-
VIDEO
Përkeqësohet situata në fshatin Bestrovë të Vlorës, flakët i afrohen banesave, banorët të frikësuar: Do digjemi
Është përkeqësuar situata në fshatin Bestrovë të Vlorës, ku flakët vijojnë të përhapen me shpejtësi duke iu afruar banesave. Banorët kërkojnë shtim të forcave zjarrfikësve, nga frika se flakët mund t'i djegin banesat.
"Po digjet fshati, mirë pronat që na ikën, por po digjet fshati. Nuk kemi ça bëjmë, jemi me duar lartë, do digjemi dhe vetë. Flakët janë shumë afër banesave. Kemi familjarë që po punojnë për të shuar flakët, kemi frikë do na digjen atje brenda", tha ajo.
-
VIDEO
Pogradec/ 'Ulu të thash', ndalohet furgoni me rreth 40 klandestinë, efektivi me armë në dorë mundohet t'i mbajë në automjet
Rreth 40 kladestinë i kanë 'shpëtuar' nga duart policisë në Pogradec, duke u larguar me vrap në mes të qytetit. Në bazë të informacioneve të marra, patrulla e policisë ndaloi një furgon në mes të qytetit, ku ndodheshin klandestinët, por dështuan t'i kapnin ata. Ndërkohë është identifikuar edhe drejtuesi i furgonit dhe po punohet për kapjen e tij
-
VIDEO
Kabineti ‘Rama 3’ dhe lëvizjet e papritura në PS! Starton sonte në 20:55 emisioni ‘Repolitix’ në Report Tv
Starton sonte sezoni i ri i emisionit politik "Repolitix" në orën 20:55 nën drejtimin e moderatorit Denis Minga. Krijimi i qeverisë së re “Rama 3” dhe zhvillimet brenda PD do të jenë në fokus të puntatës së parë.
Pse kryeministri Rama përzgjodhi këtë kabinet dhe si janë pritur lëvizjet në PS? Çfarë do të bëjë PD me Sali Berishën? Kë do të zgjedhë Lulzim Basha, Sali Berishën apo SHBA? Të gjithë këto përgjigje do i merrni sot në Repolitix në orën 20:55 me një panel të gjerë të ftuarish.
-
VIDEO
Zjarri në fshatin Bestrovë në Vlorë, shpërthen një municion luftarak, FURGONI futet mes flakeve
Flakët që kanë pushtuar fshatin Bestrovë në Vlorë kanë 'zbuluar' edhe në municion të vjetër luftarak, që si pasojë e zjarrit ka shpërthyer. Gazetari i Report Tv, Armand Xhelili raporton se shpërthim ka qenë mjaft i fuqishëm.
-
VIDEO
Përparon frikshëm zjarri në fshatin Bestrovë, rrezikohen një stan dhe një ndërtesë, 16 zjarrfikës në luftë me flakët
Vijon të përparojë frikshëm zjarri në fshatrat Bestrovë e Panaja dhe situata është mjaft kritike. Në fshatin Bestrovë, flakët rrezikojnë një stan si dhe një ndërtesë, ku zjarri është afruar shumë pranë. Forcat zjarrfikëse janë vendosur në aksin e vjetër Vlorë-Fier, për të izoluar flakët. Në terren janë 4 automjete zjarrfikëse dhe 16 efektivë zjarrfikës, por duket se shuarja e flakëve është shumë e vështirë dhe nevojitet ndërhyrja nga ajri.
-
VIDEO
Pas 15 orësh ‘luftë’ me flakët, shuhet zjarri në kompleksin blegtoral në Lezhë, la pas 10 hektarë të djegura
Pas më shumë se 15 orësh “luftë” me flaket është arritur të shuhet plotësisht zjarri i cili përfshiu pasditen e djeshme masivin pyjor në fshatin Pllanë të Lezhës.
