-
VIDEO
Gjakoset Xhelal Mziu te rruga e Elbasanit: Më gjuajti polici me skafandër
Deputeti Xhelal Mziu i ndodhur në rrugën e Elbasanit për protestën e opozitës në disa akse rrugore në kryeqytet, është gjakosur gjatë përplasjes me efektivët.
Siç thotë vetë ai, është konfrontuar teksa efektivët kanë tentuar të shpërndajnë turmën dhe është përplasur me skafandrat të cilat e kanë gjakosur në dorë.
-
VIDEO
Protesta e PD-së/ Tensionet te sheshi Uilson, Gazment Bardhi: Sa herë ka thirrje 'Rama ik', policia agresive ndaj qytetarëve
Gjatë protestës së sotme të opozitës, në një nga pikat e bllokuara ajo e sheshit Uilson ka patur tensione me policisë dhe protestuesve, por edhe me deputetët opozitarë. Gazment Bardhi shprehet për mediat se sa herë ka thirrje në protestë 'Rama ik', ka agresivitet sipas tij nga protestuesve.
'Është një e drejtë kushtetuese. nuk mohoet as nga nipi i Enver Hoxhës as nga ushtari në krye të policisë. Po tentohet të dhunohen qytetarët duke shkelur të drejtën për të protestuar. Sa herë ka thirrje 'Rama ik' ka agresivitet ndaj qytetarëve. Nuk ka të shoqëruar.'
Policia po tento
-
VIDEO
Rriten tensionet te ‘Sheshi Uillson’, Bardhi konfrontohet me Policinë: Po bëni veprime kriminale, po dhunoni deputetët dhe mediat, turp!
Nuk ndalen tensionet te “Sheshi Uillson”. Të tjera shtyrje dhe përplasje mes palëve.
Gazment Bardhi mbajti tjetër fjalim para mediave, duke denoncuar Policinë.
“Po tentohet të dhunohen qytetarët duke shkelur të drejtën për të protestuar. Deri tani nuk ka numër të caktuar dhe nuk ka të shoqëruar këtu ku jemi. Punonjës të policisë që duhet të garantojnë ligjin, shkelin ligjin, bëjnë të kundërtën dhe dhunojnë qytetarët”, tha ai.
Ligjvënësi demokrat shtoi më tej se tentoi të merrte dhe shpjegime, por ishte e pamundur.
“Nuk e di kush i drejtonte këto forca por një drejtues me mbiemrin Pali i kërkova shpjegime se përse shtynin, por nuk mora një përgjigje. Janë veprime kaotike, kriminale, të paligjshme. Nuk janë veprime të qarta. Ja, po bëjnë të njëjtën gjë. Ata vazhdojnë, shikoni se çfarë i bëjnë përfaqësuesve të medias”, tha deputeti i PD, i cili u shkëput pasi ndali fjalimin dhe vihet para kordonit policor, ku ishte krijuar një situatë e re e tensionuar.
Ai u rikthye nga efektivët duke akuzuar:
“A mund ta di ça veprimi është ky dhe kjo gjë. Ku e gjeni të drejtën të dhunosh deputetët dhe qytetarët. Turp, po të kërkoj të zbatosh ligjin. Nuk ka asnjë pengim, jeni duke gënjyer publikisht!”, përfundoi ai.
Teksa pas Bardhit ishte deputeti Korreshi që bënte ironi me efektivët, duke thënë: “Mos hap, mos hap...”, duke kujtuar lojën e fëmijëve.
-
VIDEO
Policia ndërhyn tek Bashkia e Tiranës, kërkohet që të shpërndahen protestuesit që të lirohen rrugët
Policia ka ndërhyrë tek protesta që po zhvillohet tek Bashkia e Tiranës për të shpërndarë protestuesit, në mënyrë që të lehtësohet edhe bllokimi i rrugëve dhe të nis qarkullimi i automjeteve.
Ndërkohë, protestuesit dëgjohen teksa thërrasin: 'Afrohuni'.
-
VIDEO
Tensione me policinë edhe te Zogu i Zi, protestuesit bllokojnë rrugën dytësore
Tensione mes protestuesve dhe policisë ka patur edhe tek zona e Zogut të Zi.
Policia tashmë po tenton shpërndarjen e protestuesve për shkak të bllokimit të rrugëve në 5 pika të kryeqytetit nga opozita dhe PD-ja. mesa duket policia ka nisur një aksion për shpërndarjen e protestuesve në 5 pikat në Tiranë.
Protestuesit kishin arritur në Zogun e Zi të bllokonin edhe rrugën dytësore të krijuar nga policia për qarkullimin.
-
VIDEO
Protesta e PD/ Protestuesit përlplasje me Policinë te Pallati me Shigjeta! Tentohet shpërndarja
Tensione mes protestuesve dhe policisë ka patur edhe tek zona te Pallati me Shigjeta, pasi këta të fundit tentuan të shpërndajnë protestuesit.
Ndërkohë të dyja kahet e rrugës vijojnë të jenë të bllokuara për qarkullimin e automjeteve.
