Sport

AZ Alkmaar fitoi mbrëmjen e djeshme 1-0 ndaj Legias së Varshavës në ndeshjen e fazës së grupeve në Conference League, megjithëse ishin ngjarjet pas ndeshjes që bënë xhiron e medieve.

AEK-u i Athinës dhe Ajax-i barazuan 1-1 në Greqi për raundin e dytë në grupet e Europa League. Në stadiumin "Nea Philahelphia", tifozët e AEK-ut shpalosën një benderolë me mbishkrimin "Kosova është Shqipëri".

Vllaznia dhe Tirana luajnë nesër në 14:00 për javën e tetë në Superligë. Dueli nga "Loro Boriçi" është spostuar në stadiumin e Kukësit, kjo për shkak se në Shkodër kanë mbjellë barin e ri të fushës.

Trajneri i Kombëtares, Sylvinho do shpallë sot në 12:00 listën e lojtarëve të ftuar për ndeshjen kualifikuese të Euro 2024 me Çekinë e cila luhet më 12 tetor në Tiranë dhe për miqësoren e 17 tetorit po në "Air Albania" me Bullgarinë.

Ernest Muçi është duke kaluar një formë fantastike te Legia e Varshavës. Tanimë bëhet me dije se është klubi i Monacos në Francë ai që dëshiron sulmuesin, duke ofruar deri në 15 milionë euro për kartonin e tij.

Komisioni i Disiplinës pranë Federatës Shqiptare të Futbollit ka dalë me vendimet në bazë të javës së fundit të aktivitetit. Skënderbeu, Partizani, Kukësi dhe Tirana janë gjobitur secila me 50 mijë lekë (të rinj) për hedhjen e sendeve të forta në fushë nga tifozët.

Europa League luajti raundin e dytë të ndeshjeve në grupe. Duke nisur nga 18:45, Atalanta fitoi 1-2 me Sportingun në Lisbonë, ndërsa Berat Gjimshiti la fushën i dëmtuar. AEK-u barazoi 1-1 me Ajax-in në Athinë, ndërsa Olympiacos barazoi 2-2 në udhëtim me Backa Topola në Serbi.

Conference League zhvilloi ndeshjet e dyta të grupeve. Këtë të enjte me fillim në 18:45, Ballkani i Ilir Dajës fitoi 2-0 kundër gjigantëve të Dinamo Zagreb për grupin C. Në Stamboll, Besiktasi u befasua nga Lugano, me zviceranët që përmbysën 2-3 skuadrën e Milot Rashicës.

Egnatia dhe Dinamo luajnë nesër në 14:00 për javën e tetë në Superligë. Dueli zhvillohet në "Arena Egnatia" të Rrogozhinës, me Blutë që kanë përballë ekipin kryesues të Superligës.

New England Revolution humbi 1-2 kundër Columbus për raundin e 32-të në MLS amerikane të futbollit. Për vendasit nga minuta e parë e nisi edhe Giacomo Vrioni, sulmuesi i kombëtares shqiptare.

Ish-trajneri Julian Ahmataj është rikthyer të drejtoje Tiranën të paktën përkohësisht. Njoftimin e bëri presidenti i klubit Refik Halili, i cili tha se Orges Shehi është shkarkuar për rezultate të dobta, por aludoi se durrsaku nuk ishte treguar profesionist në ndeshjet e fundit, pasi ka kontakte me klube të tjera të Superligës.