Për shuarjen e flakëve të cilat ju afruan banesave, punuan gjatë gjithë natës zjarrfikësit të ndihmuar dhe nga banorë të zonës, ndërsa dëmet e shkaktuara si në kompleksin blegtoral ashtu edhe në masivin pyjor janë të konsiderueshme. Specialisti i Mbrojtjes Civile në Prefekturën e Lezhës Ndrek Mhillaj thotë se flaket u përhapen në një sipërfaqe prej 16 hektarësh.
“Këtë verë kemi pasur shqetësime të mëdha, për sa i përket prezencës së zjarrit në rang qarku. Ashtu siç edhe ju po e monitoroni është edhe ajo e ndodhur mbrëmë në zonën e Pllanës, ku fillimisht zjarri ka rënë në një fermë blegtorale dhe një shtëpi të pabanuar, por më pas mori një dimension të gjerë kë kodrën me pisha dhe në shkurre të ndryshme. Efekti i erës ndihmoi që shpërndarja të jetë e madhe. Shpërndarje ka shkuar rreth 16 hektar por 10 hektar janë të djegura. Masat e marra kanë qenë të menjëhershme, ku në ndërhyrjen për shuarjen e zjarrit dhe mbrojtjen e banesave të fshatin, morën pjesë 4 zjarrfikëse, 2 të Lezhës, 1 të Kurbinit dhe 1 të Mirditës.”, tha ai.
Flaket e zjarrit u shfaqen fillimisht në kompleksin blektoral që ndodhej ngjitur me malin e më pas favorizuar dhe era e fortë u përhapen në të gjithë masivin pyjor me pisha. Ende nuk dihen shkaqet e këtij zjarri, por dyshimet janë për një shkëndije elektrike.
-
VIDEO
Kaosi në Tiranë, Shefi i trafikut për Report Tv: Ka mungesë informacioni dhe sinjalistike te ish-Sheshi Shqiponja! Ja zonat më problematike
Shefi i trafikut urban në Tiranë, Taulant Gjoka ka bërë një panoramim të plotë të gjithë situatës në ish- sheshin "Shqiponja", pas kaosit te krijuar atje pas hapjes së tunelit nr. 5. Në një intervistë për Report Tv Gjoka ka bërë me dije se problem është mosinformimi i qytetarëve por edhe mungusa e sinjalistikës.
"Ka një specifikë te ish-Sheshi Shqiponja. Ajo që ka ndodhur është për shkak të kalimit nga një fazë në një fazë të re gjatë punimeve. Ka pasur një numër drejtuesish mjetesh që kanë pasur mungesë informacioni edhe për shkak të mungesësh së sinjalistikësh. Drejtuesit e mjetit kanë qenë konfuzë, gjë e cila ka shtuar trafikun aty. Kalimi nga një fazë në një tjetër nuk do të thotë lehtësim trafiku pasi duhet koha.
Në hyrje te Sheshi Shqiponja nuk mund ta zgjidhë një punonjës policie përveçse të informojë atë që është konfuz. Ndërhyrja te Rrethi i Ozonit dhe te kryqëzimi i Laprakës është më i volitshëm dhe më efektiv. Është një proces dinamik por ju siguroj se qenia aty është e domosdoshme", tha Gjoka.
Sipas tij si zakonisht nuk është shtatori i parë dhe as i fundit që kryeqytetin e gjen me trafik të rënduar, sidomos në nyjet hyrëse dhe dalëse.
"Policia ka marrë masat me shërbime të shtuara. Sa i përket arsyeve janë disa faktorë kompleks, shtimi i mjeteve në rrugë, punimet në vepra publike apo edhe nisja e shkollave. Kjo përkthehet në trafik të rënduar. Një nga veprat publike është Unaza e Re që është një nga segmentet më të bllokuara, edhe për shkak të mosinformimit që kanë pasur drejtuesit e mjeteve. Shërbimet tona janë në terren për menaxhimin e trafikut. jo gjithmonë burimet tona njerëzore në të terren janë të mjaftueshme. Zonat më problematike të trafikut janë '5 maji', stacioni i trenit, ish-sheshi shqiponja si dhe rrugët ku ndodhen poliklinikat shëndetësore për shkak të vaksinimit", tha ai.
