Bota

Pa pasur drejtues, me 4 lokomotiva dhe 268 vagonë të transportuar një tren mallrash i ngarkuar me xehoror hekuri, ka përshkuar këtë herë një gjatësi prej 92 km në Australinë Perëndimore.

Presidenti i Këshillit Evropian, Donald Tusk ka dëshmuar këtë të hënë para një komisioni hetimor parlamentar në Varshavë, të Polonisë. Komisioni hetimor në Poloni po heton një skemë piramidale që mashtroi mijëra polakë nga kursimet e tyre gjatë kohës që Tusk ka qenë kryeministër i Polonisë.

Irani do t'i kundërvihet sanksioneve të rivendosura nga Shtetet e Bashkuara të Amerikës, pasi sipas presidentit Hassan Rouhan, ato po synojnë rrënimin e ekonomisë së vendit.

Salah dhe Abdullah Khashoggi janë dy djemtë e gazetarit të vrarë në Konsullatën saudite në Stamboll. Djemtë e gazetarit të vrarë kanë dhënë intervistën e parë pas ngjarjes, nga ku kanë bërë thirrje për gjetjen e trupit të babait të tyre. Ndër të tjera, kanë deklaruar se që pas vrasjes së babait të tyre, po kalojnë një gjendje ankthi dhe pasigurie. 

Një ndërtesë është shembur në Marsejë të Francës. Sipas zjarrfikësve, një ndërtesë tjetër fqinje është gjithashtu në gjendje shumë të keqe dhe gati për t’u rrëzuar.

Prokurori i anti-mafias në një prononcim për Euronews ka përcaktuar mënyrën se si lëviz në Europë "Ndragheta". Grupi, i cili e ka bazën në rajonin jugperëndimor të Kalabrisë, u bë pjesë e titujve kryesorë të lajmeve, pasi një gjykatë në Reggio Emilia dha plot 118 masa, që arrijnë në mbi 1200 vjet burg në total.

Nuk duhet të merret seriozisht si  "libri më me ndikim" në botë i shkruar nga një akademik, apo si punë e përkushtuar e bërë ndër vite e një shkrimtari të shquar. Duke ditur se në botë ka lexues me shije të ndryshme, është mjaft vështirë të bësh qoftë edhe një seleksion apo strukturim për të rekomanduar librat, që i duhen audiencës së lexuesve të orientuar në kulturën e të lexuarit.

Revista e specializuar "Acta Palaeontologica Polonica" ka botuar zbulimin më të fundit në tokën argjentinase, gjetjen e eshtrave të një specieje të panjohur dinosauri.

Pas vendimit të marrë së fundi nga kryeministri Edi Rama, se me datë 1 dhjetor do të mbyllen të gjitha pikat e basteve dhe të lojrave të fatit në vend, duket se 'lufta'' ndaj varësisë së bixhozit është shtrirë përtej kufijve. Media britanike "Sky" ka vendosur që të kufizojë maksimalisht reklamat e lojërave të fatit. Një ndërmarrje e tillë do të aplikohet edhe nga kanalet e tjera që do të blejnë të drejtat e transmetimit të sinjaleve të eventeve sportive të prodhuara nga "Sky".

Një aksident me përmasa tragjike ka ndodhur në Kinë, ku raportohen 15 të vdekur dhe 44 të plagosur.

Dhjetë persona kanë humbur jetën dhe dy të tjerë rezultojnë të zhdukur pas përmbytjes së një banese në Palermo. Sipas mediave italiane, në banesë ka pasur miq dhe të afërm që kishin vendosur të kalonin mbrëmjen së bashku. 

Pas një jave përmbytjesh nga moti i keq në Itali numri i viktimave shkon në 17 të vdekur, ka bërë të ditur Agjencia Italiane për Mbrojtje Civile.

Në Afganistan një ushtar i ushtrisë amerikane është vrarë gjatë një sulmi të brendshëm në Kabul. Lajmi bëhet i ditur nga ushtria amerikane më 3 nëntor.

Presidenti turk, Recep Tayyip Erdogan ka bërë të ditur ditën e djeshme se planifikon të takohet me homologët e tij amerikan dhe rus, Donald Trump dhe Vladimir Putin, gjatë një vizite që do të zhvillojë këtë muaj në Paris.

Dy motrat u panë për herë të fundit në Fairfax, më 24 gusht, ndërkohë që trupat e tyre u zbuluan më 24 tetor në Manhatan.

Kur kanë mbetur 72 orë nga dita e zgjedhjeve për Kongresin amerikan Presidenti i Shteteve të Bashkuara Donald Trump bëri të premten deklaratat  e fundit në West Virgjinia për republikanët që garojnë në zgjedhjet e mesmandatit. Duke dalë hapur kundër kundërshtarit Obama, ai ka folur kundër ideve të paraardhesit për çështjen e emigracionit. 

Trump ka thënë se në samitin e G20 që do të zhvillohet në Argjentinë priten diskutime të tjera dhe se Kina është shumë e interesuar për një marrëveshje me SHBA.

Me një vështrim të përhumbur në sytë e saj Amal Hussain, një vajzë 7 vjeçare, fotografia e së cilës e shtrirë në heshtje në një shtrat spitalor në Jemenin e veriut, tërhoqi dhe preku vëmendjen e të gjithë botës, duke u bërë fytyra e krizës humanitare në botë ka ndërruar jetë.

Një 13-vjeçare në Bari është shpëtuar nga policia. Adoleshentja kishte arritur në nivelet e vetëvrasjes në lojën “Balena Blu”.