• VIDEO

    ‘Delta’ shton infektimet në Lezhë, 800 raste aktive! Fluks në spital, mjeku: Mos neglizhoni simptomat

    Lezha është kthyer në zonë të kuqe duke shënuar rritje të infektimeve me variantin Delta të Covid duke numëruar të paktën 800 qytetarë aktivë. Teksa është shënuar fluks qytetarësh në spitalin rajonal, mjekët apelojnë të mos neglizhohen simptomat e virozave të stinës tek fëmijët

  • VIDEO

    Në fuqi masat e reja, por në të gjithë pikat kufitare testi i shpejtë është monopol i privatit! Më shtrenjtë se në BE e rajon! Pse nuk liberalizohet tregu?!

    Duke filluar nga sot në të gjithë pikat kufitare të vendit kanë hyrë në fuqi masat e reja anti COVID sipas vendimit të Komitetit Teknik të Ekspertëve të marrë më 30 gusht. Një prej kushteve që kërkohet është edhe testi i shpejtë në mungesë të testit PCR.  Kjo ka bërë që në të gjithë  pikat kufitare të vendet të hapen pika testimi për 'rapid test' ku drejtohen me mijëra udhëtarë.  

    Sa i përket Aeroportit të Rinasit nuk ofrohen testet e shpejta, as testi serologjik apo edhe ai i antigjenit por vetëm testet PCR, të cilat bëhen nga një kompani private dhe kushton 35 euro.  Një vëzhgim i Report Tv zbulon se në të gjitha pikat e tjera kufitare çmimet variojnë nga 15 deri në 25 euro dhe realizohen nga disa kompani të caktuara private. Çmimet janë tepër të larta, duke ia kaluar shumë vendeve të Bashkimit Europian që në të shumtën e rasteve i ofrojnë edhe në farmaci teste të tilla apo kanë bërë marrëveshje me kompanitë që çmimi të ketë një limit si në rastin e Italisë kur testi nuk i kalon 15 euro. Pse qeveria shqiptare nuk e bën një marrëveshjet  të tillë me privatët?  Gjithashtu ka vende që testin e shpejtë e ofrojnë edhe falas nga shteti në pikat kufitare.

  • VIDEO

    ‘Për në qendër djathtas, në Astir nga tuneli’, mungon tabela paralajmëruese te ish-Sheshi Shqiponja, kaos dhe trafik, qytetarët: E vështirë të gjejmë rrugën, na çmendën

    TIRANË- Mungesa e sinjalistikës paralajmëruese në hyrje të tuneleve në ish-sheshin ‘Shqiponja’, ka sjellë një kaos në trafik, por edhe duke u shndërruar në një burim aksidentesh. Shoferët që vijnë nga Durrësi e kanë pasur shumë të vështirë që të gjejnë tunelin që duhet të kalojnë për të shkuar në destinacionin e tyre.

    Report Tv me gazetarin Arsen Rusta ka bërë një panoramim të situatës së krijuar në ish- Sheshin ‘Shqiponja’, ku hapja e tunelit numër 5, pak ditë më parë, nuk ka sjellë një lehtësim të trafikut, përkundrazi. Për të shkuar në qendër, qytetarët duhet të kthehen djathtas, e ndërsa për të ikur në ‘Astir’ duhet të kalojnë në tunel, ndërkohë që më parë ka qenë e kundërta. Për këtë ndryshim që është bërë, qytetarët nuk njoftohen me anë të tabelave të paktën 250 metra, siç parashikohet në Kodin Rrugor, por janë të vendosura pikërisht në hyrje të tunelit. Kjo ka bërë që qytetarët të kryejnë manovra të rrezikshme.

  • VIDEO

    Berisha 'non grata', Kadilli: Do ta mbajë fatin e PD të lidhur me të vetin, Basha po e le partinë në udhëkryq të rrezikshëm! Kryesia dhe Grupi Parlamentarë të marrin një vendim

    Ish-anëtari i Kryesisë së PD-së, Fatbardh Kadilli, i ka bërë thirrje Kryesisë dhe Grupit Parlamentar të të djathtëve që të marrin në dorë 'fatet' e partisë dhe të vendosin nëse Berisha do të jetë apo jo pjesë e deputetëve. Ai thotë ish-kreu i kësaj partie kërkon ta lidhë fatin e PD me fatin e tij 'non grata' dhe se heshtja e Bashës po e lë partinë në udhëkryqe të rrezikshme politike.

