• VIDEO

    Rama tregon kërkesën që e la pa fjalë të një moshuari nga një fshat i Tiranës

    Kryeministri Edi Rama krah ish-kryeministrit grek, Papandreou ka rrëfyer një histori dhe kërkesën që e ka lënë pa fjalë nga një i moshuar në një nga fshatrat e Tiranës.

    “Po vizitojë një fshat që është përtej malit të Tiranës, që janë praktikisht shumë të keqe, shkova atje, më kërkuan shkollën, kopshtin, urën dhe të gjithë këta burra u çua një i moshuar “shumë mirë që je këtu, hera parë që vjen një kryeministër dhe është normale që t’ju kërkojmë, ti nuk do bësh asgjë se ne jemi shumë larg për të marrë vëmendjen e qeverisë, prandaj unë kam një kërkesë, sillu mësues anglishteje fëmijëve tanë”. Të gjithë nxënësit heshtën. “E shikon këtë malin tha, qyteti është nga ana tjetër, është shumë lart që të ecin atje, por po t’u japim anglishten mund të fluturojnë”. Dhe Ballkani Perëndimor ndihet kështu, që janë një pjesë e izoluar nga pjesa tjetër e botës”, tha Rama.

  • VIDEO

    Rama krah ish-kryeministrit grek Papandreou prezanton 5 prioritetet kyçe në mandatin e tretë: Duam të bëjmë turizëm elitar

     

    Kryeministri Edi Rama ka prezantuar prioritet e qeverisë së tij në mandatin e tretë. Nga energjia, turizmi, bujqësia, infrastruktura dhe teknologjia, këto ishin pikat kyçe që Rama i cilësoi në Athinë.

    “Ne kemi një bazë mjaft të fortë dhe potencial për të ardhme sepse dua të theksoj që jemi tërësisht me energji të rinovueshme, prodhimi energjetik mbështet te energjia hidrike, por punojmë për energjinë diellore dhe të erës, kemi dy zona të mëdha për energjinë diellore që do jenë parqet më të mëdha në Ballkanin Perëndimor, kemi ecur shumë përpara në procesin e parashikimeve të pjesës finale, përfundimtare të prodhimit më të rëndësishëm të energjisw hidrike, praktikisht kjo do të përmbyllë këtë qark sepse do të shërbejë si një ekulibrues i hidrocentraleve që kur të kemi më shumë se sa duhet do të na ndihmojë. Kur kemi reshje të dendura dhe më shumë ujë nga sa mund të përdorim hapim dyert e digave dhe në fakt kjo krijon përmbytje që na shqetëson se ka mijëra hektarë tokë bujqësore që përmbytet dhe shumë dëme që duhen kompensuar e kështu me radhë, por nga ana tjetër kur kemi thatësisë jemi të detyruar që të blejmë në tregje me çmime të larta, kemi potencialisht mundësinë që të bëhemi eksportues neto të energjisë që do të na kursejë shumë para. Në turizëm shohim shumë potencial, e dimë që kjo vjen me shumë rreziqe, po përpiqemi që të mësojmë nga gabimet tona, ne po përpiqemi që ta mbajmë  zhvillimin në kontroll duke inkurajuar gjetjen e zgjidhjeve që janë elitare dhe jo domosdoshmërish të turizmit masiv. Do të kemi 4 porte të rëndësishme.  Bujqësia ka njohur rritje, duam të rritemi edhe më tej, duam të shkojmë mbi 1 mld për eksportet, sa i takon infrastrukturës duhet të ndërtojmë shtyllën kurrizore të vendit, që është korridori blu, kjo është hallka që mungon në korridorin e BE, mes Kroacisë, Malit të Zi dhe Shqipërisë, do hapim tenderin publik, dhe pesta është teknologjia për të pasur një përparim për rritjen sa më shumë të mjediseve që ndihmojnë fëmijët dhe të rinjtë që hyjnë në këtë botë të re, vendosëm që anglishtja të nis që nga klasa e parë, do të nisim që prej këtij viti”, tha Rama.

  • VIDEO

    Rama: Jemi në fazën e fundit të finalizimit të shërbimeve plotësisht online, e rëndësishme të eleminojmë korrupsionin

    Nga simpoziumi  i organizuar nga ish-kryeministri George Papandreou, kryeministri Edi Rama ka deklaruar se jemi në në fazën e fundit të finalizimit të shërbimeve plotësisht online. Kjo është e rëndësishme tha Rama pasi do të eleminojë korrupsionin.

    "Kishim shumë shrëbime online dhe mundësinë për të ndërvepruar me njerëzit. Tashmë jemi në fazën e fundit të finalizimit të ofrimit të shërbimeve plotësisht online për të mos pasur më nevojë për zyrën e shërbimeve. Duam të kalojmë në këtë fazë duke i mbyllur zyrat e shërbimeve.

