• VIDEO

    Ambicia tek fëmijët, a duhet t’ia kultivojmë që në fëmijëri?

    Shumë ekspertë të psikologjisë mendojnë, se rol vendimtarë për formimin e cilësive të personalitetit luajnë kushtet e jetës familjare në ditët e para të fëmijërisë. Studimet kanë treguar, se kushti më i  mirë për zhvillimin e personalitetit të pjekur dhe të shëndosh, është qëndrimi i përzemërt dhe i ngrohët i prindërve, por edhe njëfarë rigoroziteti në evitimin e pasojave të pakënaqshme të reaksioneve tek fëmijët.

    Duke qenë se rëndësia për t’I mësuar fëmijëve që në moshë të hershme se si të sillen në mënyrë që të krijojnë personalitetin e tyre në mënyrën më të mirë të mundshme I vendos prindërit përpara shumë dilemave.

    Ambicia është një karakteristikë e mirë për personalitetin e cdo të rrituri kur ajo është në masën e duhur. Por në rastin e fëmijëve kjo shpesh here vendoset në pikëpyetje

    A duhet një prind t’i kultivojë fëmijës ambicien që në moshë të hershme? Si do të ndikojë kjo në personalitetine e fëmijës dhe në karakterin e tij? A do jetë një arritje pozitive apo mund të kthehet në një anë negative nëse nuk arrijmë që t’ia kultivojmë si duhet atë duke I dhënë të kundërtën

    Studime të ndryshme shpjegojnë se rëndësia e të krijuarit zakone që në fëmijëri është një tregues I asaj cka do te jemi kur te rritemi. Në një intervistë në emisionin Rreze Dielli disktuan mbi këtë temë aktivistja Edlira Cepani, avokatja Dorina Prethi dhe psikologia Lorela Garuli.

     

  • VIDEO

    Gatime nga zonja Albana, qofte tradicionale me lakër dhe salcë majonezi

    Qofte tradicionale me lakër dhe salcë majonezi

    Përbërësit:

    500 gr lakër e bardhë

    2 qepë të thata

    2 thelpinj hudhër

    20 ml vaj

    2 vezë

    3 lgj miell

    1 lç piper i kuq

    1 lç piper i zi

    1 lç kripë

    Vaj për skuqje

     

    Për salcën:

    150 gr kos

    2 lgj majonezë

    80 gr misër të zier

    1 tufëz koper

    Përgatitja:

    Lakrën e presim hollë dhe e vendosim të ziejë për pak minuta.

    Kaurdisim qepën me hudhrat dhe më pas e bashkojmë me lakrën, të cilën e kemi shtrydhur me duar. Shtojmë vezët, miellin, kripën, piperin e zi dhe piperin e kuq. E trazojmë mirë brumin dhe përgatisim qofte të madhësisë që dëshirojmë.

    Hedhim vaj vegjetal në një tigan dhe sapo të nxehet vaji, vendosim qoftet e lakrës të skuqen nga të dy anët. Më pas i vendosim në një pjatancë, ku kemi shtruar një letër kuzhine për të përthithur vajin e tepërt.

    Trazojmë kosin me majonezë, misra të zier, kopër të grirë dhe pak kripë dhe servirim qoftet e lakrës duke i shoqëruar me salcën e përgatitur.

     

  • VIDEO

    Gatime nga zonja Albana, petulla me tre përbërës

    PANCAKE TE THJESHTE

    1 vezë

    2 gota qumësht

    1 gotë ujë

    1 lç kripë

    1/2 lugë sheqer

    3 lgj vaj

    2.5 filxhan çaji miell

    Vaj vegjetal

    Koper

    Rrahim vezën duke shtuar qumësht, ujë, kripë, sheqer dhe vaj. Hedhim më pas gradualisht miellin duke e rrahur që të mos kokrrizohet. Në fund shtojmë koper të grirë imët.

