin sot me tryeza në disa sheshe kryesore të Tiranës ku do të  dëgjojnë problemet e qytetarëve. Më pas do të mblidhen në ambientet e Pallatit të Kongreseve ku do të diskutojnë për një riorganizim të partisë, por pritet të mos mungojnë kritikat e kryesocialistit Rama.

    • VIDEO

      Kush e kërkon legalizimin e hashashit dhe Kongresi i PS

      Deputetja demokrate Dhurata Çupi thotë se legalizim i kanabisit mjekësor është një plani i vjetër i Partisë Socialiste që prej vitit 2014. Në emisionin ‘Pa Protokoll’ në Report Tv, Çupi thotë se kryeministri Edi Rama e përdori Këshillimin Kombëtar si një propagandë për të arritur qëllimin e tij.

    • VIDEO

      Legalizimi i kanabisit mjekësor, Dhurata Çupi në 'Pa Protokoll': Plan i vjetër i PS, formularët hile e Ramës për të arritur qëllimin! Klosi: Nëse nuk eksportohet do dështojë

      Deputetja demokrate Dhurata Çupi thotë se legalizim i kanabisit mjekësor është një plani i vjetër i Partisë Socialiste që prej vitit 2014. Në emisionin ‘Pa Protokoll’ në Report Tv, Çupi thotë se kryeministri Edi Rama e përdori Këshillimin Kombëtar si një propagandë për të arritur qëllimin e tij.

    • VIDEO

      Zgjedhja e presidentit të ri, Çupi: Të jetë i djathë, do votoja qoftë edhe Bashën

      Deputetja demokrate e ftuar në emisionin ‘Pa Protokoll’ në Report Tv ka komentuar zgjedhjen e presidentit të ri. Presidenti i ri, sipas Çupit duhet të jetë nga radhët e djathta, pasi në zgjedhjet e 25 prillit 2021 pothuajse gjysma e shqiptarëve kanë votuar PD-në. Demokratja nuk përjashtoi as mundësinë që votën e saj ta japë për Lulzim Bashën nëse do jetë një prej kandidatëve.  

      Dhurata Çupi: Në 25 prill të 2021 pothuajse gjysma e shqiptarëve kanë votuar opozitën, pavarësisht se ka një maxhorancë në qeverisje ose kanë patur një qasje tjetër ndaj kësaj qeverie. Në këtë këndvështrim mendoj se një institucion i rëndësishëm siç është presidenca duhet të jetë alternativë për opozitën. Nuk është favor, por presidenti duhet të zgjidhet edhe si institucion i rëndësishëm por edhe për të përfaqësuar opozitën. Jam e gatshme të votoj çdo të djathtë në atë pozicion.

      Plator Nesturi: Edhe Basha i djathtë është?

      Dhurata Çupi: Patjetër edhe Basha. Çdo i djathtë unë do e votoja me shumë dëshirë aq më tepër Princ lekën që është edhe matjan.

    • VIDEO

      Kongresi, PS sytë te kryetari Rama te Shqipëria!

      A do të jetë presidentja e re grua? E pyetur në emisionin ‘Kontrast’, ish-ministrja Etilda Gjonaj tha se më e rëndësishme se sa gjinia e pasardhësit të Ilir Metës, është integriteti i atij që do ta marrë këtë detyrë të lartë. Megjithatë, Gjonaj nuk e fshehu dëshirën që përveç Kuvendit, edhe Presidenca të ketë në krye një grua

    • VIDEO

      Presidenti i ri, një grua? Gjonaj në 'Kontrast': Me rëndësi të ketë integritet!

      A do të jetë presidentja e re grua? E pyetur në emisionin ‘Kontrast’, ish-ministrja Etilda Gjonaj tha se më e rëndësishme se sa gjinia e pasardhësit të Ilir Metës, është integriteti i atij që do ta marrë këtë detyrë të lartë.

    Për lajme të tjera kërkoni në arkiv