Lajme nga emisionet

Rasti i zhdukjes së Selim Lloçja, nga fshati Labinot-Fushë i Qarkut të Elbasanit u denoncua pasditen e kësaj të mërkure në emisionin 'Pa Gjurmë' në Report TV nga i vëllai i tij Agim Lloçja. 33-vjeçari u largua nga banesa e tij më datë 1 shkurt, ndërsa pista e rrëmbimit është një nga pistat për të cilën dyshojnë familjarët.

Në një intervistë në emisionin “ Rreze dielli’’ në Report Tv logopedi Spiro Saqellari sqaroi dilemat e prindërve për belbëzimin tek fëmijët. 

Juristi Fabian Topollaj në Report Tv, duke folur rreth shkarkimit ose jo të presidentit nga Gkykata Kushtetuese, tha se Ilir Meta i “shpëtoi” herën e parë komisionit të Venecias, por këtë herë e ka të rënduar pozitën, pasi është përfshirë politikisht, një gjë që sipas tij është kategorikisht e ndaluar për përfaqësuesin e unitetit të popullit

Ish-deputeti Halit Valteri thotë me bindje se Ilir Meta nuk do ta përfundojë mandatin si President. Në studion e emisionit 'Repolitix' të gazetarit Denis Minga, Valteri tha se Meta ka shkelur Kushtetutën, ndërsa për deklaratat e tij 'do më vrasin te Mali me Gropa', deputeti u shpreh se ai i bëni pasi kalon normën e alkoolit.

Anëtarja e kryesisë së PD-së, Tualnta Jupi tha në Report Tv se vota për kandidatët e Berishës është një votë që shkon për të mbajtur në pushtet Edi Ramën. Nga ana tjetër, ish-deputetja e LSI-së, Floida Kërpaçi thotë se  ‘Shtëpisë së Lirisë’ do të luftojë që të çlirojë bashkitë që janë të kapura nga regjimi i Edi Ramës dhe tu rikthejnë atyre legjitimitetin.

Avokati Maks Haxhia theksoi se trupa gjykuese që dënoi Tahirin ka qenë e ndikuar dhe nën presion për ta dënuar atë me burg. Ai nuk dha emra, por shprehu me bindje se ka qenë një grup apo një individ që ka ndikuar për të dënuar me burg Tahirin, me qëllim njollosjen e figurës së tij.

Ambasadori i Turqisë në Tiranë, Murat Ahmet Yoruk tha se FETO kërcënon seriozisht marrëdhëniet mes dy vende, ndërsa kërkoi nga Shqipëria që si mik dhe vëllai i Turiqisë të marrë masa ndaj tyre. Një koment ambasadori e pati edhe për koincidencën që vizita e presidentit turk Erdogan në Tiranë  më 17 janar që përkoi me 554 vjetorin e vdekjes së Skënderbeut.

Vetmia sociale e të moshuarve në Shqipëri po kthehet në një problematikë sipas studimeve të kryera së fundmi.   

Fatmir Baze është mjeku hero i cili me historinë e tij të veçantë i jep një mesazh të fortë shoqërisë. 

Nga dita në ditë pritet shpallja e vendimit të Gjykatës Kushtetuese për shkarkimin ose jo të kreut të shtetit, analisti Ilir Yzeiri tha në Report Tv se Meta ka zhveshur “mantelin” e rëndë të presidentit sapo u mandatua dhe e ka shkelur atë, duke bërë një nga fushatat më të egra në vitin 2017.

Në një intervistë për "5 pyetjet nga Babaramo" për Report Tv, Braimllari tha se të 3-ja seancat në Kushtetuese treguan vetëm që Kuvendi ka manipuluar faktet dhe se kur e bënë këtë gjë me Presidentin dhe ia dërgon dokumentet e falsifikuara organit më të lartë në vend gjykatës Kushtetuese, atëherë mund të bëjë çdo gjë lidhur me procedurat e tenderave apo PPP, që sipas tij janë denoncuar vazhdimisht nga LSI .

Në lidhe me situatën në PD, për Bozdon partia ka nevojë për një brez të tretë në krye të saj që e tejkalon Berishën apo Bashën. Sipas tij, roli i fundit i Berishës në karrierën e tij politike është promovimi i një gjenerate të re në PD për t'u përballur me Ramën. Për Bashën, Bozdo u shpreh se po mbanë pa të drejtë vulën dhe selinë e PD.

Juristja Brisida Gjikondi deklaroi se Presidenti Ilir Meta do shkarkohet nga Gjykata Kushtetuese, ndërsa hapi i dytë do jetë shpallja ‘non grata’ dhe hapi i tretë do jetë burgu i Reçit. Jursiti Alban Duraj  tha se prisnin më shumë nga ‘Kushtetuesja’ ndërsa shtoi se tejzgjatjet për të marrë një vendim janë të panevojshme.

Për analistin Lorenc Vangjeli, mundësia që Lulzim Basha të tërhiqet nga zgjedhjet lokale të 6 Marsit është e lartë. Ai tha në ‘Kontrast’ për Report TV se beteja kryesore e kreut të PD-së nuk është me Edi Ramën, por me Sali Berishën.

Për kreun e Bindjes Demokratike, mazhoranca por edhe vetë Ilir Meta nuk janë të interesuar për shkarkimin e kreut të shtetit nga Gjykata Kushtetuese. Për ‘Kontrast’ në Report TV, Astrit Patozi tha se Meta kërkon të ruajë kultin e pandëshkueshmërisë në politikë dhe për këtë arsye aq më pak ai vetë do të donte të bëhej shembull.