    Vendosim tiganin në zjarr, e lyejmë me pak vaj dhe më pas e fshijmë vajin me një pecetë të vogël. Hedhim masën e brumit dhe e skuqim për 1-2 minuta nga njëra anë dhe për 1 nga ana tjetër.

    Mund t’i servirim kështu të thjeshta ose mund të vendosim dhe një vezë me koper të freskët gjatë skuqjes.

     

  • VIDEO

    Si të përdorim kungujt në dekorimet e shtëpisë për stinën e vjeshtës

    Elona Sekja, blogere për arredimin e shtëpise solli në “Rreze Dielli” në mënyrë për të arreduar shtëpinë përmes kungujve të stinës.

  • VIDEO

    'Shtypi i Ditës dhe Ju' me Andi Kapxhiun, ja çfarë shkruajnë gazetat sot e mërkurë 6 tetor 2021.

    Titujt e gazetave për sot, nga prapaskenat e largimit të Ardi Veliut te eh, bre shoki Salih e deri tek Gjimshiti ëndërron Botërorin me Shqipërinë.

  • VIDEO

    Ardi Veliu, dha dorëheqjen apo u shkarkua nga Rama ?

     

    Emisioni Repolitix trajtoi aktualitetin pas dorëheqjes së Ardi Veliut nga posti i drejtorit të Policisë së Shtetit. Dha dorëheqjen apo u shkarkua nga kryeministri Rama? Arsyet e largimit të Ardi Veliut dhe kush do të jetë pasuesi i tij? Të ftuar në studio Arben Meçaj, Ervin Karamuça, Plator Nesturi dhe gazetari Sokol Bregu.

  • VIDEO

    Dorëheqja e Veliut, eksperti i kriminalistikës në ‘Repolitix’: E shkarkuan! Opinionisti Meçaj: Largimi s’lidhet me performancën e tij, por me raportin me opozitën

    TIRANË- Largimi i Ardi Veliut nga posti i Drejtorit të Përgjithshëm në Policinë e Shtetit, për ekspertin e kriminalistikës, Ervin Karamuça por edhe për gazetarin Sokol Bregu është shkarkim nda detyra dhe jo dorëheqje siç u paraqit nga qeveria. Të ftuar në emisionin "Repolitix" në Report Tv, Karamuça tha se ka qenë shkarkim, dhe se 'letra e dorëheqjes ka qenë në sirtar ku është nxjerrë për ta bërë sa më të butë ikjen e tij". Edhe për gazetarin Sokol Bregu, Ardi Veliu është shkarkuar duke thënë se " jam bindur që Veliu nuk e dinte që sot nuk do të ishte më në detyrë".

