Ekonomi

Fermerët e Myzeqesë që kultivojnë grurë thonë se ndihma 30 mijë lekë për çdo hektar që mbjellin është e pamjaftueshme, edhe pse ata kanë aplikuar. Ndërsa ka të tjerë që thonë se penalizohen pasi nuk kapin dot kufirin 1 hektar për të përfituar mbështetjen nga qeveria.

Mallrat e blera nga jashtë vijnë gjithmonë e më të shtrenjta për konsumatorin në Shqipëri. Si pasojë e krizës së çmimeve, Instituti i Statistikave njofton se mallrat e importuara në tremujorin e dytë të vitit kushtuan 10,7 % më shumë se një vit më parë.

Kriza e çmimeve ka qenë më e fortë në muajit prill qershor në sektorin e ndërtimit. INSTAT raporton se në tremujorin e dytë të vitit, çmimet e materialeve të ndërtimit u rritën me 6.2%, dhe ndikimin më të madh e ka dhënë shtrenjtimi i energjisë elektrike. Ndërsa materialet e ndërtimit u rritën me 6.7%.
 

Doganat kanë tejkaluar pritshmëritë sa i përket të ardhurave të mbledhura për 8 mujorin e fundit të vitit 2022. Në total, gjatë kësaj periudhe ‘Doganat’ kanë mbledhur 144 mld lekë nga 143,3 mld të planifikuara, pra rreth 600 mln lek më shumë se plani i rishikuar. Duke e krahasuar me të njëjtën periudhë të një viti më parë janë 211 milionë euro më shumë.

Rritja e vazhdueshme e çmimeve të energjisë elektrike dhe pozicioni si importues i Shqipërisë është sfida kryesore që ka përpara ekonomia e vendit dhe që mund të frenojë rritjen e saj. Banka e Shqipërisë thotë se nëse ekonomia ngadalësohet, kjo mund të ndikojë në rënien e aftësisë paguese të bizneseve e të familjeve.

Të gjitha ndërtimet pa leje me qëllim biznesi, do të konfiskohen nga shteti. E njëjta gjë do të ndodh edhe me ato kompani që shkelin lejet e ndërtimit, duke bërë shtesa në objekt, por jo për banim. Ky është vendimi i fundit i marrë nga qeveria, që u bë publik nga zëvendëskryeministrja Belinda Balluku.

Qendra Kombëtare e Biznesit (QKB) ka pezulluar aktivitetin e shoqërisë së fluturimeve “Air Albania”, pasi kjo e fundit nuk ka deklaruar pronarët përfitues.

Duke u ndalur te plani i kursimit, deputeti socialist, Erion Braçe tha se është i domosdoshëm teksa shtoi se në periferi të Tiranës ka vila që mbajnë dritat e vilave ndezur për luks, duke thënë se kjo është një abuzim, teksa nuk i ka kursyer edhe ironitë. 

Komisioni i Ekonomisë miratoi rishikimin e buzhetit të vitit 2022. Opozita doli kundër rritjes së çmimit të energjisë për familjes që shpenzojnë mbi 800 kilovat. Debatet kulmuan mes Erion Braçe dhe ministres së Financave, për vonesën e qeverisë në shpalljen e paketës së tyre sociale për grupet vunerabël.

Organizata Botërore e Turizmit e ka renditur Shqipërinë në vendin e katërt në botë për rimëkëmbjen e sektorit të turizmit në 5 muajt e parë të vitit 2022. Ka qenë ministrja e Turizmit, Mirela Kumbaro e cila ka publikuar shifrat sa i përket flukseve ndërkombëtare.

Duke vlerësuar pasojat e jashtëzakonshme dhe afatgjata të krizës globale të energjisë mbi ekonominë kombëtare, Konfindustria kërkon nga qeveria e Shqipërisë të themelojë Fondin Emergjent dhe Strategjinë e Menaxhimit të Krizës Energjitike

Nga

Eliza Gjediku

Burime për Report TV bëjnë me dije se qeveria po mendon të rimbusojë  gjysmën e vlerës së pajisjes së paneleve diellore për të gjitha familjet që do t’i instalojnë ato nëpër shtëpi dhe që do i përdorin vetëm për ngrohje uji. Nga ana tjetër Enti Rregullator i Energjisë ka ndryshuar tarifat e licencimit të kompanive që furnizojnë me energji dhe të atyre që prodhojnë energji.

Pavarësisht krizës energjetike, Shqipëria nuk do të ketë kufizime në dimër. Drejtori i KESH, Ergys Verdho ishte i ftuar në studion e lajmeve të Report Tv, ku tha se zgjidhja afatshkurtër për të përballuar situatën e vështirë do të jenë anijet që prodhojnë energji.

Në kuadër të Ballkanit të Hapur, në Beograd, u mbajt një Panair Vere, ku morën pjesë 22 kantina prodhuese shqiptare të verërave si dhe kantina nga Serbia dhe Maqedonia e Veriut.