Sociale

Sindikata e zjarrfikësve protestoi para kryeministrisë dhe marshoi paqësisht drejt parlamentit për të kërkuar vlerësimin me pagë më të lartë të punonjësve. Sindikata denoncoi se shumica e zjarrfikësve nuk I kanë marrë shpërblimet për orët e punës gjatë natës, ndërsa pagesa që marrin, thonë se është e pamjaftueshme.

Qarkullimi i masave ajrore nga verilindja e Europës do të diktojë kushtet e motit edhe në vendin tonë ku kthjellimet dhe vranësirat do të jenë prezente në pjesën më të madhe të vendit, më të dendura në veri dhe verilindje duke rrezikuar reshje të izoluara dëbore. Orët vijuese përmirësojnë dukshëm motin duke ri-sjellë kthjellimet dhe të ftohtin në të gjithë territorin e vendit.

Qytetarët po përballen me vonesa të shumta dhe tejmbushje të autobusëve për shkak të reduktimit të flotës së transportit urban në Tiranë. Kushtet e pazakonta po i vuajnë fatorinot, të cilët thotë se menaxhimi i situatës është i pamundur.

Bashkia e Tiranës ka nisur disbursimin e subvencionit për transportin publik në kryeqytet. Për muajin Janar 2022, shoqatat e transportit marrin në total 120 mijë euro, ndërkohë që pagesat do të bëhen çdo muaj në bazë të skemës së subvencionimit. Shuma totale e subvencionit e miratuar nga Bashkia e Tiranës si paketë ndihmë për operatorët e transportit publik është 1 milionë euro.

Landi Shehu, 44-vjeçari nga Tepelena ishte pak ditë më parë në studion e emisionit ’Pa Gjurmë’ në Report TV, nga ku akuzoi bashkëshorten se është e përfshirë në një rrjet prostitucioni në Belgjikë. Ai kërkon të dijë ku ndodhet pasi ka humbur kontaktet në dhjetor të 2021. Puntatën e kësaj të marte, 26-vjeçarja pranoi të fliste live për programin e indinjuar dhe e prekur nga akuzat e burrit, me të cilin i ka dhënë fund martesës 5-vjeçare. Gjatë një komunikimi me moderatoren Odeta Dume, ajo pranoi se punon si punonjëse seksi, ndërsa i ftuar në studio i irrituar ish-burri i kërkoi llogari edhe për paratë që kishte fituar nga ushtrimi i prostitucionit.

U gjet gjatë transmetimit live në emisionin ’Pa Gjurmë’ në Report TV, më 30 prill të vitit 2021, por Bledar Salinja ka humbur gjurmët për herë të dytë. Njëjtë si një vit më parë, ai është larguar nga shtëpia më 28 janar nga Bistrovica e Dimalit, ku jetonte i vetëm. Pasi fqinjët nuk e kanë parë më 48-vjeçarin në fshat, ata kanë njoftuar ish-bashkëshorten e tij.

3 orë protesta paqësore në Tiranë kundër rritjes së çmimit të naftës por edhe produkteve të shportës. Ishim me qindra qytetarët që u mblodhën fillimisht para Kryeministrisë ku mbajnë fjalën e tyre shumë aktivistë dhe qytetarë të thjeshtë që i kërkuan qeverisë që të dëgjojë zërin e tyre dhe të ndërhyjë për të ndalur çmimet abuzuese që po rëndojnë xhepat e të gjithë shqiptarëve.

Nga

Armand Xhelili

Një çift i ri francez bashkë me dy fëmijët po i bien botës rreth e qark me biçikleta. Janë nisur nga Franca dhe planifikojnë të mbërrijnë në muajin gusht në Azerbajxhan. Gazetari i Report Tv, Armand Xhelili i takoi në Vlorë dhe na sjell historinë e tyre të pazakontë.

Shtrenjtimi i jetesës ka nxjerrë qytetarët dhe aktivistët e shoqërisë civile në qytetin e Shkodrës në protestë. Për gati 5 minuta, ato kanë bllokuar Urën e Bahçellëkut kundër rritjes së çmimit të karburantit si edhe të ushqimeve, që ditëve të fundit kanë arritur kulmin.

Kryetari i Bashkisë së Tiranës, Erion Veliaj mirëpriti në një takim Sekretarin e Përgjithshëm të Ministrisë së Jashtme të Katarit, Dr. Ahmad Hassen Al-Hammadi. Duke i shprehur mirënjohjen në emër të qytetarëve të Tiranës për ndihmën e dhënë Shqipërisë pas tërmetit tragjik të 26 Nëntorit 2019.

Lirimi i brezit frekuencor 700MHz, i njohur si DD2, kërkon angazhimin e të gjithë aktorëve institucionalë dhe privatë të përfshirë në këtë proces me qëllim finalizimin e tij brenda afateve të rekomanduara në aktet ligjore kombëtare dhe ndërkombëtare.

Pasi kanë kaluar gati më shumë se 2 vite teksa vendi ka qenë i mbërthyer nga pandemia e COVID-19 e ku tashmë rreziku pothuajse ka kaluar, ministria e Shëndetësisë ka bërë edhe një bilanc për punën e bërë. Ministrja Ogerta Manastirliu ka listuar një e nga një të gjitha punët, e ndërmarra në përballimin e kësaj lufte "me virusin e padukshëm".