    Kjo është shumë e rëndësishme që të eleminojmë korrupsionin  e vogël që është shumë shqetësues në vend por besoj edhe në rajon pasi kontakti, drejtpërdrejt me nëpunësit publik do të eleminohet. Jemi këtu, megjithatë thënë këtë sa më shumë të bëjmë në vendet tona në shtetet tona kjo ka kufizimet e veta.

    Nëse duam të hidhemi në një fazë tjetër na duhet bashkëpunimi rajonal, për të rritur kapacitetet e tregjeve tona të jashtme për tu dhënë investuesve mundësinë për të pasur hapësira të mëdha ku ne të mund të kemi mundësi të tepërt.

    Një politikë të përbashkët energjitike që të tregtojmë energjinë krejt ndryshe. Disa vjet më parë, kam parë një guidë të thjeshtë turistike kur turizmi ishte mjaft modest por guida u jepte turistëve një hartë të shtigjeve të mundshme përtej kufijv të vendit duke u thënë se nëse hyjnë në këtë vend mund të kesh mundësinë të shkosh në jug.  Dhënia e kësaj guide në rajonin tonë mund të jetë një aset i fortë", tha Rama.

  • VIDEO

    Si e fitove mandatin e 3-të? Rama: PS parti e ndryshimit, jo pushtetit

    Kryeministri Rama renditi disa nga arsyet se pse PS fitoi mandatin e tretë, pasi u pyet nga Papandreu.Për Ramën arsyet kryesore janë ndryshimi i vazhdueshëm i partisë dhe identifikimi i PS-së si pari e ndryshimit dhe jo e pushtetit. Ndërsa arsyeja tjetër lidhej me progresin që PS i kishte dhënë  vendin gjatë kohës që ishte në pushtet.

    “Jam mjaft i lumtur që pata mundësinë të vij dhe të ndaj me ju disa momente të këndshme., ne fituam mandatin e tretë dhe besoj se mbi të gjitha ja dolëm pasi gjatë gjithë kohës kemi luftuar që të mos bëhemi asnjë herë një parti që identifikohet me pushtetin, por të mbetemi në sytë e njerëzve që partia që identifikohet me ndryshimin. Për ta bërë këtë kemi luftuar gjatë gjithë kohës për të ndryshuar partinë tonë dhe të sjellim njerëz nga fusha të ndryshme të jetës.  Tjera ka të bëjë me atë çfarë kemi bërë dhe mesa duket për njerëzit është e qarte se kjo është rruga drejt progresit dhe puna duhet përfunduar. Ka shumë gjëra që janë më mirë nga sa ishin, por ka gjëra të tjera që duhet të jenë më mirë. Jemi përpjekur të jemi përherë që mjaft të sinqertë me njerëzit dhe ta krahasojmë e atë që kemi bërë me atë çfarë duhet të bëjmë jemi larg. Po ta krahasojmë me atë që gjetëm dhe atë që bëmë, jemi të lumtur për t’u ndjerë të sigurt se kjo është rruga dhe të ecim përpara”, tha Rama.

  • VIDEO

    'Në Shqipëri laboratorë të kokainës për Evropën', eksperti Softa: Droga e kapur të lihej të shkonte në destinacion! Durrësi, nyje strategjike për trafikimin lëndëve narkotike

    Droga që kapet në Durrës duhet të lejohet të shkoj në destinacion pasi kështu zbulohen porositësit e vertëtë të kokainës, thotë për Report Tv eksperti Fatjon Softa. Sipas tij, porti i Durrësit është pikë strategjike kalimi, për shkak të afërsisë me Tiranën, por ai pranon se përformanca e policisë në luftën kundër drogës është rritur

  • VIDEO

    ‘Leku e hedh ujin përpjetë’, zbardhen përgjimet e SPAK që çuan në ‘arrest shtëpie’ ish zv.ministren e Brendshme Rovena Voda! Mori ryshfet 2 mijë euro, një telefon dhe një arkë me peshk

    Zbulimin e korrupsionit nga ana e ish zv.ministres së Brendshme, Rovena Voda, SPAK e ka zbuluar krejt rastësisht gjatë hetimit të një çështje tjetër. Nga përgjimet e SPAK, zbulohet se Voda ka pranuar nga avokatja Florida Beu 2 mijë euro, një telefon dhe një arkë me peshk për punësimin e saj në Ministrinë e Brendshme, por që në fund procedura mbeti në mes. Marrja e eurove dhe të mira materiale janë filmuar, përgjuar dhe fotografuar nga SPAK, ndërsa ato janë marrë në momente të ndryshme dhe jo të gjitha njëherësh.