  • VIDEO

    896 raste të reja me COVID dhe 3 viktima në vend! 132 qytetarë të shtruar në spital, 14 rëndë! Mbi 12 mijë pacientë aktivë

    TIRANË- Tre persona kanë humbur jetën dhe 896 qytetarë kanë rezultuar pozitiv me COVID 19 gjatë 24 orëve të fundit në vendin tonë. Fatkeqësisht nuk mundën të fitonin betejën me COVID një qytetar 49 vjeç nga Elbasani, një qytetar 67 nga Vlora dhe një qytetar 71 vjeç nga Durrësi.

    Sa i përket situatës në spitale, aktualisht po marrin trajtim 132 pacientë, ku 14 janë në gjendje më të rënduar, e ndërsa vetëm një ditë më parë për të përballuar numrin e lartë të të prekurve, u hap edh spitali COVID-3. 

  • VIDEO

    Transportonin dhe strehonin emigrantë, Gjykata jep masat e sigurisë për 5 të arrestuarit, 4 në arrest shtëpie dhe 1 në burg! Po hetohet për trafikim të qytetarëve nga Bangladeshi

     

    TIRANË- Një bazë e trafikimit të emigrantëve është zbuluar 2 ditë më parë në Tiranë ku koka të këtij grupi kriminal, ishin 2 motra, Drita Shehu, 55 vjeçe dhe  Sanije Shehi 64 vjeçe, pronare të hoteleve në zonën e Laprakës. Bashkë me dy dyja të shtunën u arrestuan edhe djali i Drita Shehut, Rigers Vejsiu si dhe Sterjo Gërmenjin, Anamaria Mihallarin.

    Për të pestë të arrestuarit është marrë sot masa e arrestit nga Gjykata e Tiranës. Vetëm Rigers Vejsiu është lënë në burg për shkak se e ka të përsëritur veprën kriminale ndërsa të gjithë të tjerët janë në 'arrest shtëpie'. 

  • VIDEO

    Shtatori më i nxehtë se normalja, meteorologia: Temperatura deri në 30 gradë! Në bregdet problem do të jetë era

    Ky shtator na ka sjellë verë në vjeshtë, ku në ditët e para të muajit, temperaturat kanë shkuar në 30 gradë. Në një lidhje me Skype për 'Report Tv", meteorologia Adiola Bani tha se të njëjtat kushte atmosferike do të jenë prezente në vend përgjatë gjithë kësaj jave.

  • VIDEO

    Alimehmeti: Testi i shpejt në kufi po kthehet në taksë! Grumbullimet të patolerueshme

    Nga sot, (6 shtator),kanë hyrë në fuqi masat e reja anti-COVID në kufi, që kanë shkaktuar edhe një grumbullim të qytetarëve në zonat kur bëhen testet e shpejta. Për epidemiologun, Ilir Alimehmeti, këto grumbullime janë të patolerueshme.

    “Ajo do një organizim më të mirë, nuk është e tolerueshme, duhet marrë masa që të kenë distancë, organizim, të evitohet në ço mënyrë grumbulli, ai është negativ në ato momente, por nëse infektohet aty, do infektojë një tjetër, bëhet thjesht në taks, nuk ka efekt

  • VIDEO

    Alimehmeti: Të vaksinohen edhe gratë shtatzënë pas muajit të tretë! Vaksina nuk ndikon në fertilitet

    Epidemiologu Ilir Alimehmeti ka dhënë një mesazh për skeptikët që refuzojnë të bëjnë vaksinën mbi pasojat që ajo mund të ketë në të ardhmen, Në studion e Report Tv, ai thotë se nga studimet e deri tanishme, nuk ka të dhënë që vaksina shkakton probleme për fertilitetin te gratë dhe burrat, e ndërsa e rekomandon marrjen e vaksinës edhe për gratë shtatzëna, por pas muajit të tretë.

    “Kemi studime mbi Pfizer dhe Astrazeneca nuk kemi risk po t’ia japim grave shtatzënë, nuk ka risk, është studiuar dhe fertiliteti dhe nuk është parë ndonjë problem. Ne e dimë që tre muajt e parë duhet të kemi shumë kujdes, a kemi mundësi ta bëjmë nga muaji 4-5, por nga ana tjetër nëse nuk janë ende shtatzënë, më mirë të vaksinohet tani dhe ta shtyjnë shtatzëninë pas 6 muajsh, se vaksina qëndron 10 orë në trup”, tha Alimehmeti.