  • VIDEO

    “Djalin ma vranë,nusja u‘arratis’me mbesat”/Mirditori konfliktin me fisin Kaca

    Preng Mena, ky 70-vjeçar nga Fani i Mirditës, ishte sot në studion e “Pa Gjurmë” për t’i kërkuar ndihmë shtetit të zbardhë një orë e më parë vrasjen e djalit të tij Ylli Mena, si dhe për t’i bërë thirrje ish-nuses së djalit, Shpresës, që të mundësojë takimin e tre vajzave me gjyshin e tyre dhe gjyshen, Mrikën. Ylli Menën e përplasi me makinë kunati i tij Albert Kaca, i cili ndodhet në arrati. Të moshuarit Preng dhe Mrikë Mena nuk kanë pasur konflikte me familjen Kaca, por bëjnë fajtor Albertin, për të cilin thonë se e ka shtypur me dashje djalin e tyre, duke i marrë jetën. “Ish-krushku ka vdekur, e kam pasur mik. As për krushkën s’kam vërejtje, as për Shpresën. Djali i dytë i tyre, ky s’është burrë! Të vrasi babain e tre vajzave…. Ishte plan i kurdisur i Albertit. Divorci I Yllit dhe Shpresës ndodhi në 2018, ngjarja ndodhi në 2019. Pas ndarjes i takova gocat, më tha Shpresa “nuk t’i jap fëmijët, vetëm të atit ia jap”. Kishte 15 vite martesë Ylli me Shpresën. Në 21 shtator ndodhi ngjarja”, tregon 70-vjeçari, i cili nga dhimbja dhe sikleti kullonte në djersë. Prenga e kujton me lot në sy atë ditë të errët për të dhe gjithë familjen Mena, pasi iu largua nga kjo jetë djali i tyre i vetëm, duke lënë pas tre vajza jetime, të cilat Shpresa nuk i mori në ceremoninë mortore të Yllit. “Në 21 shtator i thashë djalit “mos shko te Andoni”! “Mirë”, - më tha, “nuk shkoj”. Pastaj më mori në telefon më tha, “po shkoj se ka një darkë qejfi dhe më pret”. Të nesërmen në 8 në mëngjes dola nga shtëpia, më tha jam te Andoni për kafe. Në 8:20 ka ndodhur ngjarja në 8:25 më merr më telefon një mik. “Djalin ta kanë shtypur dhe ata ikën nuk dihet se ku janë”. Me këtë makinë ishte Berti. Makina kishte 4 veta brenda. Në 8:30 ka shkuar policia në vendngjarje. Prokuroria ka shkuar në 9:40 kur djali kishte mbaruar. Vajta në Spitalin Ushtarak dhe aty m’u prenë këmbët. Pasi e shtypën djalin, të gjithë dolën nga ana e timonit se ishte makinë me tek derë. Kanë shkuar dhe i kanë rënë djalit me shkelma e me leva. S’janë burra ata, janë morracakë. Gjykata i ka dhënë “arrest me burg” Albertit, ky bredh i lirë nëpër Shqipëri”, u shpreh zoti Mena. Në një farë mënyre Prenga e ka pranuar tani largimin nga kjo jetë të djalit të tij, por së bashku me bashkëshorten, Mrikën, kërkojnë të shohin mbesat e tyre, Sarën, Evën dhe Kristelën, malli për të cilat po i plogështon çdo ditë e më shumë.

