Lajme nga emisionet

Avokati Saprtak Ngjela thotë se më 6 mars, në zgjedhjet e pjesshme vendore, kryeministri Edi Rama do mbështesë Sali Berishën dhe jo Lulzim Bashën. Në një intervistë në Report TV, Ngjela thotë se Rama do të bëjë këtë zgjedhje pasi është i trembur nga mbështetja e amerikanëve për kryedemokratin Lulzim Basha. 

Eduard Prodani tha se për shkak të padive për manipulimin e zgjedhjeve nga FSHF në shoqatat rajonale, ka bërë që prokuroria "të hyjë në fushën e lojës" dhe se mund të ketë vendim të gjykatës që të kërkojë pezullimin e zgjedhjeve të 2 marsit për kreun e FSHF-së deri sa të vendosen "pikat mbi i". 

Situata nga COVID në vendin tonë është drejt përmirësimit! Kreu i Urgjencës Kombëtare, Skënder Brataj, bazuar në shifrat e Urgjencës Kombëtare tha se ka një rënie të numrit të vizitave, ndërsa u shpreh se jemi në fazën e rënies së infeksionit. Por megjithatë kujdesi dhe vëmendja ndaj virusit duhet të jetë i njëjtë, shtoi ai.

Sula bëri një deklaratë të fortë kur tha se këto ditë, priten arrestime nga kampi i mazhorancës për aferën e inceneratorëve. Ndër të tjera deputeti shprehu keqardhje për gjendjen ku ndodhet sot PD ndërsa theksoi se nuk i vjen keq as për Bashën dhe as për Berishën, por për demokratët. Sula theksoi se situata në kampin blu favorizon vetëm Edi Ramën.

Debaton me nusen e djalit zhduket nga banesa në Lushnje 67-vjeçarja. Rabushe Daja rezulton e humbur që prej 30 janarit të këtij viti. Ajo jetonte së bashku me mbesën dhe nusen pasi djali kishte ndërruar jetë 20 vite më parë nga një aksident. Në një lidhje me viber nga Italia për emisionin ’Pa Gjurmë’ në Report Tv e bija Merita Daja pohoi se kunata e saj ia kishte mbajtur të fshehur për 6 ditë me radhë humbjen e nënës.

Momenti ideal për të filluar ushqimet është një dilemë për të gjithë prindërit me fëmijë të vegjël. 

Drejtori i CRCA, Altin Hazizaj tha në Report Tv se 1/10 e fëmijëve në Shqipëri janë viktimë e dhunës seksuale në internet, ndërsa shtoi se ky numër është trefishuar gjatë 2021. Ai tha se nga rastet e raportuara përmes platformave të posaçme, 70% prej tyre vijnë nga vajzat.

Përparim Çaça, pjesë e grupit të punës së PD për Reformën Territoriale, deklaroi në emisionin 'Repolitix' të gazetarit Denis Minga në Report Tv, se po projektohet që nga 61 bashki, të shkojnë në 90 të tilla. Sipas tij, duhet të kemi një përfaqësim më të madh dhe sa më të efektshëm në shërbim të qytetarëve.

Komiteti Shqiptar i Helsinkit është kundër hartës së re gjyqësore të propozuar nga Ministria e Drejtësisë dhe KLGJ. Kreu i Komitetit, Erida Skëndaj e ftuar në ‘Report Tv’ thotë se shkrirja e 6 gjykatave të Apelit në një të vetme në Tiranë largon shërbimet për qytetarët, të cilët duhet të udhëtojnë me orë të tëra për një çështje gjyqësore në Tiranë.

Rusia po tregon se është e gatshme që të pushtojë Ukrainën! Kështu tha në një intervistë në emisionin 'Studio Live', në Report Tv, deputeti socialit Xhemal Qefalia, anëtar i Komisionit të Sigurisë. Duke u ndalur tek konflikti dhe tensionet në rritje mes Rusisë dhe Ukrainës, Qefalia tha se pala ruse ka instaluar rreth kufirit ukrainas mjete ushtarake

Duke folur për ‘Kontrast’ në Report TV, analisti Lorenc Vangjeli u shpreh se Lulzim Basha po kërkon sot reformën territorial, ndërkohë që kur mazhoranca i lutej të merrte pjesë ai e bojkotoi.

Projekti i BE-së për restaurimin e shtëpisë së ish-ministrit të-Brendshëm, Xhafer Deva gjatë Luftës së II Botërore, ngjalli debate të forta në Kosovë, ku historianët dhe politikanët u ndanë pro dhe kundër këtij financimi.

Eksperti për çështjet e sigurisë, Ilir Kulla në një intervistë për '5 pyetjet nga Babaramo" në Report Tv, tha se nuk do të ketë luftë, por e gjitha do të jetë një "luftë nervash propagandistike" dhe kërcënimesh që Rusia të fitojë betejën e saj në tavolinë. Eksperti tha se në fakt e gjithë kjo luftë është ekonomike dhe se Rusia kërkon që të rrisë rolin e tij ndërkombëtar dhe për këtë shfrytëzon dobësitë e vendeve perëndimore.

Qytetarët e Tiranës paguajnë 71 mijë euro në ditë për pastrimin qytetit, por djegiet nuk bëhen. Kështu tha i ftuar në emisionin '5 Pyetjet nga Babaramo' në Report Tv, Belind Këlliçi, deputet në grupin e Berishës, i cili tha se inceneratori i Tiranës ka marrë 40 mln euro për një vepër që nuk ekziston

Në ‘Kontrast’ për Report TV, Vangjeli tha se më tepër se një vit më parë një ish-kryeministër shqiptar është detyruar të zbresë nga automjeti Porsche Cayene që ngiste, pasi automjeti kërkohej me çdo kush nga autoritetet franceze.

Në ditën e të dashuruarve, një çift që jeton në Itali ndajnë historinë e dashurisë së tyre për publikun në emisionin ’Pa Gjurmë’ në Report Tv për të përcjellë dhe një mesazh të fortë. I riu italian, i cili prej vitit 2008 pas një aksidenti jeton në një karrocë me rrota, u martua në vitin 2021 me vajzën shqiptarë nga Lezha, Lusi Përndreka e cila është për të dashuria më e madhe.

Ish-prokurori Eugen Beci komentoi sot në emisionin ‘Kontrast’ mbërritjen e prokurorëve belgë në Tiranë, që morën në pyetje Lulzim Bashën rreth çështjes ‘Toyota Yaris’.

Humbi gjurmët më 10 shkurt të këtij viti gjendet 24-vjeçari nga Cërriku. Fatjon Kaloti foli live për emisionin ’Pa Gjurmë’ në Report TV, pak orë pasi ishte kthyer në banesë, mëngjesin e kësaj të hëne.

Në seancën e kaluar të Kuvendit, me votën që opozita dha për zgjatjen e afateve të vettingut përfitoi ngritjen e Komisionit Zgjedhor dhe atij Territorial, por Partia Demokratike nuk është mjaftuar me kaq. Deputeti Demokrat, Ervin Salianji tha në Report Tv se do këmbëngulin për vettingun e politikanëve, ndonëse Partia Socialiste nuk ka shprehur vullnetin e duhur për ta vazhduar këtë nismë.