Për Shefin e trafikut urban në Tiranë me përfundimin e punimeve të Unaza e Re sigurisht që do të kemi përmirësime.
"Kujtojmë se edhe pse jemi fillim shtatori një pjesë e mirë e turistëve janë ende në Shqipëri. Ne jemi duke marrë planin e masave. Policia bashkiake të jetë më prezente në akset rrugore për të evidentuar shkeljet, sidomos me parkimet, që krijojnë trafik shumë të rënduar. Trafiku i rënduar është karakteristikë për çdo kryeqytet. E gjithë ajo vepër e madhe te Unaza e Re po bëhet për të ndihmuar trafikun", tha ndër të tjera Taulant Gjoka.
-
VIDEO
Zjarri jashtë kontrollit në fshatin Bestrovë, banorja: U tronditëm, na zuri frika mos na digjen shtëpitë
Një zjarr i përmasave të mëdha ka përfshirë fshatin Bastrovë të Vlorës, ndërsa qytetarët frikësohen se flakët e dala jashtë kontrollit tashmë, mund t'i afrohen banesave. Një banore e fshatit thotë se nuk kanë dijeni nëse zjarri është i qëllimshëm, por shton se shumica e zjarreve në zonë shkaktohen nga dora e njeriut.
"Jemi nga fshati këtu, nga Bestrova, na tronditën nuk e dimë kush e vuri zjarrin. I thash burrit dil shpejtë se na erdhi zjarri në fshat. Më zuri frika se mos na vjen zjarri në shtëpi. Ne nuk dimë gjë, por këtu zjarri po vihet me qëllim", thotë ajo.
-
VIDEO
Edhe sot Tirana e bllokuar nga trafiku, kaos në hyrjen te ish sheshi 'Shqiponja', mjetet bëhen 'lëmsh' nga mungesa e sinjalistikës! Lëvizja në rrugët e qytetit 'mision i pamundur'
Trafiku në Tiranë vijon të jetë një problematikë e theksuar, ku qytetareve u duhen me orë të tëra jo vetëm për të hyrë në kryeqytet, por edhe për të lëvizur brenda tij duke shkaktuar kaos, zhurmë dhe bori pafund nga humbja e durimit duke qëndruar me orë të tera në rrugë. Nga Kthesa e Kamzës në drejtim të zonës së Astirit, qytetarët janë të detyruar të presin me radhë të gjata për të hyrë në drejtim të Tiranës.
-
VIDEO
Kavajë/ Po punonte në ndërtimin e një pallati, bie nga lartësia 55-vjeçari, ndërron jetë
Një 55-vjeçar ka ndërruar jetë mëngjesin e sotëm në Kavajë, pasi ka rënë nga lartësia.
Policia bën me dije se ngjarja u regjistrua rreth orës 08:30, ku 55-vjeçari me inicialet P. Gj., dyshohet se duke punuar në një pallat në ndërtim, ka rënë nga lartësia dhe për pasojë ka humbur jetën.
-
VIDEO
Durrës/ Falsifikonin tamponët COVID për qytetarët që udhëtonin drejt BE, në pranga 5 persona, punonjës të 2 agjencive turistike dhe të një laboratori! 1 i shpallur në kërkim
Dy raste të falsifikimit të tamponëve COVID-19 për të udhëtuar jashtë vendit, janë goditur nga Policia sot në Durrës, ndërsa në pranga kanë rënë 5 persona.
Policia bën me dije se një nga rastet e mashtrimit kryhej nga një agjenci turistike, në bashkëpunim me një laborator për kryerjen e testeve.
-
VIDEO
Zjarr i përmasave të mëdha në fshatin Panaja dhe Bishtan në Vlorë! Pas ‘luftës me flakët’ shuhet një tjetër në kompleksin blegtoral në Lezhë
Mëngjesin e sotëm, fshati Panaja dhe Bishtan në Vlorë, janë zgjuar nën flakët e zjarreve të përmasave të mëdha.
Deri më tani si pasojë e “shpërthimit” të zjarrit, ka pasur vetëm dëme materiale të shumta në zonat e prekura.