  • VIDEO

    Dënohet për vrasje,zhduket lezhiani/Babai i viktimës: Ish-kunati e vrau

    Preng Mena, ky 70-vjeçar nga Fani i Mirditës, ishte sot në studion e “Pa Gjurmë” për t’i kërkuar ndihmë shtetit të zbardhë një orë e më parë vrasjen e djalit të tij Ylli Mena, si dhe për t’i bërë thirrje ish-nuses së djalit, Shpresës, që të mundësojë takimin e tre vajzave me gjyshin e tyre dhe gjyshen, Mrikën. Ylli Menën e përplasi me makinë kunati i tij Albert Kaca, i cili ndodhet në arrati. Të moshuarit Preng dhe Mrikë Mena nuk kanë pasur konflikte me familjen Kaca, por bëjnë fajtor Albertin, për të cilin thonë se e ka shtypur me dashje djalin e tyre, duke i marrë jetën. “Ish-krushku ka vdekur, e kam pasur mik. As për krushkën s’kam vërejtje, as për Shpresën. Djali i dytë i tyre, ky s’është burrë! Të vrasi babain e tre vajzave…. Ishte plan i kurdisur i Albertit. Divorci I Yllit dhe Shpresës ndodhi në 2018, ngjarja ndodhi në 2019. Pas ndarjes i takova gocat, më tha Shpresa “nuk t’i jap fëmijët, vetëm të atit ia jap”. Kishte 15 vite martesë Ylli me Shpresën. Në 21 shtator ndodhi ngjarja”, tregon 70-vjeçari, i cili nga dhimbja dhe sikleti kullonte në djersë. Prenga e kujton me lot në sy atë ditë të errët për të dhe gjithë familjen Mena, pasi iu largua nga kjo jetë djali i tyre i vetëm, duke lënë pas tre vajza jetime, të cilat Shpresa nuk i mori në ceremoninë mortore të Yllit. “Në 21 shtator i thashë djalit “mos shko te Andoni”! “Mirë”, - më tha, “nuk shkoj”. Pastaj më mori në telefon më tha, “po shkoj se ka një darkë qejfi dhe më pret”. Të nesërmen në 8 në mëngjes dola nga shtëpia, më tha jam te Andoni për kafe. Në 8:20 ka ndodhur ngjarja në 8:25 më merr më telefon një mik. “Djalin ta kanë shtypur dhe ata ikën nuk dihet se ku janë”. Me këtë makinë ishte Berti. Makina kishte 4 veta brenda. Në 8:30 ka shkuar policia në vendngjarje. Prokuroria ka shkuar në 9:40 kur djali kishte mbaruar. Vajta në Spitalin Ushtarak dhe aty m’u prenë këmbët. Pasi e shtypën djalin, të gjithë dolën nga ana e timonit se ishte makinë me tek derë. Kanë shkuar dhe i kanë rënë djalit me shkelma e me leva. S’janë burra ata, janë morracakë. Gjykata i ka dhënë “arrest me burg” Albertit, ky bredh i lirë nëpër Shqipëri”, u shpreh zoti Mena. Në një farë mënyre Prenga e ka pranuar tani largimin nga kjo jetë të djalit të tij, por së bashku me bashkëshorten, Mrikën, kërkojnë të shohin mbesat e tyre, Sarën, Evën dhe Kristelën, malli për të cilat po i plogështon çdo ditë e më shumë. “Çfarë ndodhi ndodhi, por tre vajzat që unë dua t’i takoj? Na ka marrë malli për to, edhe bashkëshortja ime nuk është mirë nga ana shëndetësore dhe nervore, kërkon mbesat. U bënë 4-5 seanca për pajtim të Yllit dhe Shpresës, por jo. Alberti nuk i linte vajzat e Shpresës të takonin Yllin. Pas ngjarjes nuk i kam takuar mbesat, në varrim s’i sollën, në dhjetor ato ikën. Vajza e vogël nuk e di që i ka vdekur babai. Në studio me anë të një lidhje skype ishte i pranishëm dhe Aleksandër Ndrejaj, avokati i Albert Kacës, i cili tha se ngjarja ka ndodhur aksidentalisht dhe jo qëllimisht. Ai pretendoi se Albert Kaca është penduar që është larguar nga vendngjarja pas aksidentit, madje ai i ka treguar më shumë detaje rreth ngjarjes, kur e ka takuar vetë në Durrës, ndërkohë që policia e kërkon në të gjithë Shqipërinë. Avokati: Jemi në fazën e gjykimit. Çështja e Albert Kacës është në fazën e gjykimit paraprak, i shpreh ngushëllimet familjes së Preng Menës. Preng Mena ka dhënë alibitë e tij. Nuk është vrasje me paramendim siç pretendon organi i akuzës. Për këtë vepër është dënuar sipas ligjit. Gjykata në fillim ka dhënë “arrest me burg në mungesë”. Ai nuk është larguar me dashje, madje i ka dhënë ndihmën e parë Yllit dhe e ka vendosur në anë të rrugës. Po ai është larguar, por e kanë detyruar rrethanat. Kam pasur kontakte me të. Në shtator në 2021 bëmë një prokurë që unë ta përfaqësoj si avokat dhe e takova në Durrës ku më tregoi ngjarjen siç ka qenë, sipas tij. Odeta Dume: Prenga thotë se kanë pasur konflikte më herët, Ylli me Albertin. Ai është dënuar dhe I është dhënë masa “arrest me burg”, atëherë pse nuk arrestohet? Pse lëviz lirshëm? Avokati: Alberti nuk më ka thënë se ka pasur konflikte me Yllin. Nuk mendoj se një shtetas në kërkim lëviz lirshëm. Ai është penduar që ka ikur nga vendi i ngjarjes. Është një rastësi e momentit aksidenti, nuk ishte me paramendim. Ai ishte nisur për në punë dhe po kërkonte ustallarët. Donte të nxirrte telefonin nga çanta dhe çanta i ka rënë te këmbët. Aty pastaj ka ndodhur akaidentalisht gjithçka, madje ekspertiza vërteton se ka bërë dhe një manovër për t’i shpëtuar goditjes së Yllit. Odeta Dume: Pse i fshihet drejtësisë dhe duam të dimë ju si avokat keni folur me të kur e keni takuar se Preng dhe Mrikë Mena duan të takojnë mbesat e tyre?