  • VIDEO

    Alimehmeti: Testi i shpejt në kufi po kthehet në taksë! Varianti MU i COVID, alarm fals, 98.1% e të prekurve me Delta! 74% e qytetarëve morën antibiotikë para kohe

    Për shkak të rritjes së rasteve të reja, vendi ynë, si edhe disa shtete në botë, kanë shtrënguar masat anti-COVID, por për Alimehmetin, është e gabuar! Kjo sepse sipas tij, në këtë fazë të pandemisë, nuk duhet t’u jepet më rëndësi rasteve të reja, por shtrimeve në spitale që aktualisht në Shqipëri janë në gjendje stabël. Ai këmbëngulë që masat e reja duhet të bazohen mbi shtrimet në spitale dhe jo rastet e reja.

    “Ne shohim qartë që është i njëjti virus, Delta si këtu në rajon dhe nuk duhet të shohim më rastet e reja, të ruajmë infektimet nuk duhet të shihen më, duhet të shohim rastet e rënda, ne këtu kemi më pak të shtruar. Dhe ditën kur të gjithë të jenë të imunizuar, e dimë që grafiku i personave të shtruar duhet të jetë sa më i ulët, pa i dhënë rëndësi rasteve të reja. Masat e reja të bëhen mbi shtrimet në spitale, dhe jo raste të reja, kështu e ka Gjermania, Anglia, Italia” , tha ai.

    Një problematikë është që është hasur jo pak gjatë këtyre muajve, ku vendi ynë është nën “pushtetin” e virusit, është marrja e antibiotikëve nga qytetarët si një masë paraprake. Në studion e Report Tv, Alimehmeti tha se ky vendim sjell më shumë pasoja negative nga sa mund ta mendonim.

    “74% e qytetarëve kanë marrë antibiotik kot, me parimin do i dal para, por kjo ul forcën imunitare, dhe s’po e lë trupin të bëjë luftën që trupi do e bënte natyrshëm, pjesa tjetër i ka pasur të nevojshme”, tha Alimehmeti në Report Tv.

    Në 24 orët e fundit, vendi ynë ka regjistruar 896 raste të reja me COVID dhe 3 viktima në vend! Në total 132 qytetarë të shtruar në spital, 30 prej të cilëve te COVID-3, e ndërsa 14 janë në gjendje të rëndë! 

  • VIDEO

    Në fuqi masat e reja anti-COVID-19 në kufi, situata në Muriqan e qetë! 23 shqiptarë në karantinim, të tjerë iu drejtuan testeve të shpejta

    Në një kohë kur masat e reja anti-COVID kanë hyrë në fuqi dhe po zbatohen në të gjitha pikat kufitare, në Muriqan pavarësisht fluksit të shtuar për shkak të procedurave, situata paraqitet e qetë.

    Kjo, pasi shumica prej 460 qytetarëve që deri më tani kanë kaluar kufirin, prej të cilëve 99 shqiptarë, ishin të pajisur me pasaportën COVID, testin PCR apo vërtetim se kishin kaluar virusin.

    Për të gjithë personat që nuk janë të pajisur me dokumentacionin e nevojshëm anti-COVID për të kaluar kufirin, ka dy zgjidhje.

    E para është të plotësojnë formularin e karantinimit, që zgjatë 10 ditë. Një rregull i cili mund të aplikohet vetëm për shtetasit shqiptarë ose rezidentët në Shqipëri.

    Deri më tani në Muriqan janë plotësuar 23 formularë të tilla.

    Ndërsa zgjedhja e dytë, sipas raportimeve të Gazetarit të Report Tv, Ergys Kavaja, është të bëjnë testin e shpejtë, i cili shpërndahet nga një kopani në afërsi të pikën kufitare shqiptare, në tokën malazeze.

    Megjithëse fluksi është shtuat për shkak të procedurave, situata është në kontroll dhe gjithçka po ecën siç duhet.

  • VIDEO

    Vaksinë, tampon ose test serologjik, 3 kushte të reja në kufi! Radhë kilometrike nga Kosova drejt vendit tonë, dhjetëra të kthyer nga Qafë-Thana! Rinasi vendos karantinim për 20 shqiptarë

    Ditën e sotme Shqipëria vendos kushte anti-COVID në kufi. Këto rregulla të reja janë të vlefshme edhe për ata qytetarë të cilët kalojnë tranzit në Shqipëri. Një nga kushtet që duhen plotësuar janë: të kesh pasaportën e vaksinimit, provë të kalimit të infeksionit Sars-Cov2 ose testin PCR. Në rast të mosplotësimit të asnjërit nga kushtet, qytetarët rezidentë në Shqipëri duhet të vetizolohen për 10 ditë.

Për lajme të tjera kërkoni në arkiv