Ekonomi

Sulmi ushtarak në Ukrainë do të vijojë të sjellë rritje galopante të çmimeve të ushqimeve. Kështu u shpreh në Komisionin e Ekonomisë Guvernatori i Bankës së Shqipërisë Gent Sejko, i cili kërkoi që qeveria të rishikojë shpenzimet joprioritare dhe të rrisë mbështetjen e dhënë deri më tani.

Në datën 25 Maj, në stadiumin “Air Albania” në Tiranë do të luhet ndeshja finale e Conference League. Lidhur me organizimin e finales, kryebashkiaku i Tiranës, Erion Veliaj, sqaroi se nuk ka asnjë spekulim me çmimet e hoteleve në kryeqytet, përndryshe nga ç’është përfolur nga disa portale mediatike ditët e fundit.

Nga sot nafta dhe benzina do të kushtojnë më lirë, teksa gazi nuk ka pësuar ndryshime. Bordi i Transparencës ka vendosur që nafta do të kushtojë 232 Lekë/litri, ose 5 lekë më pak nga sa ka qenë. Njëjtë edhe për benzinën, e cila ka pësuar ulje me 3 lekë, pra nga 227 lekë që ishte, do të kushtojë 224 Lekë për litër. Ndërkohë, gazi do të vijojë që të kushtojë 100 lekë për litër.

Pas denoncimit në media, Autoriteti i Konkurrencës vë në hetim tregun e hotelerisë në Tiranë, që rriti në mënyrë abuzive çmimet për dhoma në datat 23-25 maj kur në Tiranë mbahet finalja e futbollit të Ligës së Konferencës.

Nga

Eliza Gjediku

Mungesa e monitorimit të tregjeve virtuale, dhe mos marrja e masave për mashtrimet e kryera nëpërmjet platformës FOREX, nga Call Centerat nxitën debate në komisionin e Ekonomisë mes deputetit Erion Braçe dhe Autoritetit të Mbikëqyrjes Financiare. Braçe kërkoi sqarime për masat e marra për këto dy tregje, në të cilat sipas tij po pastrohen paratë e krimit. Këtij shqetësimi AMF ju përgjigj se nuk merret me hetime penale, dhe se monitoron vetëm kompanitë e licencuara.

Në Parkun e Drilonit në Pogradec kanë nisur punimet intensive për rikualifikimin e parkut ujor në bashkëpunim me Fondin Shqiptaro-Amerikan të Zhvillimit.

INSTAT raportoi se ritmet e rritjes së çmimit të bukës u intensifikuan më tej gjatë prillit, teksa çmimet ishin 16.7% më të larta se prillin e kaluar. Rritjen më të lartë e pësoi çmimi i vajit, i cili muajin e kaluar ishte 24.2 për qind më e i lartë se vjet në prill.

Që prej ditës së nesërme Shqipëria do të marrë furnizime me vaj luledielli nga Maqedonia e Veriut.

Trafiku i kokainës përmes porteve në rajonin e Ballkanit Perëndimor është rritur gjatë viteve të fundit, e veçanërisht në Shqipëri dhe në Malin e Zi. Kështu thuhet në Raporti e Drogave, i publikuar së fundmi nga Qendra Europiane për Monitorimin e Drogave (EMCDDA)

Natën finale Roma-Feynord e Conference League që do të zhvillohet me 25 maj në Tiranë, në stadiumin ‘Air Albania’, mezi po e presin shumë sportadashës, por nga ana tjetër të parët që kanë nisur të abuzojnë janë hotelet, manaxherët e të cilëve kanë rritur cmimin e një natë fjetjeje nga 500 Euro deri në 3 MIJË Euro 

Kur pritej që finalja e Ligës së Konferences të ishte një ogur i mirë për Shqipërinë  duket se kjo ka sjellë dhe rritjen e çmimeve të hoteleve për tifozet që do vendosen në Tiranë në datën 25 Maj kur do mbahet dhe ndeshja.  Kreu i Shoqatës së Hoteleri Turizëm  Zak Topuzi ka shkruar se kjo është një lojë e turpshme dhe e pa denjë.

Nga

Eliza Gjediku

Marzhi i fitimit të kompanive të karburantit i caktuar nga bordi dhe forcimi i dollarit në raport me lekun po shtrenjtojnë çmimin e naftës në vend. Prej muajit prill deri më tani dollari ka fituar 4 pikë në raport me lekun, duke bërë që tregtarët vendas të paguajnë më shumë për të importuar naftë.

Nga

Eliza Gjediku

Për të përballuar kostot e aktivitetit dhe për të përshtatur biznesin me kërkesat e tregut, 42% e ndërmarrjeve morën hua në vitin 2021. Ndërkohë bizneset thonë se problemet me konkurrencën, vështirësitë në gjetjen e tregut dhe mungesa e punonjësve po dëmtojnë aktivitetin e tyre.

1.8 milionë euro grant do të marrë Shqipëria për të rritur cilësinë e prodhimit të perimeve dhe bimëve medicinale. Fondi është vënë në dispozicion nga shteti i Zvicrës, ndërsa marrëveshja u nënshkrua sot në Ministrinë e Bujqësisë.

Nga

Rovena Cerka

Presidenti i Ukrainës, Volodimir Zelensky i kërkoi Shqipërisë të refuzojë turistët rusë. Kjo thirrje për përfaqësuesit e industrisë së turizmit, nuk do të sillte dëm të madh në ekonomi, por do të ishte goditje fatale për ata tur operatorë që merren ekskluzivisht me shtetas rus.

Nga

Eliza Gjediku

Deri në vitin 2024 shqiptarët do të përballen me çmime të larta, thotë guvernatori i Bankës së Shqipërisë Gent Sejko pas analizës së situatës. Banka do të vijojë monitorimin e çmimeve, por inflacioni në vend do të mbetet i lartë dhe ritmi i rritjes pritet të jetë më i ngadaltë.