Kronikë

Një shqiptar është arrestuar në Belgjikë pasi në makinën e tij iu gjetën bizhuteri me vlerë mijëra euro, të cilat ai nuk i kishte justifikuar dhe rezultoi se ishin të vjedhura. Ai u dënua me 18 muaj burg.

Një ton kokainë është kapur dhe është sekuestruar në portin e Savonës. Droga ishte fshehur në pjesën e zhytur të anijes tregtare. Operacioni që është kryer nga autoritet policore të Barit është vazhdim i atij të 2 janarit kur u arrestuan 4 shqiptarët, të cilëve iu gjet 353 kilogramë kokainë, e fshehur në dhomat e hotelit.

Prokuroria e Tiranës ka nisur verifikimet për pasurinë e xhaxhait të Alda Klosit, zyrtares që ra pre e vjedhjes nga Rozeta e Havier Dobi, nënë e bir.

 Një 16-vjeçar është bënë në pranga nga policia e Tiranë, ndërsa një tjetër i ri 28-vjeç është shpallur në kërkim pasi akuzohen së vetëm në gjysmën e parë të janarit kanë vjedhur 5 shtëpi në fshatrat e Tiranës.  

Arratia e për një 44-vjeçar nga Vlora ka marrë fund pas 6 vitesh. Miky Ibrahimi është vënë në prangat e policisë, pasi është dënuar nga Gjykata e Vlorës me 3 vjet burgim, për veprën penale "Heqja e paligjshme e lirisë".

Nga

Elvis Hila

Një familje prej 5 personash ka rrezikuar jetën, teksa po tentonin të kalonin përroin në fshatin Kaluer të Njësisë Administrative Ungrej në Lezhë. Automjeti me të cilin ata po udhëtonin ngeli në mes të ujit, për shkak të prurjeve të shumta të përroit nga reshjet e dendura të shiut.

Një raport i INSTAT tregon se aksidentet rrugore gjatë vitit 2022 u ulën me 15.3%. Eksperti i sigurisë rrugore Islam Qibini thotë se infrastruktura rrugore është përmirësuar por mbetet problem ndriçimi gjatë natës.

Pronari i një guroreje në Krujë është arrestuar nga policia për shkak se nuk dispononte dokumentacionin e nevojshëm për nxjerrjen dhe përpunimin e materialeve inerte dhe gurore.

Nga

Sokol Dema

Në të katërtën ditë, policia ende nuk ka asnjë gjurmë nga automjeti që Mateo Lika kishte marrë me qira dhe dyshohet se u aksidentua në urën e Mbrostarit duke rënë në lumin Seman. Report Tv zbulon telefonatën e fundit të 26-vjeçarit me shoqen e tij në Gjermani, të cilës i rrëfeu se do ikte tek motra në Tiranë pasi e kishte marrë malli për nipin. Ekspertët dyshojnë se makina mund të ketë qenë me shpejtësi ndërsa makina mund të jetë zhytur në llucën e lumit.

Suzana Dika, 49-vjeçe, kishte humbur kontaktet me familjen ditën e djeshme para mesditës pasi kishte dalë për të hedhur mbeturinat por nuk u kthye më. Ajo u gjet e pajetë sot, e nxjerrë  e mbytur nga ujërat e lumit Shkumbin në Elbasan. Vëllai i saj e kishte denoncuar në polici ndërkohë që sot pasdite denoncimin do ta bënte edhe në ‘Pa Gjurmë’ për të kërkuar ndihmë për gjetjen e motrës së tij.

Një 34-vjeçar është arrestuar në pikën e kalimit kufitar në Bllatë pasi tentoi të fuste brenda vendit një sasi nafte të dyshuar si të kontrabanduar.

Një prezantues britanik është përplasur me ministrin Robert Jenrick për gjuhën e përdorur ndaj shqiptarëve. Në emisionin e mëngjesit, ministri Robert Jenrick i tha prezantuesit Nick se nuk është aspak i penduar dhe mbrojti veten duke thënë se duhet të dallojnë diasporën shqiptare që e respektojnë nga ata që janë emigrantë të paligjshëm që futen në Britani në mënyrë ilegale me gomone.

Ngjarjet të cilat do të ndiqni sot në emisionin 'Pa Gjurmë'.

Nga

Sokol Dema

Policia dhe Prokuroria e Elbasanit kanë në duar ekspertizën e një prej dronëve që sekuestruan pas arrestimit të dy shtetasve rus dhe një ukrainas në uzinën e Gramshit. Sipas burimeve, nga kqyrja e dronit është zbuluar se në të kishte pamje të disa institucioneve dhe reparteve.

Pavarësisht kërkesës së avokatëve, për shkrirjen e dy dosjeve për inceneratorin e Elbasanit dhe të Fierit, Gjykata nuk ka pranuar tua shqyrtojë bashkë të dyja çështjet e inceneratorëve. Seanca e sotme u shty për t’u zhvilluar në datat 1 dhe 2 shkurt. Të pranishëm në seancën e sotme paraprake për incenatorin e Elbasanit ishin ish ministri i Mjedisit, Lefter Koka dhe deputeti socialist, Alqi Bllako.