  • VIDEO

    'Black out' i rrjeteve sociale/ Psikologia për Report Tv: Vërtetoi se jemi të varur nga teknologjia! Fotografja: Kisha stres si do promovoja punën! Eksperti: S'na janë vjedhur të dhënat

    Mosfunksionimi i rrjeteve sociale ditën e djeshme për 6 orë mund të shihet si një eksperiment social global, se sa të varur janë njerëzit në ditët e sotme nga teknologjia. Mes territ informativ se çfarë po ndodhte, askush nuk e mohon dot, se përgjatë atyre orëve, gjithsecili prej nesh i ka kontrolluar herë pas here, Facebook, ëhatsApp apo Instagram, nëse janë rregulluar apo jo.  Report Tv është ndalur të pyesë edhe qytetarët se si e përjetuan, ku ishin të ndarë në mendimet e tyre. Disa prej qytetarëve e kanë parë në një aspekt pozitiv, e ndërsa disa të tjerë si "katastrofë".

  • VIDEO

    Kush janë më të lumtur beqarët apo të martuarit?Ja çfarë thonë studimet e fundit

    Të martuar apo beqarë është një ndër debatet më të shpeshta që ndodh jo vetëm në shoqërinë tonë por kudo në botë. Ndërsa martesa shpesh konsiderohet si një hap shumë i rëndësishëm në jetën e gjithkujt. Pjesa më e madhe duke u përpjekur të shmangin përgjegjësit zgjedhin të mos martohen dhe të shijojnë jetën beqarë.

    Kampe nga të dyja anët tregojnë të mirat e të qënit beqarë ose të martuar.

    Studimet psikologjike e sociale tregojnë se njerëzit e martuar janë mesatarisht më të lumtur se beqarët apo të divorcuarit.

    Por kjo nuk do të thotë se automatikisht në të gjitha rastet dhe vetvetiu martesa sjell lumturinë.

    Edhe sociologu gëzim Tushi nëpërmjet një statusi në rrjetet sociale shprehet se  Mund të jete e kunderta me e vertete…Lumturia ka mundesi te shkaktoje martesen….

    Në një intervistë në emisionin “Rreze Dielli” diskutuan mbi këtë temë sociologu Gëzim Tushi, publicistja Raina Kovaçi dhe psikologia Lenida Halilaj.

     

  • VIDEO

    Gatime nga zonja Albana, Sallatë detox me pak përbërës

    Sallatë detox me pak përbërës

    Përbërësit:

    1 panxhar

    1 karrotë

    3 thelpinj hudhër

    1 limon

    2 lgj arra

    Vaj ulliri

    Kripë, piper

    Koper ose bishta qepe

    Përgatitja:

    Fillimisht vendosim panxharin të ziejë dhe më pas e grijmë në rende. Grijmë

    gjithashtu në rende dhe karrotën. Trazojmë lëngun e limonit me vaj ulliri, kripë, piper, hudhër. Marinojmë panxharin dhe karrotat. Në fund shtojmë arrat e grira dhe e vendosim sallatën në frigorifer për 15 minuta.

    Në momentin e servirjes e dekorojmë sallatën me koper ose bishta qepësh të njoma.

Për lajme të tjera kërkoni në arkiv