Lajme nga emisionet

Deputetja Iris Luarasi përgënjeshtroi lajmet në disa media dhe tha se ishte e gatshme të dorëzonte mandatin e ligjvënëses, nëse figuron se ka bërë denoncim në polici ndaj një protestueseje që e rrethoi brenda qendrës tregtare teksa po shkonte në Parlament. Por përndjekjen ndaj saj, ajo e krahasoi me metodat e dënimeve pa gjyq të kohës së komunizmit.

Për Belinda Balluku telashet nuk kanë të sosur. Në një lidhje të drejtpërdrejtë në ‘Sot Live në Shqipëri’, avokati Arbër Hoxha tha se ekziston mundësia që Prokuroria e Posaçme mund të kërkojë pranë Kuvendit e një masë të re sigurimi.

Analistja Afërdita Maliqi në një lidhje të drejtëpërdrejtë në ‘Sot Live në Shqipëri’, tha se LVV është partia e parë që nuk respekton Kushtetuesen.

Juristja Alesia Balliu i kërkoi SPAK dhe institucioneve të tjera të drejtësisë që të përshpejtojë hetimet për dosjen 'Balluku', por edhe për dosjet e tjera të politikanëve të dyshuar si të korruptuar. Ndërsa avokati Beqiri i cilësoi aventurizma thirrjet për arrestimin e Ballukut, teksa shtoi se Balluku nuk ka asnjë lidhje me tenderat.

Me 43 mijë vende pune të paplotësuara në vetëm gjashtë muaj, eksperti i ekonomisë Ergis Sefa thotë se tregu shqiptar i punës po përballet me pasojat e politikave të ndjekura ndër vite në arsim.

Sipas Kushtetueses, masa e arrestit në burg për kryetarin e zgjedhur me votë të Tiranës, është jo proporcionale dhe respektimi i këtij vendimi, 'do ta çlironte' Tiranën, argumenton Halit Valteri. 

Pasi këshilltari i PS në bashkinë e Tiranës, Halit Valteri, foli rreth protestave kundër qeverisë dhe fitores së qeverisë Rama për sa kohë përballë kanë “marioneta” dhe jo opozitë, Senada Mehmeti tha se dalin dhe mbrojnë skandalet publike.

Teksa e cilësoi Shqipërinë një ‘Republikë anti-ligj’, Mehmeti tha se ata që paguhen për kontrollin e karburanteve, duhet të bëjnë detyrën dhe jo të bëhen palë me ata që tregtojnë karburante jashtë standardit.

Dje ka përfunduar raundi i parë i regjistrimeve në universitetet shqiptare. Arjan Xhelaj tha njohja e maturantëve me këtë proces ka bërë që numri i çregjistrimeve ndër vite të jetë shumë i ulët.

Sipas analistit, dokumenti nuk synon të përmirësojë funksionimin e gjykatës, por është një shfaqje protagonizmi që, sipas tij, përcjell mesazhin se sistemi i drejtësisë nuk i jep llogari më as qeverisë, as medias dhe as shoqërisë civile.

Yzeiri argumentoi se gjyqësori nuk mund të marrë përsipër kompetenca që i takojnë Kuvendit, e cilësoi situatën "aktin më qesharak" mes qeverisë dhe kastës së gjyqtarëve e prokurorëve dhe i bëri thirrje mazhorancës të dialogojë me opozitën për të dalë nga ngërçi.

Arbjan Mazniku theksoi se Reforma e re Territoriale nuk i largon shërbimet nga qytetarët dhe as zyrat e marrjes së shërbimeve. E vetmja gjë që lëviz sipas tij, janë zyrat e planifikimit të bashkive. Bashkëkryetari socialist i Komisionit tha gjithashtu se vullneti i PS ishte që në zgjedhjet lokale të 2027-ës të hyej me hartën e re territoriale.

Për Erion Braçen si kandidat të mundshëm të socialistëve, Alimehmeti tha se nuk ndërhyn në vendimet e një force tjetër politike. Ai theksoi se prioriteti i kryebashkiakut duhet të jetë qyteti dhe shërbimet për qytetarët, ndërsa ndryshimi politik duhet të vijë përmes zgjedhjeve të drejta dhe një force të konsoliduar elektorale.

Horoskopi i muajit Shtator për 12 shenjat e zodiakut