  • VIDEO

    Vendimi për Nevaldo Hajdarajn, babai i Klodjan Rashës: Kjo nuk është drejtësi, krimineli u vesh me petkun e viktimës

    Babai i Klodjan Rashës, Qazim Rasha, pas vendimit të marrë sot nga gjykata, i emocionuar është shprehur se kjo nuk është drejtësi. Sipas tij gjykimi i shkurtuar u dha me një 'të rënë të lapsit'

    "Ju falënderoj nga zemra për punën e mrekullueshme që keni bërë. Falënderoj nga zemra të gjithë ata që kanë trokitur në shtëpinë time këto 216 ditë. Falënderoj të gjithë ata që dolën në sheshet e Tiranës dhe të gjithë botës për Nevaldon.

    Kjo nuk ishte një vrasje e zakonshme, por një makabritet që e kreu një sekt që çfarëdolloj epiteti mund t;'i vësh vetëm se njeri nuk i thua dot. Ai që ti paguan me taksat e tua vret djalin e ri në mes të natës.

    Ai kreu vrasjen u vesh me petkun e viktimës, kjo nuk mund të quhet drejtësi. Kjo njollë e zezë duhet t'i hiqet jo mua që kam varrosur gjallin por të bëhet shembull që të kenë të gjithë kujdes për të ruajtur fëmijët e tyre.

    Si mund të quhet drejtësi kur gjithçka ishte e qartë dhe duhej bërë shembull. Iu dha me një të rënë të lapsit gjykimi i shkurtuar me një të dhënë të lapsit. Me këtë lloj drejtësie askush nuk e gjen drejtësinë", tha ai.

  • VIDEO

    Vrasja e Klodjan Rashës, Gjykata dënon me 15 vite burg ish-efektivin e 'Shpiponjave' Nevaldo Hajdaraj! Babai i viktimës: Kjo nuk është drejtësi

     

    Gjykata e Tiranës ka dënuar me 15 vite burg Nevaldo Hajdarajn, i cili u shpall sot fajtor për vrasjen e Klodjan Rashës. Ish-efektivi i Shqiponjave do të kryej vetëm 10 vite burg, për shkak se ka përfituar gjykim të shkurtuar duke iu ulur 1/3 e dënimit.

    Gjatë seancës së sotme, avokati i Hajdarajt kërkoi ndryshim të veprës penale, nga vrasje me dashje në "Vrasje në tejkalim të mbrojtjes së nevojshme" si dhe kërkoi që i riu të dënohet në minimum, kërkesë që nuk u pranua. Ndërkohë që vetë Hajdaraj nuk foli gjatë seancës.

  • VIDEO

    Pronarët e lokaleve në Lungomare proteste për masat anti-COVID, paralajmërojnë se do të ulin qepenët: Të vijë Rama të menaxhojë bizneset tona, i japim dyfishin e pagës që ka si kryeministër

    Bizneset në Vlorë kanë dalë  ditën e sotme në një protestë paqësore para drejtorisë së Policisë së Qarkut të Vlorës. Bizneset e Lungomares i kanë paraqitur policisë së qarkut kërkesat e tyre dhe këto kërkesa duan t’ja transmetojnë institucioneve vendore si dhe qeverisë së vendit.

    Bizneset e Lungomares kërkojnë hapjen e orarit zyrtar pas orës 24:00 ku tashmë e ka hapur edhe Kosova si dhe kërkojnë që të shtyhet orari i muzikës përtej orës 22:00 që sipas tyre i dëmton biznesin, ndërsa thonë se policia zbaton ligjin në mënyrë selektive.

  • VIDEO

    Rama në Athinë, në edicionin e 23-të 'Symi Symposium', marrin pjesë personalitete të njohura të politikës

    Kryeministri Edi Rama ndodhet në Athinë në edicionin e 23-të “Symi Symposium”, organizuar e drejtuar nga ish-kryeministri George Papandreou dhe me pjesëmarrje personalitetesh të njohura të politikës, ekonomisë e botës akademike ndërkombëtare, mbi sfidat dhe projektet e post-pandemisë

  • VIDEO

    Tërmeti dhe pandemia, psikiatria Reli: Jemi në një stres pas traume

  • VIDEO

    Arrestimi i mjekëve në QSUT, Dollenberg nga Gjermania: Mënyra sesi po trajtohen bluzat e bardha në Shqipëri është e gabuar

    Arrestimi i mjekëve në QSUT për korrupsion ka revoltuar bluzat e bardha të cilat protestuan në lidhje me këtë vendim. Në një lidhje telefonike për Report Tv, mjekja shqiptare nga Gjermania Aurora Meta Dollenberg u shpreh se mënyra sesi po trajtohen mjekët është e gabuar.

Për lajme të tjera kërkoni në arkiv