-
VIDEO
Acarohen gjakrat te sheshi Uilson, policia shtyn protestuesit, tentohet shpërndarja! Përplasje me deputetet Ina Zhupa dhe Erisa Xhixho, shoqërohet një protestues
Përplasje mes protestuesve dhe policisë tek sheshi Uilson.Policia po përpiqet të përparojë në mënyrë të shpërndajë turmën.
Kjo ka sjellë irritimin e protestuesve dhe deputetëve të opozitës, nër të cilët janë edhe Luan Baçi, Ina Zhupa dhe Erisa Xhixho që janë përplasur me policinë, gjithashtu edhe sekretari i PL-së Tedi Blushi.
Bëhet me dije se një nga protestuesit e PL-së është shoqëruar nga policia, gjë që ka bërë të acarohen më shumë gjakrat.
Konflikt fizik në vijën e parë mes protestuesve dhe Policisë. Shtyrje mes të dyja palëve. Kanë qenë anëtarët e opozitës dhe zonjat deputete si Erisa Xhixho dhe Ina Zhupa që janë përplasur me efektivët. Policia po ndjek të njëjtin skenar, po përpiqet që të shpërndajë të gjithë protestuesit, apo sa të mundet.
Rriten tensionet, ka përplasje e shtyrje mes protestuesve, deputetëve dhe Policisë.
Përplasjet erdhën pas shoqërimit të një personi mbështetës të PL. Të shqetësuar për shoqërimin u shfaqën Blushi dhe Xhixho. Incidentet kanë vijuar edhe me konfrontimin e deputetit Bardhi me Policinë.
Policia e konsideron vepër penale bllokimin e rrugës, kurse Bardhi u kërkon që të lejojnë protestën
-
VIDEO
Qytetarët që bllokohen në trafik nga protesta e PD-së, Berisha: Disa mund të lëndohen! Por kjo mosbindje civile është edhe për ta, për t'i çliruar nga narko-diktatura
Sali Berisha ishte sot në protestën e parë që pas lirimit nga arresti shtëpiak. Në fjalën me gazetarët nga rruga e Elbasanit një nga pikat e bllokuara sot nga PD-ja, Berisha dha mesazhin për kryeministrin Rama duke e krahasuar me rënien e Assad në Siri.
-
VIDEO
Berisha lë rrugën e Elbasanit, i bashkohet protestuesve te Bashkia e Tiranës
Ish-kryeministri Sali Berisha qëndroi për disa minuta në protestën tek rruga e Elbasanit. Ndërkohë, Berisha lëvizi drejt pikave të tjera, konkretisht te protesta te Bashkia e Tiranës.
-
VIDEO
Deputetja Xhixho: Dështimin e saj qeveria ia hedh TikTok-ut! Kërkojmë qeveri teknike dhe zgjedhje të lira
Nga “Sheshi Uillson” ka folur edhe deputetja e Partisë së Lirisë, Erisa Xhixho, para protestuesve që kishin bllokuar aksin rrugor.
Xhixho hodhi akuza ndaj qeverisë edhe për gjendjen e arsimit në vend, si dhe vendimin për të mbyllur rrjetin social TikTok.
“Po synon t’i gënjejë sërish qytetarët. Qytetarët po protestojnë për fëmijët në shkolla, arsimi është i degraduar. Kemi mbyllje të TikTokut, duke thënë se fajin e ka ai. Por degradimi i arsimit është i qeverisë dhe jo i rrjeteve sociale. Ndaj ne do protestojmë me mosbindje civile. Kërkojmë qeveri teknike, zgjedhje të lira e të ndershme dhe kthimin e shtetit në shinat ligjore”, tha Xhixho ndër të tjera.
PL i është bashkuar grupit të PD-së që është vendosur te ky shesh, i drejtuar nga Gazment Bardhi.
-
VIDEO
Protesta e PD tek Bashkia e Tiranës, pjesë e saj një numër i vogël protestuesish
Vijon e qetë protesta e Partisë Demokratike tek Bashkia e Tiranës.
Në pamjet e siguruara nga Report Tv, shihet se aty janë mbledhur një numër i vogël protestuesish.
Me çadra në duar për shkak edhe të reshjeve të shiut, ata shihen teksa qëndrojnë para ambienteve të bashkisë, ndërsa aty shihen edhe forca të shumta policie.
-
VIDEO
Bardhi ndjek live nga telefoni fjalimin e Berishës, batutë dhe me Mediun: Ju pritëm sa ju pritëm, filluam pa ju...!
Kreu i grupit të PD, Gazment Bardhi, ka ndjekur live nëpërmjet telefonit, nga sheshi “Uillson” ku ndodhej me pjesën tjetër të grupit, fjalimin e kryetarit Sali Berisha, i cili ndodhej në një tjetër nyje të bllokuar nga PD.
Bardhi e ka shfrytëzuar këtë moment edhe për të bërë batuta me Fatmir Mediun, deputetin republikan.
“Ju pritem sa ju pritem dhe filluam pa ju...!”, iu shpreh ai në lidhje telefonike.